Muab Roj Tsw Qab Pleev  (יהושע)Yahshua

(Mth. 26:6-13; Ych. Mk. 14:3-9)

1 Tshuav rau hnub mam txog sijhawm ua kevcai Hla Dhau. (יהושע)Yahshua txawm mus rau hauv lub zos Npethanis, yog lub zos uas tus Laxalaus uas (יהושע)Yahshua tsa sawv hauv qhov tuag rov qab los nyob.

2 Lawv ua ib pluag mov rau (יהושע)Yahshua noj. Mathas ua tus txhab zaub mov rau lawv thiab Laxalaus kuj nrog (יהושע)Yahshua lawv zaum ua ke ntawm rooj mov. 3 Maivliag txawm muab ib nrab lib roj tsw qab uas muaj nqes heev los pleev (יהושע)Yahshua kotaw thiab muab nws cov plaubhau so (יהושע)Yahshua kotaw. Cov roj ntawd tsw qab thoob plaws lub tsev ntawd.

4 Tiamsis (יהושע)Yahshua ib tug thwjtim uas hu ua Yahdah Iscariot, yog tus uas yuav fav xeeb rau (יהושע)Yahshua txawm hais tias, 5 ua li cas tsis muab cov roj no muag tau nyiaj peb puas denalia coj mus pub rau cov tibneeg pluag? 6 Nws hais li ntawd tsis yog nws mob siab cov pluag tiamsis nws yog ib tug tub sab. Nws ceev lub hnab nyiaj thiab pheej qee cov nyiaj hauv lub hnab coj mus.

7 (יהושע)Yahshua hais tias, tsis txhob cheem nws. Cia nws khaws cov roj no cia txog hnub uas faus kuv. 8 Vim hais tias nej yeej yuav muaj cov tibneeg pluag nrog nej nyob mus li, tiamsis nej yuav tsis muaj kuv nrog nej nyob mus li.

​

Ntaus Tswvyim Tua Laxalaus

9 Thaum cov Yahdaim coob coob paub hais tias (יהושע)Yahshua nyob qhov ntawd ces lawv txawm tuaj rau qhov ntawd tsis yog tuaj saib (יהושע)Yahshua xwb tiamsis yog tuaj saib Laxalaus uas (יהושע)Yahshua tsa ciaj sawv hauv qhov tuag rov los. 10 Vim li no cov pov thawj hlob thiaj ntaus tswvyim yuav muab Laxalaus tua pov tseg thiab, 11 rau qhov yog tim Laxalaus cov Yahdaim coob leej thiaj ncaim mus ntseeg (יהושע)Yahshua.

​

(יהושע)Yahshua Mus Rau Hauv Yeluxalees Yam Li Vajntxwv

(Mth. 21:1-11; Ych. Mk. 11:1-11; Lk. . 19:28-40)

12 Hnub tom qab thaum cov tibneeg coob coob uas tuaj ua kevcai Hla Dhau ntawd hnov hais tias (יהושע)Yahshua tabtom taug kev yuav tuaj rau hauv Yeluxalees. 13 Lawv txawm coj tej rev nplooj toov laj tawm mus tos nws thiab qw hais tias, hauxanas. Tus uas tuaj hauv Abba (יחוח)Yahweh lub npe tuaj tau koob hmoov nplua mias, yog Ixayees tus vajntxwv.

14 Thiab (יהושע)Yahshua pom ib tug menyuam nees luav nws txawm muab caij raws li muaj lus sau cia hais tias,

15 Xi-oos tus ntxhais, tsis txhob ntshai. saib maj, koj tus vajntxwv tabtom los yog caij ib tug menyuam nees luav los.

16 Thaum chiv thawj (יהושע)Yahshua cov thwjtim tsis nkag siab tej xwm txheej no, tiamsis thaum (יהושע)Yahshua tau koob meej ci ntsa iab lawd, lawv nco tau hais tias muaj lus sau cia li no hais txog nws thiab luag twb ua li no rau nws.

