Cov Uas Tu Lub Vaj Txiv Hmab

(Mattithyah 21:33-46; Luke 20:9-19)

1 (יהושע)Yahshua txawm ua lus piv txwv hais rau lawv hais tias, muaj ib tug yawg cog tau ib vaj txiv hmab, nws xov laj kab rau thiab, khawb qhov tsuam kua txiv hmab thiab, ua ib lub tsev zov thiab, muab tso rau ib cov tu (faib txiv) ces nws txawm mus txawv tebchaws lawm. 2 Thaum txog lub caij de txiv, nws txib ib tug tub qhe mus cuag cov uas tu lub vaj ntawd es yuav sau tej txiv hmab ib txhia los rau nws. 3 Cov uas tu lub vaj txawm ntes tus tub qhe ntawd los ntaus thiab muab nws ntiab rov mus tes dawb tes do. 4 Tus Tswv vaj rov tso dua ib tug tub qhe mus, los lawv kuj muab tus ntawd ntaus taubhau to tag thiab ua saib tsis taus nws. 5 Nws kuj tso dua ib tug mus, lawv kuj muab tus ntawd tua pov tseg. Thiab ua ib yam li ntawd rau ntau leej, muab ib txhia ntaus, muab ib txhia tua tuag tag lawm. 6 Nws tseem tshuav dua ib tug, yog nws tus tub uas nws hlub. Nws thiaj tso tus tub ntawd ua zaum kawg hais tias, nyaj lawv yuav hwm kuv tus tub. 7 Tiamsis cov uas tu lub vaj ntawd sib hais tias, tus no yog tus uas saws nws qub txeeg qub teg. Peb cia li muab nws tua mas tej qub txeeg qub teg yuav poob rau peb. 8 Lawv txawm muab nws ntes tua thiab muab pov rau nraum ntug vaj.

9 Tus Tswv vaj yuav ua li cas? Nws yeej yuav muab cov uas tu lub vaj ntawd ua kom puam tsuaj thiab muab lub vaj txiv hmab rau lwm cov tu. 10 Nej tsis tau nyeem Abba (יחוח)Yahweh phau ntawv lov? Qhov uas hais tias, lub pob zeb uas cov Kws ua tsev muab xyeeb tseg lawm, twb muab los teeb ua lub thawj rau ntawm kaum tsev lawm. 11 Tej no yog Tus Tswv ua, yog yam phimhwj uas peb qhov muag pom.

12 Lawv nrhiav kev ntes (יהושע)Yahshua, rau qhov lawv paub tias (יהושע)Yahshua hais zaj paj lug no raug lawv, tiamsis lawv ntshai cov pejxeem. Lawv txawm ncaim nws mus lawm.

​

Them Se Rau Xixas

(Mattithyah 22:15-22; Luke 20:20-26)

13 Lawv thiaj txib cov Falixais qee leej thiab Helauj cov tibneeg qee leej mus xwj (יהושע)Yahshua thiab kom lawv ua txuj nug (יהושע)Yahshua ob peb yam saib (יהושע)Yahshua puas yuav hais tau tej lo lus txhaum, lawv thiaj zoo ntes nws. 14 Lawv hais rau nws tias, Xibhwb, peb paub tias koj yog ib tug ncaj ncees thiab tsis ua raws li leejtwg lub siab nyiam, rau qhov koj tsis xaiv leejtwg ntsej muag, koj tsuas qhia Abba (יחוח)Yahweh txoj kev raws li muaj tseeb xwb. Mas tsim nyog them se rau Xixas los tsis tsim? 15 Peb yuav tsum them los tsis them? (יהושע)Yahshua twb paub lawv lub ncauj zoo tiamsis lub siab phem, nws thiaj hais rau lawv tias, nej tuaj sim kuv ua abtsi? Cia li muab ib lub nyiaj denalias los rau kuv saib. 16 Lawv thiaj muab ib lub rau nws. (יהושע)Yahshua hais rau lawv tias, Lub ntsej muag thiab lub npe uas txaug no yog leejtwg? Lawv teb tias, Yog Xixas li. 17(יהושע)Yahshua txawm hais rau lawv tias, yam uas yog Xixas li, cia li muab rau Xixas, yam uas yog Abba (יחוח)Yahweh li, cia li muab rau Abba (יחוח)Yahweh. Lawv thiaj xav tsis thoob li.

