Thov (יחוח)Yahweh Pab Thaum Txom Nyem

Txoj nkauj Maxakhis uas Daviv sau rau thaum nws nyob hauv qhov tsua. Tej lus thov.

​

1 Kuv tsa suab quaj thov (יחוח)Yahweh, kuv tsa suab taij thov (יחוח)Yahweh pab.

2 Kuv quaj yws kuv tej kev nyuaj siab rau ntawm nws xubntiag, kuv qhia kuv tej kev txom nyem rau nws.

3 Txawm kuv tus ntsuj plig qaug zog tag nyob hauv kuv lub cev, koj yeej paub kuv txoj kev. Txojkev uas kuv yuav mus, lawv cuab hmab cuab hlua rau kuv.

4 Thov koj tsa muag saib ntawm kuv sab xis vim tsis muaj leejtwg tsom kwm kuv li lawm. Kuv tsis muaj lub chaw cawm siav lawm, tsis muaj leejtwg mob siab kuv. 

5 Au (יחוח)Yahweh, kuv tsa suab quaj thov koj, kuv hais tias, koj yog kuv lub chaw cawm siav.  Thaum kuv tseem ciaj sia nyob, koj yeej yog kuv tug.  

6 Thov koj mloog kuv lub suab quaj, vim kuv zog ntaug tag.  Thov cawm kuv dim ntawm cov uas tsim txom kuv, rau qhov lawv muaj zog heev dhau kuv. 

7 Thov tso kuv tawm hauv tsev lojfaj, kom kuv thiaj li qhuas tau koj lub npe.

Cov tibneeg ncaj ncees yuav nyob vij vog kuv, vim yog koj ua zoo heev rau kuv.