Kev Ncaj Ncees Uas Tseeb

1 Thaum kawg no, kuv cov kwvtij, cia li zoo siab rau hauv Abba (יחוח)Yahweh. Qhov uas rov sau tej qub no dua ib zaug tuaj rau nej, kuj tsis ceeblaj li cas rau kuv, thiab yog ua rau nej paub ceev faj. 2 Cia li ceev faj cov dev, ceev faj cov uas ua phem, cov uas hlais nqaij hlais tawv. 3 Vim tias peb thiaj yog cov uas tseem ua kevcai txiav, yog peb cov uas pe hawm Abba (יחוח)Yahweh ntawm Tus Ntsuj Plig Dawb huv thiab qhuas txog (יהושע)Yahshua Messiah, peb tsis vam khom rau nqaij tawv.  4 Yog tias muaj qhov uas vam khom rau nqaij tawv, ces ntshe kuv twbyog tus uas tsim nyog vam ntawd lawm. Yog lwm tus xav tias lawv muaj qhov uas vam khom nqaij tawv, kuv kuj yimhuab muaj ntau dua. 5 Kuv twb ua kevcai txiav rau thaum kuv muaj yim hnub lawm, kuv yog haiv neeg Ixayees, yog xeem Npeeyamees, yog ib tug Hebrew uas yug ntawm neeg Hebrew los, hais txog txoj kevcai, kuv yog ib tug Falixais, 6 hais txog qhov uas kub siab lug, kuv kuj tsim txom cov pawg ntseeg, hais txog qhov uas ua ncaj ncees raws li txoj kevcai, kuv tsis muaj chaw thuam li. 7 Tiamsis yam uas txeev ua tshaj thawj rau kuv, kuv suav tias yam ntawd yog poob peev lawm vim yog saib rau (יהושע)Yahshua Messiah. 8 Kuv suav tias txhua yam poob peev, vim yog qhov uas paub (יהושע)Yahshua Messiah uas yog kuv tus Cawmseej muaj nqes tshaj plaws. Vim muaj (יהושע)Yahshua Messiah, kuv thiaj poob peev txhua yam thiab suav tias tej ntawd, zoo ib yam li tej tshwj xuam uas muab pov tseg, xwv kuv thiaj tau (יהושע)Yahshua Messiah ua tshaj thawj, 9 thiab thiaj pom tias kuv nyob hauv (יהושע)Yahshua Messiah. Kuv txojkev ncaj ncees tsis yog tau ntawm qhov uas xyaum raws li txoj kevcai tiamsis yog tau ntawm qhov uas ntseeg (יהושע)Yahshua Messiah, yog txojkev ncaj ncees uas tau ntawm Abba (יחוח)Yahweh vim yog qhov uas ntseeg. 10 Kuv xav paub (יהושע)Yahshua Messiah thiab paub lub hwjchim uas nws ciaj sawv rov los, thiab koom nrog nws raug kev tsim txom, thiab zoo ib yam li nws rau hauv nws txojkev tuag, 11 thiab tseem vam tias yuav tau ciaj sawv hauv qhov tuag rov lo sib yam li nws thiab.

​

Siv Zog Mus Txog Tus Ciam

12 Tsis yog kuv twb tau lawm lossis kuv twb zoo kawg nkaus lawm, tiamsis kuv tabtom siv zog mus kom kuv thiaj txeeb tau ua kuv tug, vim yog tim li no, (יהושע)Yahshua Messiah twb txeeb kuv cia lawm. 13 Cov kwvtij, kuv tsis suav tias kuv twb txeeb tau lawm, tiamsis kuv tsaus ua ib yam xwb, yog kuv tsis nco tej uas dhau tag los lawd, thiab huas mus rau yam uas nyob yav tom ntej, 

14 thiab siv zog mus kom txog tus ciam, kom thiaj tau txais tshav ntuj uas yog qhov uas Abba (יחוח)Yahweh hu kuv mus rau saum ntuj hauv (יהושע)Yahshua Messiah. 15 Peb cov uas hlob tiav lawd, yuav tsum xav li no, thiab yog nej xav dua lwm yam, Abba (יחוח)Yahweh yuav muab yam ntawd, qhia rau nej paub tseeb. 16 Txawm li cas los xij, peb cia li coj raws nraim tej uas peb paub los lawd. 17 Cov kwvtij, cia li koom ua ke yoog raws li kuv, nej cia li saib cov neeg uas ua lub neej raws li tus yam ntxwv uas peb tau ua rau nej pom lawd. 18 Rau qhov muaj ntau leej ua lub neej ua yeeb ncuab rau (יהושע)Yahshua Messiah tus ntoo ntsia tes, yog cov uas kuv twb txeev hais rau nej ntau zaus lawm thiab nimno kuv hais nrog lub kua muag. 19 Thaum kawg lawv yuav raug puam tsuaj, lawv tus Tswv yog lawv lub plab, thiab lawv qhuas txog lawv tej kev txaj muag, lawv tsuas yog xav txog tej uas yog ntiajteb li xwb.

20 Tiamsis peb yog neeg qaum ntuj thiab peb tos rawv tus cawmseej uas los saum ntuj los, yog tus Cawmseej (יהושע)Yahshua Messiah.

21 Nws yuav muab peb lub cev uas tsis tsim txiaj hloov kom zoo ib yam li nws lub cev uas muaj hwjchim ci ntsa iab, yog nws siv nws lub hwjchim uas ua kom txhua yam nyob hauv nws qab kev tswjhwm.

​