Kepha Kho Tus Uas Ceg Tawv

Muaj ib hnub thaum hnub qaij peb teev  Kepha thiab Yahchanan tabtom nce mus rau hauv lub tuam tsev yog lub sijhawm thov Abba (יחוח)Yahweh. 2 Txawm muaj ib tug yawg uas ceg tawv thaum nruab thiab los raug muab kwv tuaj. Niaj hnub muaj tibneeg muab nws tso rau ntawm ib sab rooj loog tuam tsev, yog lub rooj loog uas hu ua Zoo Nkauj xwv nws thiaj tau thov khawv ntawm cov tibneeg uas nkag mus rau hauv lub tuam tsev. 3 Thaum nws pom Kepha thiab Yahchanan tabtom tuaj mus rau hauv lub tuam tsev, nws thiaj thov khawv. 4 Kepha thiab Yahchanan saib ntsoov rau tus ntawd thiab hais tias, cia li saib rau wb.

5 Tus ntawd txawm saib ntsoov rau nkawv xav tias yuav tau abtsi ntawm nkawv.

6 Tiamsis Kepha hais tias, nyiaj thiab kub kuv tsis muaj. Yam uas kuv muaj, kuv yuav pub rau koj. Hauv (יהושע)Yahshua Messiah uas yog tibneeg Naxales lub npe, koj cia li sawv tsees mus kev. 7 Kepha txawm ntsiab nkaus nws sab tes xis tsa nws sawv, mas tamsim ntawd nws txhais kotaw thiab nws tej pob qej txha txawm muaj zog. 8 Nws dhia paj paws sawv tsees mus kev thiab nrog nkawv nkag rau hauv lub tuam tsev, nws mus kev dhia paj paws qhuas Abba (יחוח)Yahweh.

9 Ib tsoom tibneeg pom nws mus kev thiab qhuas Abba  (יחוח)Yahweh, 10 thiab cim tau tias tus ntawd yog tus uas zaum thov khawv ntawm lub rooj loog Zoo Nkauj tuam tsev. Lawv thiaj phimhwj thiab xav tsis thoob rau tej xwm txheej uas tshwm los rau tus ntawd.

​

Kepha Qhia Ntawm Solomon Qab Khav

11 Thaum tus ntawd tseem tuav rawv Kepha thiab Yahchanan, tej tibneeg sawvdaws txawm khiav los rau ntawm lawv, ntawm lub chaw uas hu ua Zaj Qab Khav Solomon thiab phimhwj kawg. 12 Thaum Kepha pom cov tibneeg ntawd nws txawm hais rau lawv tias, haiv neeg Ixayees, ua cas nej yuav xav tsis thoob qhov xwm txheej no? Ua cas nej yuav saib ntsoov rau wb, yam li wb siv wb li hwjchim thiab siv wb txojkev ncaj ncees kho tau tus yawg no mus tau kev? 

11 Nws yog Abraham, Isaac, thiab Yaaqob lawv Tus Tswv, uas yog peb tej poj koob yawm txwv Tus Tswv, pub lub koob meej rau nws tus tub qhe (יהושע)Yahshua uas nej muab cob rau luag thiab tsis lees yuav tab meeg Philaj uas twb npaj siab yuav tso nws dim lawm.

14 Tiamsis nej tsis lees yuav tus uas dawb huv thiab ncaj ncees, nej thov kom tso tus niag tibneeg tua neeg rau nej. 15 Nej thiaj muab tus uas yog txoj hauv paus siav tua pov tseg, tiamsis Abba (יחוח)Yahweh tsa nws sawv hauv qhov tuag rov los. Peb ua timkhawv rau zaj no. 16 Qhov uas ntseeg (יהושע)Yahshua lub npe, mas lub npe ntawd thiaj ua rau tus uas nej pom thiab paub no muaj zog, thiab qhov uas ntseeg (יהושע)Yahshua ua rau tus no zoo kiag tab meeg nej sawvdaws. 17 Cov kwvtij, nimno kuv paub tias nej ua li ntawd twb yog nej tsis paub, ib yam li nej cov thawj coj. 18 Tiamsis tej uas Abba (יחוח)Yahweh twb txib cov xibhwb cev Abba (יחוח)Yahweh lus tshaj tawm ua ntej lawm tias, nws tus Messiah yuav raug tsim txom, nws kuj ua tiav raws li ntawd lawm. 19 Vim li no, cia li ntxeev dua siab tshiab thiab tig rov los kom thiaj ntxuav tau nej lub txim, 20 thiab nej thiaj tau sijhawm so lub siab ntawm Tus Tswv lub xubntiag, thiab Abba (יחוח)Yahweh thiaj txib tus Messiah uas teem cia lawd los rau nej, yog (יהושע)Yahshua ntag.

21(יהושע)Yahshua yuav tsum nyob hauv Lub Nroog Yeluxalees mus kom txog lub sijhawm uas Abba (יחוח)Yahweh ua rau ib puas tsav yam rov zoo li qub raws li nws kom nws cov xibhwb dawb huv uas cev nws lus lub qhov ncauj hais thaum chiv keeb lawm.

22 Mauxes hais cia tias, Abba (יחוח)Yahweh uas yog nej Tus Tswv, yuav tsa ib tug xibhwb cev lus ib yam li kuv tshwm los hauv nej cov kwvtij, mas nej yuav tsum mloog txhua yam uas tus ntawd hais rau nej. 23 Txhua tus uas tsis mloog tus xibhwb cev lus ntawd mas yuav raug puam tsuaj ploj ntawm nws haiv neeg mus. (Kevcai 18:15,19)

24 Cov xibhwb uas cev Abba (יחוח)Yahweh lus txij Xamuyees thiab cov uas ua nws qab puavleej tshaj tawm txog lub sijhawm no.

25 Nej yog cov xibhwb cev lus tej tub ki thiab yuav tau tej uas Abba (יחוח)Yahweh cog lus tseg rau nej tej poj koob yawm txwv, yog qhov uas hais rau Abraham tias, ib tsoom tib-neeg hauv lub ntiajteb yuav tau koob hmoov ntawm koj caj ces. (Chivkeeb 22:18)

26 Thaum Abba (יחוח)Yahweh tsa nws tus tub (יהושע)Yahshua ciaj sawv rov los lawd, kuj txib nws tuaj cuag nej ua ntej, nej thiaj tau koob hmoov ntawm qhov uas nej tig kiag ntawm nej tej kev txhaum los.

​