Tus Ntsuj Plig Dawbhuv Nqes Los

1 Thaum txog hnub Peetekos, cov ntseeg sawvdaws tuaj nyob ua ke rau hauv ib lub tsev. 2 Ua ciav txawm muaj ib lub suab nrov nroo ntws saum ntuj tuaj ib yam li cua daj cua dub ntsawj hlob thoob plaws hauv lub tsev uas lawv zaum ntawd.

3 Txawm muaj nplaim taws zoo li tus nplaig tshwm rau lawv pom thiab faib pes rhe nyob rau saum lawv txhua tus. 4 Lawv sawvdaws thiaj tau Tus Ntsuj Plig Dawbhuv puv npo thiab lawv pib hais lwm yam lus raws li Tus Ntsuj Plig kom lawv hais. 5 Muaj cov Yahdaim uas hwm Abba (יחוח)Yahweh tuaj txhua lub tebchaws hauv qab ntuj tuaj so rau hauv lub nroog Yeluxa-lees. 6 Thaum hnov lub suab ntawd, cov tibneeg coob coob txawm tuaj ua ke, thiab lawv tsis pom qab xav vim lawv nyias hnov nyias yam lus uas cov ntawd hais. 7 Lawv xav tsis thoob thiab phimhwj hais tias, cov tibneeg uas hais no puavleej yog tibneeg Kalilais los tsis yog? 8 Ua cas peb txhua tus hnov lawv hais peb txhua lub tebchaws tej lus? 

9 Muaj cov Pathias, cov Midias, cov Elas thiab cov uas nyob hauv Mexauphautamias, Yahdah, Khapadaukias, Phauthias, thiab hauv Asia, 10 Fikias, Pafilias, Iziv, thiab hauv Linpias tebchaws ib cheeb tsam ze ntawm lub nroog Khulenes, thiab muaj cov uas tuaj lub nroog Romans tuaj, tsis hais cov Yahdaim thiab cov uas los coj Yahdaim kevcai, 11 muaj cov Khetes thiab cov Alanpias, mas peb nyias taus nyias hnov lawv cov no hais peb tej lus hais txog Abba (יחוח)Yahweh tej haujlwm uas zoo kawg nkaus. 12 Lawv sawvdaws thiaj phimhwj thiab tsis pom qab xav thiab ib leeg hais rau ib leeg tias, tej no yog abtsi? 13 Muaj ib txhia thuam luag hais tias, yog lawv qaug cawv txiv hmab tshiab xwb.

Kepha Qhia

 14 Ces Kepha txawm sawv tsees nrog kaum ib tug tubtxib ua ke tsa suab hais nrov nrov rau cov tibneeg ntawd tias, cov tibneeg Yahdah thiab sawvdaws uas nyob hauv Yeluxalees, nej cia li paub zaj no thiab mloog tej lus uas kuv hais.

15 Cov tibneeg no tsis yog qaug cawv yam li nej xav, rau qhov nyuam qhuav cuaj teev sawv ntxov xwb.

16 Tiamsis tej no yog tej uas Yahyl uas ua xibhwb cev Abba  (יחוח)Yahweh lus hais cia lawm tias),17 Abba (יחוח)Yahweh hais tias, lub sijhawm kawg, kuv yuav hliv kuv tus Ntsuj Plig Dawbhuv rau saum ib tsoom tibneeg sawvdaws. Nej tej tub tej ntxhais yuav cev kuv li lus, nej cov hluas yuav ua yog toog pom, thiab nej cov laus yuav ua npau suav pom. 18 Lub sijhawm ntawd txawm yog kuv cov tub qhe, nkauj qhe los kuv yuav hliv kuv tus Ntsuj Plig Dawbhuv rau saum lawv, thiab lawv yuav cev kuv li lus. 19 Kuv ua tej txujci phimhwj tshwm saum nruab ntug thiab ua txujci tseem ceeb tshwm rau hauv lub ntiajteb, yuav muaj ntshav thiab hluavtaws thiab pa ncho. 20 Lub hnub yuav ntxeev ua tsaus ntuj, lub hli yuav ua ntshav, ua ntej hnub uas zoo kawg nkaus thiab phem kawg nkaus uas Abba (יחוח)Yahweh teem cia los txog.

21 Thaum ntawd txhua tus uas thov hu Abba   (יחוח)Yahweh lub npe yuav dim. 22 Nej cov uas yog haiv neeg Ixayees cia li mloog tej lus no. (יהושע)Yahshua uas yog tibneeg Naxales yog tus uas Abba (יחוח)Yahweh ua tej haujlwm loj thiab tej txujci tseem ceeb thiab tej uas phimhwj qhwv nws rau nej, yog tej uas Abba (יחוח)Yahweh kom (יהושע)Yahshua ua hauv nej nruab nrab raws li uas nej twb paub lawd, 23 mas tus (יהושע)Yahshua no raug muab cob rau nej raws li Abba

(יחוח)Yahweh twb xav tseg ruaj cia thiab paub ua ntej lawd, mas nej thiaj siv tibneeg phem txhais tes muab nws teem rau saum ntoo ntsia tes thiab muab nws tua pov tseg.

24 Tiamsis Abba (יחוח)Yahweh tsa nws ciaj sawv rov los thiab tso nws dim txojkev tuag tej mob, rau qhov txojkev tuag tuav tsis tau nws cia kiag li.

