Laxalaus Tuag​

1 Muaj ib tug txivneej npe hu ua Laxalaus tabtom mob nyob hauv Npetha-nis, yog lub zos uas Miriam thiab nws tus niam laus Mathas nyob. 2 Tus Miriam no yog tus uas muab roj tsw qab los pleev (יהושע)Yahshua thiab muab nws cov plaubhau so (יהושע)Yahshua kotaw, yog nws tus nus Laxalaus tabtom mob. 3 Yog li ntawd ob tug muam thiaj txib tibneeg mus hais rau (יהושע)Yahshua hais tias, Xibhwb, tus uas koj hlub tabtom mob.

4 Thaum (יהושע)Yahshua hnov li ntawd nws hais tias, tus mob ntawd yuav tsis ua rau nws tuag, tiamsis yuav ua rau Abba (יחוח)Yahweh tau koob meej kom Abba (יחוח)Yahweh Leej Tub thiaj tau koob meej ntawm tus mob ntawd.

5 (יהושע)Yahshua hlub Mathas thiab nws tus niam hluas thiab Laxalaus heev.

6 Thaum (יהושע)Yahshua hnov hais tias Laxalaus mob, nws txawm nyob qhov ntawd tau ob hnub ntxiv thiab. 7 Dhau ntawd (יהושע)Yahshua hais rau nws cov thwjtim hais tias, peb cia li rov mus rau hauv lub xeev Yahdah. 8 Cov thwjtim hais rau nws hais tias, Lanpis, nyuam qhuav dhau tsis ntev no, cov Yahdaim twb nrhiav kev xuas pob zeb ntaus koj kom tuag, koj tseem yuav rov mus rau hauv dua thiab lov. 9 (יהושע)Yahshua teb hais tias, nruab hnub muaj kaum ob teev los tsis yog? Yog leejtwg taug kev nruab hnub nws yuav tsis dawm rau qhov nws pom qhov kaj hauv lub ntiajteb no. 10 Tiamsis yog leejtwg taug kev hmo ntuj, nws yuav dawm vim nws tsis pom kev. 11 (יהושע)Yahshua hais li ntawd tag ces nws txawm hais rau lawv hais tias, peb tus kwvluag Laxalaus tsaug zog lawm, tiamsis kuv yuav mus tsa kom nws tsim dheev los.

12 Cov thwjtim hais rau (יהושע)Yahshua hais tias, Xibhwb, yog nws tsaug zog lawm, nws tus mob yeej yuav zoo13(יהושע)Yahshua hais txog qhov uas Laxalaus tuag tiamsis lawv xav hais tias (יהושע)Yahshua hais txog qhov uas Laxalaus pw tsaug zog xwb.

14 (יהושע)Yahshua thiaj qhia ncaj qha rau lawv hais tias, Laxalaus twb tuag lawm. 15 Vim yog saib rau nej kuv thiaj zoo siab qhov uas kuv tsis tau nyob qhov ntawd, xwv nej thiaj tau kev ntseeg. Peb cia li mus saib nws.

16 Thaumas uas hu ua Didomas txawm hais rau (יהושע)Yahshua pab thwjtim ntawd hais tias, peb cia li mus thiab, xwv peb thiaj tau nrog Xibhwb tuag ua ke.

​

(יהושע)Yahshua Yog Qhov Uas Sawv  Ciaj Rov Los Thiab Yog Txojsia

17 Thaum (יהושע)Yahshua tuaj txog mas pom hais tias twb muab Laxalaus faus tau plaub hnub lawm. 18 Lub zos Npethanis nyob ze Yeluxalees kwvlam li peb kilumev kev.

19 Cov Yahdaim muaj coob leej tawm tuaj nplij Mathas thiab Miriam nkawv siab vim nkawv tus nus tuag lawm.

20 Thaum Mathas hnov hais tias (יהושע)Yahshua tabtom tuaj nws txawm tawm mus tos (יהושע)Yahshua, hos Miriam zaum hauv tsev. 21 Mathas hais rau (יהושע)Yahshua hais tias, Xibhwb, yog koj nyob ntawm no, kuv tus nus yuav tsis tuag.

