​

1 Philaj txawm kom coj (יהושע)Yahshua mus nplawm. 2 Cov tub rog txawm muab pos kaus ntsaj los qhaib ua ib lub mom vajntxwv looj nws taubhau, thiab muab ib lub tsho ntev tsamxem los ua rau (יהושע)Yahshua hnav. 3 Lawv tuaj cuag nws thiab hais tias, cov Yahdaim tus vajntxwv, thov kom koj tau zoo lauj! thiab lawv ntaus nws lub plhu. 4 Philaj txawm rov tawm mus hais rau cov Yahdaim hais tias, saib maj, kuv coj tus no tuaj cob rau nej kom nej thiaj paub hais tias kuv tsis pom nws muaj ib qho txhaum li. 5 (יהושע)Yahshua ntoo lub mom vajntxwv uas muab tej pos ua thiab hnav lub tsho ntev tsamxem tawm los. Philaj hais rau lawv hais tias, saib nawj, nws nyob ntawm no. 6 Thaum cov pov thawj hlob thiab cov tub teg tub taws pom (יהושע)Yahshua, lawv txawm qw nrov nrov hais tias, muab nws teem rau saum ntoo ntsiates, muab teem rau saum ntoo ntsiates. Philaj hais rau lawv hais tias, nej cia li coj nws mus teem nej, vim kuv tsis pom nws muaj kev txhaum li. 7 Cov Yahdaim teb Philaj hais tias, peb muaj txoj kevcai thiab raws li txoj kevcai ntawd nws tsim nyog tuag vim nws tsab ua Abba (יחוח)Yahweh Leej Tub. 8 Thaum Philaj hnov tej lus no nws yimhuab ntshai. 9 Nws nkag mus rau hauv lub tsev Plitholias thiab hais rau (יהושע)Yahshua hais tias, koj tuaj qhovtwg tuaj? Tiamsis (יהושע)Yahshua tsis teb li lawm. 10 Philaj thiaj hais rau nws hais tias, koj yuav tsis teb kuv ib los li lov? Koj tsis paub hais tias kuv muaj hwjchim tso koj dim thiab muaj hwjchim muab koj teem rau saum ntoo ntsiates lov? 11 (יהושע)Yahshua teb nws hais tias, koj yuav tsis muaj hwjchim loj dua kuv, tsuas yog pub saum ntuj los rau koj xwb. Vim li no tus uas muab kuv cob rau koj thiaj muaj txim loj dua koj. 12 Txij ntawd los Philaj nrhiav kev yuav tso (יהושע)Yahshua dim tiamsis cov Yahdaim qw nrov nrov hais tias, yog koj tso tus no koj tsis yog Xixas tus kwvluag lawm. Txhua tus uas tsab ua vajntxwv yeej los tawm tsam Xixas. 13 Thaum Philaj hnov li ntawd, nws txawm coj (יהושע)Yahshua tawm los thiab zaum saum lub rooj txiav txim ntawm qhov chaw uas hu hais tias Tshav Puam Lag Zeb, thiab lus Hebrew hu hais tias Kanpathas. 14 Hnub ntawd yog hnub uas npaj ua kevcai Hla Dhau yog thaum tav su. Philaj hais rau cov Yahdaim hais tias, saib nawj, nej tus vajntxwv.

15 Lawv qw nrov nrov hais tias, coj nws mus, coj nws mus, muab nws teem rau saum ntoo ntsiates. Philaj hais rau lawv hais tias, kuv yuav muab nej tus vajntxwv teem rau saum ntoo ntsiates lov? Cov pov thawj hlob teb hais tias, peb tsis muaj vajntxwv tsuas yog muaj Xixas xwb. 16 Ces Philaj txawm muab (יהושע)Yahshua cob rau lawv coj mus teem rau saum ntoo ntsiates.

​

Teem (יהושע)Yahshua Saum ntoo ntsiates

(Mth. 27:32-44; Ych. Mk. 15:21-32;  Lk. 23:26-43)

Lawv txawm coj (יהושע)Yahshua mus. 17 (יהושע)Yahshua kwv nws tus ntoo ntsiates tawm mus rau lub chaw uas hu ua Txha Taub-hau uas lus Hebrew hu ua Kaukauthas.

18 Lawv txawm muab (יהושע)Yahshua teem rau saum tus ntoo ntsiates qhov ntawd thiab muab dua ob tug teem nrog nws ua ke ib tug ib sab, mas (יהושע)Yahshua nyob nruab nrab. 19 Philaj sau ib daim phiaj thiab muab ntsia rau saum tus ntoo ntsiates, nyeem hais tias (יהושע)Yahshua uas yog tibneeg Naxales, yog cov Yahdaim tus vajntxwv.

