(יהושע)Yahshua Tshwm Rau Xya Tus Thwjtim

1 Dhau ntawd los (יהושע)Yahshua rov tshwm rau cov thwjtim pom ntawm ntug Hiavtxwv Thinpelas. (יהושע)Yahshua tshwm los li no. 2 Simon Kepha, thiab Thomas uas hu ua Ntxaib thiab Nathana-ees uas nyob lub zos Khanas xeev Kalilais, thiab Xenpedis ob tug tub thiab dua ob tug thwjtim lawv tabtom nyob ua ke.

3 Simon Kepha hais rau lawv hais tias, kuv yuav mus ntaus ntses. Lawv hais rau nws hais tias, peb yuav nrog koj mus thiab. Ces lawv txawm nce nkoj mus, tiamsis hmo ntawd lawv ntaus tsis tau ntses kiag li. 4 Thaum kaj ntug txoog, (יהושע)Yahshua los sawv ntawm ntug nqhuab, tiamsis cov thwjtim tsis paub hais tias yog (יהושע)Yahshua.

5 (יהושע)Yahshua hais rau lawv hais tias, cov menyuam’es, nej ntaus puas tau ntses os? Lawv teb nws hais tias, tsis tau li. 6 Nws hais rau lawv hais tias, cia li ntaus vas rau ntawm lub nkoj sab xis mas yuav tau ntses. Lawv thiaj ntaus ib vag rau hauv, tau ntses ntau heev rub tsis taus lub vas los li. 7 Tus thwjtim uas (יהושע)Yahshua hlub hais rau Kepha hais tias, tus ntawd yog (יהושע)Yahshua. Thaum Kepha hnov hais tias yog (יהושע)Yahshua, nws txawm khaws nkaus tsho los hnav vim yog nws twb hle tsho lawm, mas dhia kiag rau hauv hiavtxwv.

8 Lwm tus thwjtim caij lub nkoj los thiab rub lub vas uas ntses puv nkaus los rau qhov lawv nyob tsis deb ntawm ntug kwvlam li tsib caug daj xwb. 9 Thaum lawv nce los rau saum ntug nqhuab, lawv pom muaj ib cub thee muaj ntses ci rau saum thiab muaj ncuav. 10 (יהושע)Yahshua hais rau lawv hais tias, muab cov ntses uas nyuam qhuav yawm tau ib txhia los thiab. 11 Simon Kepha txawm nce rau hauv nkoj rub lub vas rau saum ntug. Lub vas ntawd muaj cov ntses loj loj puv nkaus, muaj ib puas tsib caug peb tug. Txawm yog muaj ntau li ntawd los lub vas tsis ntuag.

12 (יהושע)Yahshua hais rau lawv hais tias, los noj tshais. Cov thwjtim tsis muaj leejtwg kav nug nws hais tias, koj yog leejtwg? Lawv yeej paub hais tias yog (יהושע)Yahshua.

13 (יהושע)Yahshua los muab ncuav cev rau lawv thiab muab ntses rau lawv.

14 No yog zaum peb uas (יהושע)Yahshua tshwm rau cov thwjtim pom tom qab uas nws sawv hauv qhov tuag rov los.

​

(יהושע)Yahshua Thiab Kepha

15 Thaum lawv noj tshais tag (יהושע)Yahshua hais rau Simon Kepha hais tias, Yahchanan tus tub Simon es, koj puas hlub kuv tshaj lawv cov no? Kepha teb nws hais tias, hlub los mas Xibhwb. Koj yeej paub hais tias kuv hlub koj. (יהושע)Yahshua hais rau nws hais tias, cia li yug kuv cov menyuam yaj.

16 (יהושע)Yahshua hais dua zaum ob rau nws hais tias, Yahchanan tus tub Simon’es, koj puas hlub kuv? Kepha teb nws hais tias, hlub los mas Xibhwb. Koj yeej paub hais tias kuv hlub koj. (יהושע)Yahshua hais rau nws hais tias, cia li yug kuv cov yaj.

17(יהושע)Yahshua hais rau nws zaum peb hais tias, Yahchanan tus tub Simon’es, koj puas hlub kuv? Kepha ntxhov siab rau qhov uas (יהושע)Yahshua hais rau nws zaum peb hais tias, koj puas hlub kuv? Nws txawm hais rau (יהושע)Yahshua hais tias, Xibhwb, koj yeej paub txhua yam huvsi, koj paub hais tias kuv hlub koj. (יהושע)Yahshua hais rau nws hais tias, cia li yug kuv cov yaj. 18 Kuv hais tseeb rau koj hais tias, thaum koj tseem hluas, koj sia siv khov kho ntawm duav thiab koj mus qhovtwg los mus raws li koj xav mus. Tiamsis thaum koj laus lawd, koj yuav tsa tes thiab yuav muaj lwm tus tuaj kho siv rau koj sia ntawm duav thiab coj koj mus qhov chaw uas koj tsis xav mus. 19 (יהושע)Yahshua hais li no kuj yog nws qhia hais tias Kepha yuav tuag li cas thiaj ua rau Abba (יחוח)Yahweh tau koob meej. Thaum hais li ntawd tag, (יהושע)Yahshua hais rau Kepha hais tias, cia li raws kuv qab los.

​

(יהושע)Yahshua Thiab Tus Thwjtim Uas Nws Hlub

20 Kepha tig los pom tus thwjtim uas (יהושע)Yahshua hlub raws nkawv qab los thiab, yog tus uas pheeb ze ntawm (יהושע)Yahshua rau thaum lawv noj mov es nug hais tias, Xibhwb tus uas yuav fav xeeb rau koj yog leejtwg?

21 Thaum Kepha pom tus thwjtim ntawd Kepha txawm hais rau (יהושע)Yahshua hais tias, Xibhwb, es tus no nev, nws yuav ua li cas? 22(יהושע)Yahshua hais rau nws hais tias, yog kuv xav cia nws nyob mus kom txog thaum kuv rov qab los, los yuav kis txog koj abtsi? Koj cia li raws kuv qab los. 23 Vim li ntawd lo lus uas hais tias, tus thwjtim ntawd yuav tsis tuag thiaj li ncha mus thoob plaws cov kwvtij. Tiamsis (יהושע)Yahshua tsis tau hais rau nws hais tias tus thwjtim ntawd yuav tsis tuag, tiamsis hais tias, yog kuv xav cia nws nyob mus txog thaum kuv rov los, yuav kis txog koj abtsi? 24 Tus thwjtim no yog tus uas ua timkhawv rau tej xwm txheej no thiab yog tus uas sau tej no cia. Thiab peb paub hais tias nws tej lus timkhawv muaj tseeb tiag. 25 Tseem muaj dua ntau yam uas (יהושע)Yahshua tau ua. Yog muab txhua yam sau tag huvsi, kuv xav hais tias txawm yog lub ntiajteb los yuav tsis muaj chaw txaus rau tej phau ntawv uas sau ntawd.