1 Kuv yog Sha-ul, uas yog (יהושע)Yahshua Messiah tus tub qhe raws li Abba (יחוח)Yahweh lub siab nyiam. Kuv thiab peb tus kwv Timothy 2 sau tsab ntawv no tuaj rau cov neeg dawb huv thiab cov kwvtij uas ntseeg (יהושע)Yahshua Messiah hauv lub moos Colossians. Thov txojkev hlub thiab txojkev ywjpheej ntawm Abba (יחוח)Yahweh uas yog peb leej Txiv nrog nraim nej nyob.

​

Sha-ul Ua Abba (יחוח)Yahweh Tsaug

3 Txhua zaus uas peb thov Abba (יחוח)Yahweh pab nej, peb ua Abba (יחוח)Yahweh uas yog peb tus Cawmseej (יהושע)Yahshua Messiah Leej Txiv tsaug.

 4 Vim peb twb hnov txog nej txojkev ntseeg hauv (יהושע)Yahshua Messiah thiab hnov txog qhov uas nej hlub Abba (יחוח)Yahweh cov neeg dawb huv txhua tus.

5 Txojkev ntseeg thiab txojkev hlub ntawd, los ntawm txojkev vam uas khaws cia hauv Lub Nroog Yeluxalees rau nej, uas nej twb txeev hnov ntawm txojlus tseeb uas yog txoj hmoo zoo, 6 uas twb tuaj txog nej lawm. Txoj hmoo zoo ntawd tabtom tawg paj txi txiv thiab huaj vam thoob ntiajteb, ib yam li huaj vam rau hauv nej txij hnub uas nej tau hnov thiab nkag siab Abba (יחוח)Yahweh txojkev hlub raws li qhov tseeb. 7 Nej tau kawm ntawm Epafas uas nrog kuv koom ua haujlwm thiab kuv hlub nws, nws yog ib tug uas muaj siab xib ua (יהושע)Yahshua Messiah tes haujlwm, vim yog saib rau nej, 8 thiab nws tau qhia rau peb paub txog nej txojkev hlub hauv Tus Ntsuj Plig Dawbhuv. 9 Vim li no, txij hnub uas peb hnov txog nej, peb kuj tsis tseg qhov uas thov Abba (יחוח)Yahweh pab nej. Peb thov kom nej yuav muaj txhua yam tswvyim thiab nkag siab sab ntsuj plig, thiaj paub tag nrho Abba (יחוח)Yahweh lub siab nyiam li cas, 10 xwv nej thiaj ua lub neej raws li uas tsim nyog ua rau Abba (יחוח)Yahweh, thiab txaus nws lub siab txhua yam, yog tawg paj txi txiv rau txhua yam haujlwm zoo thiab paub Abba (יחוח)Yahweh zuj zus. 11 Kuv thov txhawb nej lub zog kom muaj zog heev raws li Abba (יחוח)Yahweh lub hwjchim ci ntsa iab, kom nej thiaj thev taus thiab ua siab ntev rau txhua yam, thiab muaj siab xyiv fab, 12 thiab ua Abba tsaug uas pub nej muaj feem nrog cov neeg dawb huv tau qub txeeg qub teg hauv qhov kaj. 13 Abba (יחוח)Yahweh cawm peb dim ntawm lub hwjchim tsaus ntuj thiab coj peb los nyob hauv nws tus tub uas nws hlub lub tebchaws. 14 Hauv tus tub ntawd, peb thiaj raug txhiv dim, yog qhov uas daws lub txim.

​

(יהושע)Yahshua Messiah Tes Haujlwm

15 (יהושע)Yahshua Messiah yog Abba (יחוח)Yahweh uas peb qhov muag tsis pom tus yam ntxwv, yog thawj tug uas yug los hauv ib puas tsav yam uas tsim los.

