(יהושע)Yahshua Ciaj Sawv Rov Los

(Mth. 28:1-8; Ych. Mk. 16:1-8;  Lk. 24:1-12)

1 Hnub ib thaum sawv ntxov tsis tau pom kev, Miriam Madalas tuaj txog ntawm lub qhov ntxa pom hais tias daim lag zeb uas kaw rooj ntxa raug muab nqa rau ib cag lawm. 2 Nws thiaj khiav mus cuag Simon Kepha thiab cuag dua ib tug thwjtim uas (יהושע)Yahshua hlub thiab hais rau nkawv hais tias, luag twb coj Tus Tswv lub cev tawm hauv qhov ntxa lawm, thiab peb tsis paub hais tias luag muab nws coj mus tso rau qhovtwg. 3 Kepha thiab tus thwjtim ntawd txawm tawm mus tom lub qhov ntxa. 4 Nkawv khiav mus tiamsis tus thwjtim ntawd khiav nrawm dua Kepha, nws thiaj xub mus txog lub qhov ntxa ua ntej. 5 Nws nyo hau xauj mas pom tej ntaub mag nyob hauv tiamsis nws tsis nkag mus rau hauv.

6 Simon Kepha txawm lawv qab tuaj txog thiab nws nkag plaws mus rau hauv lub qhov ntxa mas pom tej ntaub mag nyob hauv xwb, 7 thiab pom hauv phuam uas (יהושע)Yahshua ntoo nyob tsis nrog tej ntaub mag ua ke, tiamsis muab tais cia rau ib cag. 8 Ces tus thwjtim uas xub tuaj txog kuj nkag mus rau hauv thiab. Nws pom thiab ntseeg. 9 Thaum ntawd nkawv tseem tsis tau nkag siab Abba (יחוח)Yahweh nqe lus uas hais tias nws yuav ciaj sawv hauv qhov tuag rov los.

10 Ces ob tug thwjtim txawm rov qab mus tsev.

​

(יהושע)Yahshua Tshwm Rau Miriam Magdalene Pom

(Mth. 28:9-10; Ych. Mk. 16:9-11)

11 Tiamsis Miriam tseem sawv nraum lub qhov ntxa quaj. Thaum nws tabtom quaj, nws nyo xauj rau hauv lub qhov ntxa, 12 mas pom ob tug tubtxib saum ntuj hnav tsoos dawb paug zaum ntawm lub chaw uas tso (יהושע)Yahshua lub cev tuag, ib tug nyob lub chaw ntawm (יהושע)Yahshua taubhau, ib tug nyob lub chaw ntawm (יהושע)Yahshua kotaw. 13 Ob tug tubtxib hais rau Miriam hais tias, tus pojniam’es, koj quaj ua abtsi? Nws teb nkawv hais tias, vim luag coj kuv Tus Tswv mus lawm, kuv tsis paub hais tias coj mus tso rau qhovtwg.

14 Thaum nws hais li ntawd tag nws tig kiag los pom (יהושע)Yahshua sawv ntawd, tiamsis tsis paub hais tias yog (יהושע)Yahshua.

15 (יהושע)Yahshua hais rau nws hais tias, tus pojniam’es, koj quaj ua abtsi? Koj nrhiav leejtwg? Miriam xav hais tias ntshai yog tus uas tu lub vaj ntawd thiaj hais rau nws hais tias, yawg hlob, yog koj coj nws lub cev mus lawm, thov qhia kuv paub hais tias koj muab nws tso rau qhovtwg, kuv thiaj tau coj nws mus. 16(יהושע)Yahshua hais rau nws hais tias, Miriam’es. Miriam thiaj tig kiag los hais rau nws ua lus Hebrew hais tias, Lanpaunis (uas txhais hais tias xibhwb).

