1 Vajntxwv lub siab yog tus niag dej uas nyob hauv (יחוח)Yahweh txhais tes, ((יחוח)Yahweh muab nws lub siab tig raws li (יחוח)Yahweh pom zoo. 2 Tibneeg pom tias txhua yam uas lawv ua puavleej zoo, tiamsis (יחוח)Yahweh tshuaj hauv lub siab.

 3 Qhov uas ua ncaj ncees thiab txiav txim ncaj, haum (יחוח)Yahweh lub siab heev dua li muab qhov txhia chaw xyeem.

4 Lub qhov muag khav theeb thiab lub siab muab hlob, uas yog cov tibneeg limhiam lub teeb mas puavleej txhaum. 5 Tus tibneeg nquag tej hom phiaj yeej coj kom nws muaj nplua mias, tiamsis txhua tus uas maj ua dog ua dig yeej tu pluas xwb. 6 Tej niag txhab nyiaj uas tus nplaig dag tau mas yog tej pa ncho uas nyob ib vuag dua xwb thiab yog txojkev tuag rooj hlua. 7 Cov limhiam txojkev ua nruj ua tsiv yuav kuav lawv mus vim yog lawv tsis yeem ua ncaj rau luag.

8 Cov tibneeg muaj txim txojkev yeej nkhaus, tiamsis tej uas cov tibneeg dawb huv ua kuj raug cai. 9 Nyob saum ru tsev zoo dua li nrog tus pojniam tsawm taus nyob hauv tsev. 10 Tus tibneeg limhiam lub siab ntshaw ua phem, nws tsis khuvleej nws tej kwvtij zej zog. 11 Thaum tej tibneeg muab hlob raug txim mas cov tibneeg tsis thoob tsib kuj ntse tuaj, thaum tus uas muaj tswvyim raug luag qhuab qhia, nws kuj tau kev txawj ntse. 12(יחוח)Yahweh uas ncaj ncees ua tib zoo saib cov tibneeg limhiam lub tsev, nws muab cov tibneeg limhiam laim pov tseg puam tsuaj tag. 13 Tus uas ntsaws qhov ntsej tsis mloog tus pluag lub suab hu, nws yuav hu tsis muaj leejtwg hnov thiab. 14 Ua twjywm pub tshav ntuj rau tus uas chim mas kev chim yuav ploj, muab nyiaj xiab ntsaws rau hauv xubntiag mas kev npau taws yuav ploj. 15 Thaum tu plaub ncaj kuj ua rau cov uas ncaj ncees zoo siab, tiamsis ua rau cov uas ua phem poob siab nthav. 16 Tus uas lug txojkev thoob tsib to nrog, yuav mus nrog cov tibneeg tuag nyob ua ke. 17 Tus uas nyiam kev lomzem yuav pluag, tus uas nyiam cawv txiv hmab thiab cov roj muaj nqes yuav tsis nplua nuj.

18 Cov tibneeg limhiam yuav ua nqe txhiv cov tibneeg ncaj ncees, tus tibneeg tsis ncaj yuav theej tus ncaj chaw. 19 Nyob tebchaws moj sab qhua mas zoo dua li nrog tus pojniam tsawm taus yws taus nyob ua ke. 20 Tej cuab txhiaj cuab tam muaj nqes nyob hauv tus uas muaj tswvyim lub tsev, tiamsis tus ruam nws noj nws li tag huvsi. 21 Tus uas raws ncuj nciav txojkev ncaj ncees thiab txojkev hlub yuav tau txojsia thiab koob meej thiab yuav vam meej.

22 Tus uas muaj tswvyim nce mus ntaus tau cov tibneeg uas muaj zog lub nroog, thiab rhuav lub chaw ruaj khov uas lawv tso siab pob tag. 23 Tus uas tswj tau nws lub qhov ncauj thiab nws tus nplaig kuj tsom kwm tau nws dim tej kev ceeblaj. 24 Tus uas tsab ua loj thiab khav theeb npe hu ua tus muab hlob, mas nws xyaum khav theeb tsis yuav kev yuav cai.

25 Tus tub nkeeg txojkev ntshaw yuav rov tua nws, vim yog nws txhais tes tsis kam ua haujlwm. 26 Tus uas ua siab hlob kuj ua siab hlob ib hnub tsaus ntuj, tiamsis tus ncaj ncees mas pheej pub tsis nkaum tes li.

27 Tej uas cov tibneeg limhiam muab xyeem mas (יחוח)Yahweh ntxub kawg li, thaum lawv coj tuaj ntawm lub siab uas xav ua phem mas (יחוח)Yahweh yimhuab ntxub. 28 Tus cuav timkhawv yuav puam tsuaj, tiamsis tej lus uas tus mloog lus hais yuav nyob mus. 29 Tus uas limhiam nws ua nws lub plhu tuab kawg li, tiamsis tus ncaj ncees nws ua tib zoo saib nws txojkev. 30 Tsis muaj lub tswvyim twg thiab kev txawj ntse thiab tej lus taw qhia twg uas kov yeej tau ((יחוח)Yahweh.

31 Npaj nees txhij rau hnub uas ua zib lawm, tiamsis qhov uas kov yeej nyob ntawm (יחוח)Yahweh.