Sha-ul Nyob Hauv Lub Moos Ephesus

1 Thaum Apaulaus tseem nyob hauv lub moos Khaulees, Sha-ul taug txojkev nruab nqhuab hla hauv plawv teb-chaws mus t xog lub moos Ephesus. Nws ntsib cov thwjtim qee leej qhov ntawd. 2 Nws txawm hais rau lawv tias, thaum nej ntseeg, nej tau txais Tus Ntsuj Plig Dawbhuv los tsis tau? Lawv hais tias, tsis tau, peb tsis tau hnov tias muaj Tus Ntsuj Plig Dawbhuv kiag li. 3 Sha-ul thiaj hais tias, yog li ntawd nej ua kevcai raus dej li cas? Lawv teb tias, ua kevcai raus dej uas Yahchanan qhia. 4 Sha-ul thiaj hais tias, Yahchanan muab ua kevcai raus dej uas qhia hais tias ntxeev dua siab tshiab, thiab hais kom tibneeg ntseeg tus uas yuav ua nws qab los, yog (יהושע)Yahshua. 5 Thaum lawv hnov li ntawd lawv txawm ua kevcai raus dej hauv (יהושע)Yahshua Messiah lub npe. 6 Thaum Sha-ul tsa tes npuab lawv lawm, Tus Ntsuj Plig Dawbhuv kuj los rau saum lawv, lawv txawm hais lus txawv txawv thiab cev Abba (יחוח)Yahweh lus. 7 Cov tibneeg ntawd kwvlam muaj kaum ob leeg. 8 Sha-ul nkag rau hauv lub tsev sablaj ua tau siab tawv qhawv qhia tau peb lub hli nrog lawv sib cav txog Abba (יחוח)Yahweh lub tebchaws thiab yaum tau lawv los ntseeg. 9 Tiamsis muaj qee leej siab tawv tsis kam los ntseeg thiab hais phem rau txojkev ntawd tab meeg ib tsoom tibneeg.

Sha-ul txawm ncaim lawv cov ntawd mus thiab coj cov thwjtim nrog nws mus. Nws niaj hnub nrog luag sib cav hauv Thilanas chav tsev sablaj. 10 Nws ua li ntawd tau ob xyoos, mas cov tibneeg uas nyob hauv lub xeev Asia tsis hais cov Yahdaim thiab cov Greek puavleej tau hnov (יהושע)Yahshua Messiah txojlus.

​

Xevas Cov Tub

11 Abba (יחוח)Yahweh ua txujci phimhwj loj tshwm hauv Sha-ul txhais tes.

12 Lawv muab Sha-ul txoj phuam ntxuav muag thiab daim ntaub npua ua haujlwm coj mus lwm cov uas muaj mob, tej mob kuj zoo thiab dab kuj khiav tawm mus. 13 Mas cov Yahdaim muaj qee leej uas ua txiv neeb mus rau tom ub tom no kuj hu (יהושע)Yahshua lub npe ntiab dab tawm hauv cov uas raug dab hais tias, Kuv tuav (יהושע)Yahshua lub npe uas Sha-ul qhia ntiab nej tawm.

14 Cov Yahdaim ib tug pov thawj hlob npe hu Xevas, nws xya tus tub kuj puav leej ua li ntawd. 15 Ces dab txawm hais rau lawv tias, (יהושע)Yahshua kuv kuj paub thiab Sha-ul kuv kuj paub, tiamsis nej yog leejtwg? 16 Mas tus uas raug dab ntawd txawm tib plhaw mus ntaus lawv thiab kovyeej lawv ua rau lawv khiav tawm hauv lub tsev ntawd mus liab qab tsuas thiab raug mob. 17 Txhua tus uas nyob hauv lub moos Ephesus tag nrho cov Yahdaim thiab cov Greek kuj paub txog tej no, lawv sawvdaws thiaj ntshai kawg thiab (יהושע)Yahshua lub npe nrov nto moo lug. 18 Cov uas los ntseeg muaj ntau leej los lees lub txim thiab qhia tej uas lawv ua los lawd. 19 Thiab muaj ntau leej uas ua khawv koob yees siv kuj muab lawv tej ntawv khawv koob los hlawv ua ke tab meeg sawvdaws. Tej ntawv khawv koob ntawd huvsi, muab xam cov nqe los yog raug tsib caug phav lub txiaj npib. 20 Ces Abba (יחוח)Yahweh txojlus thiaj li muaj zog, nthuav dav zuj zus tuaj thiab muaj hwjchim heev. 21 Thaum dhau tej xwm txheej no lawm, Sha-ul  npaj siab yuav taug kev hla lub xeev Makhedaunias thiab lub xeev Akhayas thiab mus kom txog lub nroog Yeluxalees. Nws hais tias, dhau ntawd kuv yuav tsum mus kom pom lub nroog Romans thiab. 22 Nws txawm txib Timautes thiab Elatas nkawv mus rau hauv lub xeev Makhedaunias. Tiamsis nws tus kheej kuj tseem nyob rau hauv lub xeev Asia tau ib ntus thiab.

