Tej Sub Tawg Sub Ntsha Thaum Kawg

1 Kuv pom dua ib yam txujci tseem ceeb uas loj thiab phimhwj saum nruab ntug. Muaj xya tus tubtxib saum ntuj tuav xya yam sub tawg sub ntsha zaum kawg, vim Abba (יחוח)Yahweh txojkev npau taws yuav kawg rau tej sub tawg sub ntsha no.

2 Thiab kuv pom ib yam zoo li lub hiavtxwv iav xyaw hluavtaws, thiab pom cov uas kov yeej tus tsiaj ntawd, thiab nws tus dab mlom, thiab nws lub npe tus lej, sawvdaws sawv ntawm ntug hiavtxwv iav, tuav rawv Abba (יחוח)Yahweh tej nkauj nog ncas.

3 Lawv hu Abba (יחוח)Yahweh tus tub qhe Mauxes zaj nkauj thiab tus Menyuam Yaj zaj nkauj hais tias, Au Abba (יחוח)Yahweh, Tus Tswv uas muaj hwjchim loj kawg nkaus, koj tes haujlwm loj thiab phimhwj kawg. Au vajntxwv uas kav ib tsoom tebchaws, koj tej kev mas ncaj ncees thiab muaj tseeb.

4 Au Abba (יחוח)Yahweh, leejtwg yuav tsis ntshai koj thiab tsis qhuas koj lub npe? Vim koj tib leeg yog tus uas dawb huv. Ib tsoom tebchaws yuav tuaj pe hawm koj ntawm koj lub xubntiag, vim koj tes haujlwm ncaj ncees tshwm los lawm.

5 Dhau ntawd, kuv pom lub tuam tsev yog lub tsev ntaub saum ntuj uas muaj Abba (יחוח)Yahweh tej lus, qheb lug, 6 thiab xya tus tubtxib saum ntuj uas nqa xya yam sub tawg sub ntsha tawm hauv lub tuam tsev los. Lawv hnav tsoos tsho ntaub mag dawb huv ci nplas thiab sia ib txoj siv kub ntawm hauv siab.

7 Mas plaub tug tsiaj ciaj sia muaj ib tug muab xya lub phaj kub uas rau Abba (יחוח)Yahweh uas muaj txojsia nyob mus ib txhis tsis kawg, txojkev npau taws puv nkaus, cev rau xya tus tubtxib saum ntuj ntawd.

8 Mas tej pa ncho uas tawm ntawm Abba (יחוח)Yahweh lub hwjchim ci ntsa iab thiab ntawm nws lub hwjchim loj ncho puv nkaus lub tuam tsev, thiab tsis muaj leejtwg nkag tau rau hauv lub tuam tsev mus txog thaum xya tus tubtxib ntawd, xya yam sub tawg sub ntsha tiav tag.