17 Cov tibneeg uas nrog (יהושע)Yahshua nyob lub sijhawm uas nws hu Laxalaus tawm hauv lub qhov ntxa los thiab tsa nws ciaj sawv hauv qhov tuag rov los kuj ua timkhawv. 18 Qhov uas cov tibneeg tawm mus tos nws twb yog lawv tau hnov hais tias (יהושע)Yahshua ua tej txujci tseem ceeb ntawd. 19 Cov Falixais txawm sib tham hais tias, sim saib, nej ua tsis tau abtsi li lawm. saib maj, lub ntiajteb twb raws nws qab tag lawm.

​

Cov Kili Qee Leej Xav Pom  (יהושע)Yahshua

20 Cov tibneeg uas tuaj pe hawm Abba (יחוח)Yahweh hauv kevcai Hla Dhau ntawd muaj qee leej kuj yog cov Greek.

21 Lawv txawm mus cuag Philip uas tuaj hauv lub moos Npexaidas hauv lub xeev Kalilais tuaj thiab hais rau nws hais tias, yawg hlob, peb xav pom (יהושע)Yahshua.

22 Philip txawm mus hais rau Andrew, mas Andrew thiab Philip txawm mus hais rau (יהושע)Yahshua paub.

23(יהושע)Yahshua teb nkawv hais tias, txog lub sijhawm uas Neeg Leej Tub yuav tau koob meej ci ntsa iab lawm. 24 Kuv hais tseeb rau nej hais tias, yog tsis muab lub noob nplej faus rau hauv av kom lwj, ces lub noob ntawd nws yuav nyob nws tib lub xwb. Yog lub noob nplej ntawd lwj thiaj yuav tuaj kaus thiab txi tau ntau lub. 25 Tus uas khuvxim nws txojsia, tus ntawd yuav tsis tau txojsia; tus uas tsis khuvxim nws txojsia hauv lub ntiajteb no, tus ntawd yuav tau txojsia ntev dhawv mus ib txhis. 26 Yog leejtwg ua kuv tus tubtxib, nws yuav tsum raws kuv qab. Thiab kuv nyob qhovtwg, nws yuav nyob qhov ntawd. Yog leejtwg ua kuv tus tubtxib, mas Leej Txiv yuav pub koob meej rau tus ntawd.

​

(יהושע)Yahshua Hais Txog Nws Kev Tuag

27 Nimno kuv nyuaj siab heev li, tiamsis kuv yuav hais li cas thiaj zoo? Kuv yuav hais tias, Au Leej Txiv thov cawm kuv kom dim lub sijhawm no, no lov? Kuv yuav tsis hais li ntawd, rau qhov, qhov uas kuv los twb yog los tiv txojkev txomnyem uas tab tom los txog lub sij hawm no ntag. 28 Au Leej Txiv, thov koj ua kom koj lub npe tau koob meej. Ces txawm muaj ib lub suab nrov saum ntuj tuaj hais tias, kuv twb tau koob meej lawm, thiab kuv tseem yuav tau koob meej ntxiv. 29 Cov tibneeg uas sawv ntawd, tau hnov lub suab ntawd, lawv txawm hais tias yog xob nroo. Ib co hais tias, yog tubtxib saum ntuj hais lus tuaj rau nws.

30 (יהושע)Yahshua teb hais tias, lub suab ntawd yog hais kom muaj qabhau rau nej tsis yog rau kuv. 31 Nimno yog lub sijhawm uas txiav txim rau lub ntiajteb no. Nimno tus uas kav lub ntiajteb yuav raug ntiab tawm mus. 32 Mas thaum kuv raug tsa rau saum lub ntiajteb lawm, kuv yuav rub sawvdaws los rau kuv. 33 Nws hais li ntawd yog qhia hais tias nws yuav tuag li cas. 34 Cov tibneeg teb nws hais tias, Peb tau hnov hauv txoj kevcai hais tias tus Messiah yuav nyob mus ib txhis. Ua li cas koj ho hais tau hais tias Neeg Leej Tub yuav tsum raug muab tsa saum lub ntiajteb? Tus Neeg Leej Tub ntawd yog leejtwg?