16 Vim tus Tub ntawd, thiaj li tsim ib puas tsav yam tshwm los yog tej uas nyob saum nruab ntug, tej uas nyob hauv ntiajteb, tej uas qhov muag pom thiab tej uas qhov muag tsis pom, tsis hais tej dab, tej timtswv, tej hwjchim thiab tej dab uas kav huvsi, txhua yam puavleej tsim ntawm nws thiab tsim rau nws. 17 Nws nyob ua ntej dua txhua yam thiab txhua yam raug rub los txuas ua ke rau hauv nws.

18 Nws yog lub taubhau rau lub cev uas yog pawg ntseeg. Nws yog lub hauv paus, nws yog tus tub hlob uas xub ciaj sawv hauv qhov tuag rov los, kom nws thiaj ua txhua yam tus thawj. 19 Rau qhov Abba (יחוח)Yahweh txaus siab pub tej uas yog Abba (יחוח)Yahweh li tag nrho huvsi, nyob rau hauv (יהושע)Yahshua Messiah,

20 thiab Abba (יחוח)Yahweh siv (יהושע)Yah-shua Messiah ua rau txhua yam rov los nrog Abba (יחוח)Yahweh sib raug zoo, tsis hais tej uas nyob hauv lub ntiajteb thiab nyob saum nruab ntug, vim yog (יהושע)Yahshua Mes-siah cov ntshav ntawm tus ntoo ntsia tes, ua kom muaj kev sib haum xeeb.

21 Yav nram ntej, nej raug txiav tu ntawm Abba (יחוח)Yahweh, thiab lub siab ua yeeb ncuab ua phem kawg. 22 Tiamsis nimno Abba (יחוח)Yahweh pub nej rov nrog nws sib raug zoo, vim yog qhov uas (יהושע)Yahshua lub cev tau tuag thiaj coj nej los cuag Abba (יחוח)Yahweh, ua cov uas dawb huv thiab tsis muaj qhov qias thiab tsis muaj chaw thuam rau ntawm Abba (יחוח)Yahweh xubntiag, 

23 tsuav yog nej tsim tsa ruaj hauv txojkev ntseeg thiab nyob ruaj nreeg, tsis txhob khiav ntawm txojkev vam hauv txoj hmoo zoo uas nej tau hnov, uas twb tshaj tawm rau txhua tus neeg thoob qab ntuj lawm, thiab kuv Sha-ul yog tus uas ua tes haujlwm tshaj txoj hmoo zoo no.

​

Sha-ul Tes Haujlwm Hauv Pawg Ntseeg

24 Nimno kuv zoo siab qhov uas raug kev txom nyem, vim yog saib rau nej, thiab raug kev txom nyem ntxiv rau tej kev tsim txom uas (יהושע)Yahshua Messiah raug tsis tag, vim yog saib rau nws lub cev uas yog pawg ntseeg, kuv thiaj ris kom tiav rau hauv kuv lub cev.

25 Kuv ua haujlwm rau pawg ntseeg ntawd, raws li tes haujlwm uas Abba (יחוח)Yahweh muab cob rau kuv kom qhia Abba (יחוח)Yahweh txojlus tag nrho huvsi rau nej. 26 Yog tej uas muab npog cia ib txwm thaum ub los thiab ntau tiam neeg los lawm, tiamsis nimno raug muab nthuav tshwm los rau nws cov neeg dawb huv lawm. 27 Abba (יחוח)Yahweh xav kom lawv paub tias yam uas muab npog cia tob tob no, muaj hwjchim ci ntsa iab nplua mias li cas rau hauv lwm haiv neeg. Yam ntawd yog (יהושע)Yahshua Messiah uas nyob hauv nej, yog qhov chaw vam tias yuav tau koob meej ci ntsa iab. 28 Peb tshaj tawm tus Cawmseej (יהושע)Yahshua no, thiab peb muab txhua yam tswvyim los ntuas, thiab qhuab qhia txhua tus, kom peb thiaj coj tau txhua tus mus cuag Abba (יחוח)Yahweh, kom lawv thiaj ua tau neeg zoo ib yam li (יהושע)Yahshua Messiah. 29 Kuv thiaj siv zog ua haujlwm khwv rau qhov ntawd raws li lub zog uas Abba (יחוח)Yahweh pub kuv muaj ntau kawg nkaus.

​