​

Muaj Kev Ntxhov Hauv Ephesus

23 Lub sijhawm ntawd, muaj kev kub ntxhov tshwm los, vim yog tim (יהושע)Yahshua Txojkev. 24 Muaj ib tug Kws ntaus nyiaj npe hu ua Demethias. Nws muab nyiaj los ntaus ua tej lub nyuag tsev me me zoo li lub tsev dab Athemis, mas ua rau cov Kws ntaus nyiaj tau tshaj thawj ntau heev.

25 Demethias txawm hu lawv cov ntawd thiab cov uas ua tib yam haujlwm tuaj ua ke thiab hais tias, cov kwvluag, nej yeej paub tias peb tau nyiaj txiag yog los ntawm tej haujlwm no los xwb. 26 Thiab nej twb pom thiab hnov tias tsis yog hauv lub moos Ephesus no xwb, tiamsis yuav tag lub xeev Asia uas tus Sha-ul no tau yaum thiab ua kom tibneeg coob coob tso txoj qub kev tseg, thiab hais tias tej dab mlom uas yog tibneeg txhais tes puab xwb, tsis muaj hwjchim thiab ua tsis tau abtsi li. 27 Ntshai tsam ces tsis yog peb tej haujlwm no yuav poob koob xwb tiamsis lub tuam tsev uas teev tus poj dab Athemis uas loj, kuj yuav tsis muaj qabhau lawm thiab tus poj dab uas tibneeg thoob plaws hauv Asia thiab thoob qab ntuj hwm yuav poob qes tsis muaj tsim lawm. 28 Thaum lawv hnov li ntawd lawm, lawv npau taws thiab qw hais tias, peb cov Ephesus tus poj dab Athemis yog tus uas loj dua ntais. 29 Ces txawm muaj kev kub ntxhov thoob plaws hauv lub moos. Lawv sawvdaws thiaj li ua ke khiav mus cab Kai‑as thiab Alithakhas uas yog tibneeg Makhedaunias uas nrog Sha-ul taug kev tuaj ntawd, coj mus rau hauv lub tshav puam loj uas ua yeeb yam. 30 Sha-ul  xav mus rau hauv cov tibneeg ntawd thiab, tiamsis cov thwjtim tsis kheev nws mus. 31 Txawm yog cov thawj uas kav lub xeev Asia qee leej uas yog Sha-ul cov phoojywg los, lawv kuj tso tibneeg mus thov Sha-ul kom tsis txhob nkag mus rau hauv lub tshav puam uas ua yeeb yam. 32 Ib txhia qw li ub, ib txhia qw li no, rau qhov hauv lub chaw sablaj ntxhov heev, thiab tibneeg feem coob tsis paub tias tuaj sablaj txog abtsi. 33 Cov tibneeg ntawd qee leej taw qhia rau Alexadaws uas cov Yahdaim muab thawb rau tom hauv ntej. Alexadaws thiaj co tes yuav hais daws zaj ntawd rau cov pejxeem. 34 Thaum lawv paub tias nws yog tibneeg Yahdaim, lawv txawm ua ib lub suab qw nrov nrov heev thiab ntev li ob teev hais tias, peb cov Ephesus tus poj dab Athemis yog tus uas loj dua ntais. 35 Thaum tus nom uas ua tub sau ntawv hauv lub moos ntawd, hais rau cov pejxeem kom nyob twjywm ces lawv thiaj li ntsiag tag lawm, nws txawm hais tias, nej cov Ephesus, muaj leejtwg uas tsis paub tias lub moos Ephesus yog lub uas tsomkwm tus poj dab Athemis uas loj dua ntais lub tsev thiab tsomkwm lub pov haum uas poob saum ntuj los? 

36 Tsis muaj leejtwg tsis lees paub tej no lawm, mas tsim nyog nej nyob twjywm tsis txhob ua siab kub. 37 Nej coj cov tibneeg no tuaj twb tsis yog lawv lws lub tsev dab lossis hais lus saib tsis taus peb tus poj dab rau yam twg li nev. 38 Vim li no, yog tias Demethias thiab cov Kws nyiaj uas tuaj nws tog, muaj teeb meem nrog leejtwg, twb muaj tsev tu plaub qhib thiab muaj cov thawj tu plaub uas yuav pab lawv hais. Cia lawv mam mus sib hais lawv rau hauv lub tsev tu plaub.

39 Yog nej hos muaj dua lwm yam uas yuav hais, ces coj mus rau hauv lub chaw sablaj, lawv yuav pab nej hais kom tiav raws li ib txwm. 40 Vim peb tsis xav ntsib teeb meem rau qhov uas peb koom tes nrog ua tej kev phem uas iab liam lwm tus hnub no. Thiab nws tsis muaj txoj cai rau peb yuav hais tau tej no kom tiav. 41 Thaum hais li no tag lawm nws txawm kaw lub rooj sablaj ntawd.

​