20 Cov Yahdaim muaj coob tau nyeem daim phiaj no vim lub chaw uas (יהושע)Yahshua raug muab teem ntawd nyob ze lub nroog, thiab cov lus ntawd sau ua lus Hebrew thiab lus Latees thiab lus Greek. 21 Yahdaim cov pov thawj hlob txawm hais rau Philaj hais tias, tsis txhob sau hais tias, cov Yahdaim tus vajntxwv Cia li sau hais tias, tus yawg no nws hais tias, kuv yog cov Yahdaim tus vajntxwv. 22 Philaj teb hais tias, tej uas kuv sau lawd kuj tau lawm. 23 Thaum cov tub rog muab (יהושע)Yahshua teem rau saum ntoo ntsia tes lawm, lawv txawm muab (יהושע)Yahshua lub tsho faib ua plaub npaug, ib tug tub rog thiaj tau ib qho, tseg lub tsho sab hauv. Lub tsho ntawd tsis muaj lej leeg, ntos kiag ua ib lub keev. 24 Lawv thiaj sib tham tias, peb tsis txhob muab dua, peb cia li ua ntawv rho saib leejtwg tau. Ua li no thiaj tiav raws li Abba (יחוח)Yahweh tej lus hais tias, lawv muab kuv tej ris tsho faib, kuv lub tsho lawv muab ua ntawv rho. Cov tub rog thiaj ua li ntawd. 25 (יהושע)Yahshua niam thiab tus niam hluas thiab Kelaupas tus pojniam Miriam thiab Miriam Madalas sawv ze ntawm (יהושע)Yahshua tus ntoo ntsiates.

26 Thaum (יהושע)Yahshua pom nws niam thiab tus thwjtim uas (יהושע)Yahshua hlub sawv ze ntawd, (יהושע)Yahshua txawm hais rau leej niam hais tias, tug pojniam’es, tus ntawm kod yog koj tus tub. 27 Thiab nws hais rau tus thwjtim ntawd hais tias, tus ntawm kod yog koj niam. Ces tus thwjtim ntawd txawm coj (יהושע)Yahshua niam mus nrog nws nyob txij thaum ntawd los.

​

(יהושע)Yahshua Tuag

(Mth. 27:45-56; Ych. Mk. 15:33-41;  Lk. 23:44-49)

28 Dhau ntawd (יהושע)Yahshua paub hais tias txhua yam tiav lawm nws thiaj hais tias, kuv nqhis dej, kom thiaj tiav raws li Abba (יחוח)Yahweh tej lus uas sau cia lawm 29 Qhov ntawd muaj ib lub tais rau kua qaub, lawv txawm muab ib lub xwb kuab raus cov kua qaub ntawd chob rau tus hau pas tauj deg cev mus rau (יהושע)Yahshua lub qhov ncauj. 30 Thaum (יהושע)Yahshua txais cov kua qaub ntawd lawm nws hais tias, tiav lawm lauj! Nws nyo hau thiab tso nws txojsia tseg.

​

Lawv Nkaug (יהושע)Yahshua Sab Tav

31 Hnub ntawd yog hnub uas npaj rau hnub Sabbath. Cov Yahdaim txawm thov Philaj cia tsoo cov tibneeg uas raug teem ntawd kom lov ceg thiab txo tej cev tuag mus, kom thiaj tsis nyob saum tus ntoo ntsiates rau hnub Sabbath, rau qhov hnub Sabbath ntawd yog hnub uas tseem ceeb dua huvsi. 32 Yog li ntawd cov tub rog thiaj los tsoo tus ib li ceg thiab tsoo dua ib tug uas raug teem nrog (יהושע)Yahshua ua ke li ceg, 33 mas thaum lawv los txog ntawm (יהושע)Yahshua kuj pom hais tias (יהושע)Yahshua tu siav lawm, lawv thiaj tsis tsoo (יהושע)Yahshua li. 34 Tiamsis muaj ib tug tub rog txawm xuas hmuv nkaug (יהושע)Yahshua sab tav mas los ntshav thiab dej tamsid. 35 Tus uas pom li no kuj ua timkhawv, thiab nws tej lus timkhawv kuj yog tseeb thiab nws paub hais tias nws hais tseeb, kom nej thiaj li ntseeg. 36 Tej xwm txheej no tshwm los thiaj tiav raws li Abba (יחוח)Yahweh txojlus uas hais tias, nws tej txha yuav tsis lov ib tug li. 37 Thiab Abba (יחוח)Yahweh txojlus muaj dua ib nqes hais tias, lawv yuav tsa muag ntsia tus uas lawv xuas hmuv nkaug.

​

Muab (יהושע)Yahshua Faus

(Mth. 27:57-61; Ych. Mk. 15:42-47;  Lk. 23:50-56)

38 Dhau ntawd Yahseph uas yog tibneeg hauv lub moos Alimathias thiab yog (יהושע)Yahshua ib tug thwjtim twjywm vim nws ntshai cov Yahdaim, txawm tuaj thov Philaj cia nws muab (יהושע)Yahshua lub cev txo. Philaj kuj kheev, Yahseph txawm tuaj txo (יהושע)Yahshua lub cev mus. 39 Nikhaudemaus uas tom ntej tuaj cuag (יהושע)Yahshua hmo ntuj, kuj coj roj tsw qab thiab roj ntoo alau-es hnyav kwvlam peb caug kilumev tuaj.

40 Nkawv thiaj txo (יהושע)Yahshua lub cev los thiab muab ntaub mag qhwv cov roj tsw qab ntawd rau (יהושע)Yahshua lub cev raws li cov Yahdaim kevcai faus tuag. 41 Ib cheeb tsam uas teem (יהושע)Yahshua rau saum tus ntoo ntsiates ntawd muaj ib lub vaj, thiab lub vaj ntawd muaj ib lub qhov ntxa tshiab uas tsis tau faus tuag li. 42 Vim hnub ntawd yog hnub npaj rau hnub Sabbath thiab lub qhov ntxa nyob ze, nkawv thiaj muab (יהושע)Yahshua lub cev faus rau hauv.

​