22 Tiamsis nimno kuv paub hais tias yog koj thov ib yam abtsi ntawm Abba (יחוח)Yahweh, Abba (יחוח)Yahweh yeej yuav pub rau koj.

23 (יהושע)Yahshua hais rau nws hais tias, koj tus nus yeej yuav ciaj sawv rov qab los.

24 Mathas hais rau (יהושע)Yahshua hais tias, kuv paub hais tias nws yuav sawv rov los rau hnub kawg uas tej tibneeg sawvdaws sawv rov los. 25 (יהושע)Yahshua hais rau nws hais tias, kuv yog qhov uas ciaj sawv rov los thiab yog txojsia. Tus uas ntseeg kuv txawm yog nws tuag lawm los nws yeej yuav muaj txojsia.

26 Thiab txhua tus uas muaj txojsia nyob thiab ntseeg kuv yuav tsis tuag ib txhis li. Koj puas ntseeg li no? 

27 Mathas teb hais tias, Xibhwb kuv ntseeg los mas, kuv ntseeg hais tias koj yog tus Messiah, yog Abba (יחוח)Yahweh Leej Tub uas los rau hauv lub ntiajteb.

​

(יהושע)Yahshua Quaj

28 Thaum Mathas hais li no tag nws txawm mus hu nws tus niam hluas Miriam thiab hais twjywm rau nws hais tias, tus xibhwb tuaj lawm, nws twb hu koj.

29 Thaum Miriam hnov dheev nws txawm maj nroos sawv tsees mus cuag (יהושע)Yahshua.  

30 Thaum ntawd (יהושע)Yahshua tsis tau nkag mus rau hauv lub zos, nws tseem nyob ntawm qhov chaw uas Mathas mus tos nws.

31 Thaum cov Yahdaim uas tabtom nrog Miriam nyob ua ke hauv tsev thiab nplij nws lub siab pom nws maj nroos sawv tsees tawm mus, lawv txawm raws qab mus xav hais tias nws yuav mus quaj ntawm lub ntxa.

32 Thaum Miriam tuaj txog qhov chaw uas (יהושע)Yahshua nyob thiab pom (יהושע)Yahshua lawm, nws txawm pe khwb nkaus ntawm (יהושע)Yahshua kotaw hais tias, Xibhwb, yog koj nyob ntawm no, kuv tus nus yuav tsis tuag. 33 Thaum (יהושע)Yahshua pom Miriam quaj quaj thiab cov Yahdaim uas nrog Miriam ua ke quaj quaj, (יהושע)Yahshua mob siab heev thiab nyuaj siab kawg.

34 (יהושע)Yahshua hais tias, nej muab nws coj mus tso rau qhovtwg?

Lawv teb hais tias, Xibhwb, los saib maj. 35 (יהושע)Yahshua kuj quaj. 36 Cov Yahdaim txawm hais tias, saib maj, nws hlub Laxalaus npaum li ntawd diam! 

37 Tiamsis muaj qee leej hais tias, tus uas kho tau cov dig muag pom kev nws ua tsis tau rau tus no txhob tuag lov?

​

(יהושע)Yahshua Tsa Laxalaus Ciaj Sawv Los

38 (יהושע)Yahshua rov nyuaj siab kawg, nws thiaj tuaj rau ntawm lub ntxa uas yog ib lub qhov zeb uas muaj ib daim lag zeb npog lub rooj ntxa lawm.

39 (יהושע)Yahshua hais tias, cia li muab daim lag zeb tshem. Mathas uas yog tus tuag ntawd tus muam txawm hais tias, Xibhwb, twb tsw tsw lwj lawm rau qhov twb tuag tau plaub hnub lawm.

40 (יהושע)Yahshua hais rau nws hais tias, kuv twb hais rau koj lawm hais tias yog koj ntseeg koj yuav pom Abba (יחוח)Yahweh lub hwjchim ci ntsa iab los tsis yog? 