25 Daviv hais txog (יהושע)Yahshua tias, kuv yeej muab Abba (יחוח)Yahweh tso ua ntej kuv txhua lub sij hawm. Vim kuv nyob ntawm nws sab xis kuv thiaj tsis tshee hlo li.

26 Vim li ntawd, kuv lub siab thiaj xyiv fab thiab kuv tus nplaig zoo siab, thiab kuv lub cev thiaj li nyob muaj siab vam. 27 Rau qhov koj yuav tsis muab kuv tso tseg rau hauv lub qhov ntxa, lossis cia koj tus Tub uas Dawb Huv lwj mus.

28 Koj qhia txojkev uas tau txojsia rau kuv paub, koj yuav pub kom kuv zoo siab xyiv fab kawg nkaus, rau qhov koj nrog nraim kuv.

29 Kwvtij es, kuv muaj siab loj uas yuav hais rau nej txog tus yawg koob Daviv tias nws twb tuag thiab muab log lawm thiab nws lub ntxa nrog peb nyob txog niaj hnub nimno.

30 Nws yog ib tug cev Abba (יחוח)Yahweh txojlus, nws thiaj paub tias Abba (יחוח)Yahweh cog lus twv tseg rau nws tias, Abba (יחוח)Yahweh yuav pub nws caj ces muaj ib tug los nyob saum nws lub zwm txwv.

31 Nws paub ua ntej thiab hais txog qhov uas tus Messiah yuav ciaj sawv rov los hais tias, Abba  (יחוח)Yahweh yuav tsis tso nws lub cev nyob rau hauv lub qhov ntxa thiab yuav tsis cia lwj mus li. 32 Abba  (יחוח)Yahweh twb tsa tus (יהושע)Yahshua no ciaj sawv rov los lawm, peb txhua tus ua tau timkhawv txog zaj no. 33 Twb yog vim (יהושע)Yahshua raug tsa sawv los nyob ntawm Abba (יחוח)Yahweh sab tes xis lawm thiab tau txais Tus Ntsuj Plig Dawbhuv ntawm Abba raws li cog lus cia lawd, (יהושע)Yahshua thiaj hliv tus Ntsuj Plig ntawd los raws li nej tau pom thiab hnov.

34 Rau qhov Daviv tsis tau nce mus rau saum ntuj, tiamsis nws hais tias, Abba (יחוח)Yahweh hais rau kuv tus thawj coj thiab kuv tus vajntxwv tias, cia li zaum ntawm kuv sab xis, 35 mus txog thaum kuv muab koj cov yeeb ncuab ua koj lub rooj tiag taw. (Ntawv Nkauj 110:1)

36 Vim li no, ib tsoom Ixayees sawvdaws, nej cia li paub tseeb tias, Abba (יחוח)Yahweh tsa tus (יהושע)Yahshua no uas nej muab teem rau saum tus ntoo ntsia tes ua tus Vajntxwv thiab ua tus Messiah.

37 Thaum lawv hnov tej lus ntawd lawm, kuj chob lawv lub siab, lawv thiaj hais rau Kepha thiab lwm tus tubtxib tias, Kwvtij es, peb yuav ua li cas? 38 Kepha thiaj hais rau lawv tias, cia li ntxeev dua siab tshiab thiab txhua tus ua kevcai raus dej hauv (יהושע)Yahshua Messiah lub npe kom thiaj daws tau nej lub txim, mas nej yuav tau txais Tub Ntsuj Plig Dawbhuv uas Abba (יחוח)Yahweh pub.

39 Rau qhov tej lus cog tseg ntawd poob rau nej thiab rau nej tej tub ki thiab txhua tus uas nyob deb, yog txhua tus uas Abba (יחוח)Yahweh uas yog peb Tus Tswv hu los cuag nws. 40 Kepha tseem hais ntau yam ua tim-khawv thiab ntuas lawv hais tias, cia li nrhiav kev dim ntawm cov tibneeg phem tiam no.

41 Cov uas txais yuav Kepha tej lus ntawd kuj ua kevcai raus dej, thiab hnub ntawd muaj tibneeg los tsav ntxiv rau cov ntseeg kwvlam peb txhiab leej.

42 Lawv rau siab ntso mloog cov tubtxib qhia thiab koom ua ib lub siab sib raug zoo thiab koom noj mov ua ke thiab thov Abba (יחוח)Yahweh ua ke.

​

Cov Ntseeg Lub Neej

43 Cov tibneeg sawvdaws kuj ntshai, thiab Abba (יחוח)Yahweh pub cov tubtxib ua tau txujci tseem ceeb thiab txujci phimhwj ntau yam. 44 Cov ntseeg sawvdaws nyob ua ke thiab muab lawv tej qhov txhia chaw ua sawvdaws li, 

45 thiab muab lawv tej teb thiab cuab txhiaj cuab tam muag faib rau txhua tus raws li cheem tsum. 46 Lawv niaj hnub tuaj nyob ua ke thooj ib lub siab hauv lub tuam tsev thiab noj mov ua ke hauv lawv tej tsev, thiab ua siab dawb paug noj mov ua ke zoo siab xyiv fab, 47 thiab qhuas Abba (יחוח)Yahweh thiab ib tsoom sawvdaws txaus siab rau lawv. Abba (יחוח)Yahweh kuj pub cov uas tabtom dim niaj hnub tsav ntxiv coob zuj zus rau hauv lawv.

​