Sha-ul Nyob Hauv Lub Moos Corinth

1 Dhau ntawd Sha-ul tawm hauv lub nroog Athees mus rau lub moos Khaulees.

2 Nws ntsib ib tug tibneeg Yahdaim qhov ntawd, npe hu ua Akhilas uas yug hauv lub xeev Phauthias, nyuam qhuav nrog nws tus pojniam Plixilas khiav hauv Ithalis teb-chaws los. vim yog vajntxwv Khaunti-aus hais kom cov Yahdaim tawm hauv lub nroog Romans khiav mus. Sha-ul txawm mus saib nkawv, 3 thiab nrog nkawv nyob, rau qhov lawv peb leeg puav leej ua tib yam haujlwm xwb. Lawv ua haujlwm ua ke vim lawv sawv-daws yog kws xaws tsev ntaub. 4 Txhua hnub Sabbath Sha-ul mus nrog lawv sib cav hauv lub tsev sablaj thiab yaum cov Yahdaim thiab cov Greek los ntseeg. 5 Thaum Xilas thiab Timautes tuaj hauv lub xeev Makhedaunias tuaj txog lawm, Sha-ul kuj rau siab ntso qhia txoj hmoo zoo, thiab ua timkhawv rau cov Yahdaim tias tus Messiah yog (יהושע)Yah-shua ntag.  6 Thaum cov tibneeg ntawd, tawm tsam nws thiab hais lus phem rau nws, Sha-ul txawm ncho nws tej ris tsho thiab hais rau lawv tias, nej cia li ris nej cov ntshav. Kuv tsis txhaum rau qhov no. Txij no mus, kuv yuav mus rau lwm haiv neeg.

7 Nws txawm tawm qhov ntawd mus rau hauv ib tug yawg, npe hu ua Thitia Yuxata lub tsev, nws yog ib tug uas pe hawm Abba  (יחוח)Yahweh. Nws lub tsev nyob npuas lub tsev sablaj. 8 Khipas uas ua tus thawj saib lub tsev sablaj thiab nws tsev neeg sawvdaws los ntseeg (יהושע)Yahshua.

Thiab cov tibneeg Khaulees ntau leej hnov Sha-ul qhia kuj ntseeg thiab ua kevcai raus dej. 9 Muaj ib hmos, Abba (יחוח)Yahweh los ua yog toog rau Sha-ul pom thiab hais tias, tsis txhob ntshai, cia li hais tawm, tsis txhob nyob twjywm, 10 rau qhov kuv nrog nraim koj. Yuav tsis muaj leejtwg tawm tsam ua phem tau rau koj, rau qhov kuv muaj tibneeg coob nyob rau hauv lub moos no. 11 Sha-ul txawm nyob qhov ntawd ib xyoos rau lub hli ntxiv thiab qhia Abba (יחוח)Yahweh txojlus rau lawv. 12 Thaum Kali‑aus ua thawj kav lub xeev Akhayas, cov Yahdaim txawm ntaus tswvyim koom siab tawm tsam Sha-ul thiab coj nws mus rau hauv tsev tu plaub. 13 Lawv hais tias, tus yawg no quab yuam kom tibneeg cia li pe hawm lub npe (יחוח)Yahweh uas yog ua txhaum kevcai. 14 Thaum Sha-ul tabtom yuav qheb ncauj hais, Kali‑aus txawm hais rau cov Yahdahi tias, cov Yahdaim es, yog tias nws ua tsis ncaj lossis ua ib yam kev phem, kuj tsim nyog kuv yuav ua siab ntev mloog nej hais. 15 Tiamsis tsuas yog tej nyuag kev sib cav txog tej lus thiab tej npe thiab nej tej kevcai xwb, nej cia li tu nej xwb. Kuv tsis muaj ab tsi cuam tshuam txog tej nyuag plaub zoo li no.

16 Nws txawm muab lawv ntiab tawm hauv lub tsev tu plaub mus. 17 Ces tag nrho cov tibneeg Greek txawm ntes Xauthenes uas saib lub tsev sablaj, coj los nplawm tab meeg ntawm lub tsev tu plaub, los Kali‑aus tsis quav ntsej txog tej ntawd li.

​

Sha-ul Rov Los Txog Lub Moos Athi‑aus

 18 Sha-ul tseem so qhov ntawd ntau hnub ces nws txawm ncaim cov kwvtij thiab nce nkoj mus rau lub xeev Syria. Plixilas thiab Akhilas kuj nrog nws mus. Sha-ul chais plaubhau hauv lub moos Kheekhias vim nws twb cog lus tseg lawm. 19 Thaum los txog lub moos Ephesus Sha-ul  txawm tso Plixilas thiab Akhilas tseg rau qhov ntawd. Mas nws nkag mus rau hauv lub tsev sablaj nrog cov Yahdaim sib cav. 20 Thaum lawv thov kom nws nrog lawv nyob ntev, nws tsis kam. 21 Thaum nws ncaim lawv mus nws fim lawv tias, yog Abba (יחוח)Yahweh pom zoo, kuv yuav rov tuaj ntsib nej dua thiab. Ces nws txawm nce nkoj tawm hauv lub moos Ephesus mus lawm. 22 Thaum nws los txog lub moos Xixalias, nws mus saib pawg ntseeg tso mam li mus rau lub moos Athi‑aus. 23 Thaum nws so qhov ntawd ib ntus lawm, nws txawm tawm mus thoob plaws lub xeev Kalatias thiab Fikias txhawb cov thwjtim sawvdaws lub zog.

​

Apaulaus Tes Haujlwm

 24 Muaj ib tug Yahdaim npe hu ua Apaulaus uas yug hauv lub nroog Alexadias tuaj rau hauv lub moos Ephesus. Nws yog ib tug txawj hais lus thiab paub Abba (יחוח)Yahweh txojlus zoo. 25 Nws tau kawm thiab paub txog Abba (יחוח)Yahweh txoj kevcai. Nws muaj lub siab kub lug piav thiab qhuab qhia tseeb txog (יהושע)Yahshua zaj, tiamsis nws tsuas paub txoj kevcai raus dej uas Yahchanan qhia xwb. 26 Nws ua tau lub siab tawv qhawv thiab pib qhuab qhia rau hauv lub tsev sablaj. Thaum Plixilas thiab Akhilas hnov nws qhuab qhia, nkawv txawm coj nws mus thiab qhia rau nws paub txog Abba (יחוח)Yahweh txoj lus tseeb dua yav tag los lawm thiab. 27 Thaum Apaulaus xav hla mus tim lub xeev Akhayas, cov kwvtij kuj txhawb nws lub siab thiab sau ntawv mus rau cov thwjtim uas nyob tid tos txais nws. Thaum nws mus txog lawd, nws kuj pab tau cov uas Abba (יחוח)Yahweh twb zam txim rau lawv lawm, thiab los ntseeg lawm. 28 Rau qhov nws siv zog cav heev thiaj li yeej kiag cov Yahdaim tab meeg sawvdaws thiab muab Abba (יחוח)Yahweh txojlus qhia rau lawv paub tias (יהושע)Yahshua yog tus Messiah.

​