41 Lawv thiaj li muab daim lag zeb tshem. (יהושע)Yahshua tsa muag ntsia saum ntuj thiab hais tias, Au kuv Leej Txiv, kuv ua koj tsaug uas koj twb hnov kuv tej lus lawm. 42 Kuv paub hais tias koj yeej hnov kuv tej lus txhua lub sij hawm. Tiamsis kuv hais li no vim yog saib rau cov tibneeg uas nyob ntawm no kom lawv thiaj li ntseeg hais tias koj yog tus uas txib kuv los. 43 Thaum hais li ntawd tag, (יהושע)Yahshua txawm hu nrov nrov hais tias, Laxalaus’es, cia li tawm los.

44 Tus tuag ntawd txawm tawm los, muaj nrhoob qhwv nws tes nws taw thiab muaj ib daim ntaub npog muag kauv nws lub ntsej muag. (יהושע)Yahshua txawm hais rau lawv hais tias, cia li muab tej ntaub ntawd daws tseg thiab tso nws mus.

​

Ntaus Tswvyim Tua (יהושע)Yahshua

(Mth. 26:1-15; Ych. Mk. 14:1-2;  Lk. . 22:1-2)

45 Vim li no thaum cov Yahdaim uas tuaj saib Miriam pom tej haujlwm uas (יהושע)Yahshua ua muaj coob leej txawm los ntseeg nws. 46 Tiamsis qee leej mus cuag cov Falixais thiab piav tej uas (יהושע)Yahshua ua rau lawv mloog.

47 Yog li no cov pov thawj hlob thiab cov Falixais txawm hu cov thawj lub rooj sablaj tuaj sablaj thiab hais tias, peb yuav ua li cas, rau qhov tus no ua tej txujci tseem ceeb ntau heev? 48 Yog peb tso nws ua li no mus li, txhua tus yuav ntseeg nws ces cov Loos yuav tuaj rhuav tshem peb lub tuam tsev thiab peb lub tebchaws. 49 Tiamsis lawv cov ntawd muaj ib tug hu ua Khayafas uas ua tuam pov thawj hlob rau xyoo ntawd hais rau lawv hais tias, nej tsis paub qabhau kiag li. 50 Nej tsis nkag siab hais tias qhov uas ib tug tuag this ib tsoom sawvdaws kuj zoo rau nej heev dua li tag nrho lub tebchaws puam tsuaj. 51 Nws tsis yog hais raws li nws lub siab xav xwb tiamsis nws ua tuam pov thawj hlob rau xyoo ntawd nws thiaj hais txog tom hauv ntej hais tias, (יהושע)Yahshua yuav tuag this lub tebchaws ntawd, 52 thiab tsis yog this lub tebchaws ntawd xwb tiamsis nws yuav qaws Abba (יחוח)Yahweh cov menyuam uas tawg ua sab ua sua los koom ua ib pab. 53 Txij hnub ntawd los lawv txawm ntaus tswvyim yuav muab (יהושע)Yahshua tua pov tseg. 54 Vim li no (יהושע)Yahshua thiaj tsis mus los tab meeg rau hauv cov Yahdaim lawm. Nws tawm qhov ntawm mus rau hauv lub tebchaws uas nyob ze tebchaws moj sab qhua thiab mus rau hauv lub moos hu ua Efa-is, mas nrog nws cov thwjtim nyob qhov ntawd. 55 Thaum ntawd ze lub sijhawm uas cov Yahdaim ua kevcai Hla Dhau, mas muaj tibneeg coob coob hauv tej zej zog tuaj mus rau hauv Yeluxalees kom thiaj ua tau kevcai ntxuav lawv tus kheej kom dawb huv ua ntej uas yuav ua kevcai Hla Dhau.

56 Thaum lawv sawv ntsug rau hauv lub tuam tsev, lawv txawm nrhiav (יהושע)Yahshua thiab ib leeg hais rau ib leeg hais tias, nej xav li cas? Nws yuav tuaj rau hauv lub caij ua kevcai no los tsis tuaj? 57 Cov pov thawj hlob thiab cov Falixais hais tseg hais tias, yog leejtwg pom (יהושע)Yahshua nyob qhov twg mas cia li hais rau lawv xwv lawv thiaj mus ntes tau nws.

​