35 (יהושע)Yahshua hais rau lawv hais tias, qhov kaj tseem nrog nej nyob ib nyuag ntu. Thaum tseem muaj qhov kaj nyob cia li taug kev mus kom txojkev tsaus ntuj thiaj caum tsis cuag nej. Tus uas taug txojkev tsaus ntuj yeej tsis paub hais tias nws mus qhovtwg.

36 Thaum nej tseem muaj qhov kaj, nej cia li ntseeg qhov kaj ntawd xwv thiaj tau ua qhov kaj cov menyuam.

​

Cov Yahdaim Tsis Ntseeg (יהושע)Yahshua

Thaum (יהושע)Yahshua hais li ntawd tag nws txawm tawm qhov ntawd mus thiab khiav nkaum ntawm lawv lawm.

37 Txawm yog nws ua ntau yam txujci tseem ceeb no rau lawv pom los lawv tseem tsis ntseeg nws.  

38 Tej no thiaj yog tiav raws li xibhwb Isayah uas cev Abba (יחוח)Yahweh lus tau hais tias,Tus Tswv, leejtwg ntseeg tej uas peb tau hais? Abba (יחוח)Yahweh ua nws txhais npab tshwm rau leejtwg? 39 Yog vim li no lawv thiaj ntseeg tsis tau, rau qhov Isayah hais ntxiv hais tias, 40 nws ua rau lawv dig muag thiab ua rau lawv lub siab tawv, tsam ces lawv lub qhov muag yuav pom, thiab lawv lub siab yuav to taub, ces lawv yuav tig rov los kom kuv kho lawv zoo. 41 Isayah hais li no vim yog nws pom (יהושע)Yahshua lub hwjchim ci ntsa iab thiab hais txog (יהושע)Yahshua.

42 Txawm li cas kuj xij, cov nom tswv kuj muaj coob leej ntseeg (יהושע)Yahshua tiamsis lawv tsis lees nws tab meeg rau qhov lawv ntshai cov Falixais. Lawv ntshai tsam lawv yuav raug muab ntiab tawm hauv lub tsev sablaj, 43 vim lawv nyiam tibneeg qhuas lawv heev dua li Abba (יחוח)Yahweh qhuas.

​

(יהושע)Yahshua Tej Lus Yuav Txiav Txim

44 (יהושע)Yahshua qw nrov hais tias, tus uas ntseeg kuv, tsis yog ntseeg kuv xwb tiamsis kuj ntseeg tus uas txib kuv los. 45 Tus uas pom kuv kuj yog pom tus uas txib kuv los. 46 Kuv los ua qhov kaj rau hauv lub ntiajteb xwv txhua tus uas ntseeg kuv thiaj tsis nyob hauv qhov tsaus ntuj mus li. 47 Tus uas hnov kuv tej lus los tsis ntseeg, kuv tsis txiav txim rau tus ntawd, rau qhov kuv tsis yog los txiav txim rau lub ntiajteb, tiamsis yog los cawm lub ntiajteb kom dim. 48 Tus uas tso kuv tseg thiab tsis lees yuav kuv tej lus yeej muaj ib tug yuav txiav txim rau nws. Tej lus uas kuv twb hais lawd yuav ua tus uas txiav txim rau nws rau hnub kawg. 49 Kuv tsis hais raws li kuv lub siab. Leej Txiv uas txib kuv los qhia kom kuv hais li cas thiab hais abtsi. 50 Kuv paub hais tias tej uas Abba (יחוח)Yahweh qhia ntawd yog txojsia ib txhis tsis kawg. Yog li ntawd, tej uas kuv hais ntawd kuv hais raws li Leej Txiv qhia kom kuv hais xwb.

​