ROMANS 2:28-29
Txhua yam kev txhaum thiab tej lus uas hais tuam mom yuav zam tau rau tibneeg. Tiamsis tus uas hais lus tuam mom Tus Ntsuj Plig Dawbhuv, mas yuav tsis muaj ib hnub uas zam tau tus ntawd li, nws yuav muaj txim mus ib txhis.


YAHCHANAN 3:28-29
Qhov uas ua kevcai txiav tiag tiag tsis yog ua sab nraum daim tawv xwb. Tiamsis yog ua hauv lub siab, raws li Tus Ntsuj Plig Dawbhuv, tsis yog raws li txoj kevcai uas sau cia.
YAHCHANAN 12:30-31
1. Koj yuav tau hlub Abba Yahweh uas yog koj Txiv kawg siab kawg ntsws, kawg plab kawg plaws, thiab kawg dag kawg zog.
​
2. Koj yuav tau hlub kwvtij zej zog ib yam li koj hlub koj tus kheej.
Tej Lus Qhuab Ntuas
1 Vim li no, kuv cov kwvtij uas kuv hlub thiab nco heev, nej yog kuv lub chaw zoo siab thiab yog kuv lub mom kub. Cov uas kuv hlub es, cia li nyob ruaj khov rau hauv Abba (יחוח)Yahweh li uas hais no. 2 Kuv thov ntuas Yu-audias thiab kuv thov ntuas Xithikhes kom muaj lub siab sib haum rau hauv Abba (יחוח)Yahweh. 3 Tus uas muaj siab nrog kuv koom ua haujlwm es, thov koj pab ob tug pojniam ntawd, vim ob tug nrog kuv thiab Khemees thiab lwm tus uas pab kuv ua haujlwm, siv zog ua haujlwm qhia txoj hmoo zoo. Lawv tej npe twb muaj nyob hauv phau ntawv uas sau cov uas muaj txojsia lawm. 4 Cia li xyiv fab rau hauv Abba (יחוח)Yahweh txhua lub sijhawm. Kuv rov hais dua tias, cia li xyiv fab hlo. 5 Cia li ua lub siab mos siab muag tshwm los rau sawvdaws. Abba (יחוח)Yahweh nyob ze lawm. 6 Tsis txhob txhawj rau ib yam abtsi, tiamsis cia li taij, thiab thov, thiab ua Abba (יחוח)Yahweh tsaug, qhia txhua yam uas koj cheem tsum rau nws paub. 7 Mas Abba (יחוח)Yahweh txojkev kaj siab uas ntau dua li neeg nkag siab tau, yuav tsom kwm nej lub siab thiab nej tej kev xav cia rau hauv (יהושע)Yahshua Messiah.
8 Thaum kawg no, cov kwvtij, yam uas tseeb, yam uas tsim nyog hwm, yam uas ncaj ncees, yam uas dawb huv, yam uas ntxim hlub, yam uas muaj koob meej, thiab yog muaj yam twg uas zoo kawg nkaus, thiab muaj yam twg uas tsim nyog qhuas, cia li xav txog tej no huvsi.
9 Cia li ua raws li tej uas nej kawm paub, thiab khaws tau, thiab tau hnov, thiab pom ntawm kuv. Mas Abba (יחוח)Yahweh uas pub txojkev kaj siab yuav nrog nraim nej nyob.
Sha-ul Ua Tsaug Cov Philippians
10 Kuv zoo siab xyiv fab kawg rau hauv Abba (יחוח)Yahweh, vim thaum kawg no, nej rov qab nco txog kuv dua. Nej yeej nco txog kuv, tiamsis nej nrhiav sijhawm tsis tau xwb.
11 Kuv tsis yog hais txog qhov uas kuv tu ncua, vim kuv yeej kawm paub tias, yuav nyob li cas los kuv txaus siab nyob li ntawd. 12 Kuv yeej paub qhov uas tu ncua thiab paub qhov uas muaj nplua mias. Tsis hais txojkev twg lossis txhua txojkev, kuv twb kawm paub qhov uas tsau thiab tshaib, thiab qhov uas muaj nplua mias thiab tu ncua lawm.
13 Kuv yeej ua tau txhua yam, vim muaj Abba (יחוח)Yahweh uas txhawb kuv lub zog. 14 Txawm li cas kuj xij, qhov uas nej xav pab kuv rau thaum kuv raug kev txom nyem, kuj yog nej ua zoo heev.
15 Thiab nej cov Philippians yeej paub tias, thaum kuv tawm hauv lub xeev Makhedau-nias rau thaum pib tshaj tawm txoj hmoo zoo, tsis muaj pawg ntseeg twg nrog kuv koom tes, tsuas yog nej tib pawg xwb, thiaj pub pab kuv.
16 Txawm yog thaum kuv nyob hauv lub moos Thexalaunikas, nej kuj xa tuaj pab kuv ib zaug tag ib zaug thiab. 17 Tsis yog kuv nrhiav tej uas nej pub ntawd, tiamsis kuv nrhiav tshaj thawj uas tsav rau nej ntau zuj zus tuaj. 18 Kuv tau txais txhua yam puv npo thiab tseem muaj seem. Kuv muaj txhua yam nplua mias, vim kuv tau txais tej uas nej muab rau Epafauditas xa tuaj. Tej ntawd yog tej uas muab xyeem tsw qab uas txaus Abba - (יחוח)Yahweh lub siab thiab Abba (יחוח)Yahweh txais yuav.
19 Kuv tus Abba (יחוח)Yahweh yuav pub txhua yam uas nej cheem tsum rau nej raws li nws lub hwjchim ci ntsa iab uas muaj nplua mias rau hauv (יהושע)Yahshua Messiah.
20 Thov kom Abba (יחוח)Yahweh uas yog peb Leej Txiv tau koob meej mus ib txhis tsis kawg. Haleluyah! Amen!
​
Tej Lus Sib Fim Thaum Kawg
21 Kuv thov hais lus nco txog cov neeg dawb huv txhua tus hauv (יהושע)Yahshua Messiah. Cov kwvtij uas nrog kuv nyob ua ke kuj xa lus nco txog nej. 22 Abba (יחוח)Yahweh cov neeg dawb huv sawvdaws xa lus nco txog nej, cov uas nco nej heev tshaj yog cov uas nyob hauv Xixas lub tsev. 23 Thov tus Cawmseej (יהושע)Yahshua Messiah txojkev hlub nyob hauv nej lub siab mus li.
​