17 (יהושע)Yahshua hais rau nws hais tias, tsis txhob tuav kuv vim kuv tsis tau nce mus cuag kuv Leej Txiv. Koj cia li mus cuag kuv cov kwvtij thiab hais rau lawv hais tias, kuv tabtom yuav nce mus cuag kuv Leej Txiv thiab nej Leej Txiv, mus cuag kuv Abba  (יחוח)Yahweh thiab nej Abba (יחוח)Yahweh. 18 Miriam Magdalene txawm mus hais rau cov thwjtim hais tias, kuv twb pom Tus Tswv lawm, thiab hais tias Tus Tswv hais tej lus ntawd rau nws.

​

(יהושע)Yahshua Tshwm Rau Cov Thwjtim Pom

(Mth. 28:16-20; Ych. Mk. 16:14-18; Lk. 24:36-49)

19 Hnub ib ntawd thaum tsaus ntuj cov thwj-tim nyob ua ke thiab kaw qhov rooj cia lawm vim lawv ntshai cov Yahdaim. (יהושע)Yahshua txawm los sawv ntsug tshwm rau hauv lawv nruab nrab thiab hais tias, nej cia li nyob kaj siab lug.

20 Thaum nws hais li ntawd tag nws txawm muab nws txhais tes thiab nws sab tav rau lawv saib. Thaum cov thwjtim pom (יהושע)Yahshua lawm lawv zoo siab xyiv fab hlo.

21 (יהושע)Yahshua rov hais rau lawv hais tias, cia li nyob kaj siab lug. Leej Txiv txib kuv los li cas, kuv txib nej mus ib yam li ntawd. 22 Thaum nws hais li ntawd tag, nws txawm tshuab pa rau saum lawv thiab hais rau lawv hais tias, cia li txais Tus Ntsuj Plig uas dawb huv nawj. 23 Yog nej zam leejtwg lub txim, tus ntawd lub txim yuav raug muab daws. Yog nej tsis zam leejtwg lub txim tus ntawd lub txim yuav tsis raug muab daws.

​

(יהושע)Yahshua Thiab Thomas

24 Thomas uas hu ua Didymus thiab yog ib tug hauv kaum ob tug thwjtim ntawd tsis nrog lawv nyob rau thaum (יהושע)Yahshua tshwm los. 25 Ib tug thwjtim thiaj hais qhia nws hais tias, peb twb pom (יהושע)Yahshua lawm. Tiamsis Thomas hais rau lawv hais tias, yog kuv tsis pom tej qhov ntsia hlau ntawm nws txhais tes thiab tsis tau muab ntiv tes ntxig rau hauv tej qhov ntsia hlau ntawd thiab tsis tau muab tes ntxig rau hauv tej qhov hmuv ntawm nws sab tav, mas kuv yuav tsis ntseeg li. 26 Thaum dhau yim hnub lawd cov thwjtim nyob ua ke hauv lub tsev ntawd dua thiab, Thomas nrog lawv nyob ntawd thiab. Qhov rooj kuj kaw tag lawm tiamsis (יהושע)Yahshua los sawv hauv lawv nruab nrab thiab hais tias, nej cia li nyob kaj siab lug. 27 Nws hais rau Thomas hais tias, muab koj tus ntiv tes ntxig ntawm no thiab saib kuv txhais tes. Cev koj txhais tes ntxig rau hauv kuv sab tav. Tsis txhob ua xyem xyav, cia li ntseeg. 28 Thomas teb nws hais tias, Au kuv Tus Tswv thiab kuv Abba (יחוח)Yahweh.

29 (יהושע)Yahshua hais rau nws hais tias, vim koj pom kuv koj thiaj li ntseeg lov? Cov uas tsis pom kuv tiamsis ntseeg, tau nyob kaj siab lug.

​

Phau Ntawv No Lub Ntsiab

30 (יהושע)Yahshua tau ua dua ntau yam txujci tseem ceeb tab meeg nws cov thwjtim uas tsis tau muab sau cia rau hauv phau ntawv no. 31 Tej uas muab sau cia no kuj yog sau kom nej tau ntseeg hais tias (יהושע)Yahshua yog tus Messiah, yog Abba (יחוח)Yahweh Leej Tub. Yog nej ntseeg nej yuav tau txojsia hauv nws lub npe.

​