​

Qhov Uas Ciaj Sawv Rov Los

(Mattithyah 22:23-33; Luke 20:27-40)

18 Cov Xadukais uas tsis ntseeg hais tias, yuav sawv tau hauv qhov tuag rov los txawm tuaj cuag (יהושע)Yahshua. Lawv thiaj nug (יהושע)Yahshua hais tias, 19 Xibhwb, Mau-xes twb sau cia rau peb tias, yog leejtwg tuag lawm tseg tus pojniam nyob tsis tau muaj menyuam, ib tug kwvtij yuav tsum yuav tus pojniam ntawd thiaj tuav tau tus uas tuag li keeb kwm cia. 20 Muaj xya tus kwvtij. Tus hlob yuav pojniam lawm mam li tuag, tsis tau muaj menyuam. 21 Mas tus ob kuj yuav tus ntawd ua pojniam, tsis tau muaj menyuam kuj tuag lawm thiab. Tus peb kuj zoo ib yam nkaus. 22 Xya tus ntawd puavleej tsis tau muaj menyuam li. Thaum kawg tus pojniam ntawd kuj tuag lawm thiab. 23 Hnub uas ciaj sawv rov los, tus pojniam ntawd yuav ua leejtwg tus pojniam, rau qhov nws twb ua xya leej ntawd li pojniam lawm? 24(יהושע)Yahshua hais rau lawv tias, qhov uas nej tsis paub Abba (יחוח)Yahweh txojlus thiab tsis paub Abba (יחוח)Yahweh lub hwjchim ua rau nej yuam kev lawm los tsis yog? 25 Thaum tib-neeg ciaj sawv hauv qhov tuag rov los ntawd, tsis muaj kev sib yuav ua txij ua nkawm lawm, yuav zoo ib yam li cov tubtxib saum ntuj xwb. 26 Hais txog qhov uas tibneeg tuag ciaj sawv rov los, nej tsis tau nyeem hauv Mauxes phau kevcai zaj uas hais txog tsob ntoo kub hnyiab lov? Qhov uas Abba - (יחוח)Yahweh hais rau Mauxes tias, kuv yog Abraham Tus Tswv, yog Isaac Tus Tswv, thiab yog Yaaqob Tus Tswv. 27 Abba (יחוח)Yahweh tsis yog tus tibneeg tuag Tus Tswv, nws yog cov tibneeg ciaj Tus Tswv. Nej yuam kev loj heev lawm.

​

Nqe Kevcai Uas Tseem Ceeb Dua Ntais

(Mattithyah 22:34-40; Luke 10:25-28)

28 Muaj ib tug xibhwb uas qhia Abba (יחוח)Yahweh kevcai txav los ze. Thaum nws hnov lawv sib cav thiab pom tias (יהושע)Yahshua teb tau lawv zoo heev, nws txawm nug (יהושע)Yahshua tias, cov kevcai, nqe twg yog nqe uas tseem ceeb dua ntais?

29(יהושע)Yahshua teb hais tias, nqes kev-cai uas tseem ceeb dua ntais yog li no, cov Ixayees es, cia li tig ntsej mloog.

Abba (יחוח)Yahweh yog peb Leej Txiv. Peb tsuas muaj tib tug Tswv xwb, uas yog Abba

(יחוח)Yahweh xwb. 30 Koj yuav tsum hlub Abba (יחוח)Yahweh uas yog koj Txiv kawg siab kawg ntsws, kawg plab kawg plaws, thiab kawg dag kawg zog. 31 Nqe uas ob hais tias, koj yuav tsum hlub kwvtij zej zog ib yam li koj hlub koj tus kheej. Tsis muaj lwm txoj kevcai uas tseem ceeb dua ob nqes no lawm. 32 Tus xibhwb ntawd txawm hais rau nws tias, Xibhwb, koj teb zoo heev. Koj hais tseeb tias muaj tib tug Tswv xwb, dhau nws lawm tsis muaj dua lwm tus li, 33 thiab qhov uas hlub Tus Tswv kawg siab kawg ntsws, kawg plab, kawg plaws, thiab kawg dag kawg zog, thiab hlub kwvtij zej zog ib yam li yus hlub yus tus kheej, kuj tseem ceeb heev dua li tej uas muab hlawv huvsi xyeem thiab tej uas muab xyeem huvsi.

34 Thaum (יהושע)Yahshua pom tias tus ntawd muaj tswvyim teb, (יהושע)Yahshua txawm hais rau nws tias, koj nyob tsis deb ntawm Abba (יחוח)Yahweh lub tebchaws lawm. Dhau ntawd tsis muaj leejtwg muaj cuabkav nug (יהושע)Yahshua dua li lawm.

​

Tus Messiah Yog Leejtwg Tus Tub

(Mattithyah 22:41-46; Luke 20:41-44)

35 Thaum (יהושע)Yahshua qhuab qhia hauv lub tuam tsev, nws hais tias, cov xibhwb qhia Abba (יחוח)Yahweh kevcai hais tau li cas tias, tus Messiah yog Davivv tus tub? 36 Tus Ntsuj Plig Dawbhuv tshoov Daviv lub siab, nws thiaj hais tias, Abba (יחוח)Yahweh hais rau kuv Tus Tswv tias, cia li zaum ntawm kuv sab xis, mus txog thaum kuv muab koj cov yeeb ncuab tiag koj xib taws. 37 Yog Daviv twb hu tus Messiah tias Tus Tswv, nws yuav ua li cas ua tau Daviv tus tub? Tej pejxeem coob coob ntawd zoo siab mloog (יהושע)Yahshua.

​

(יהושע)Yahshua Cem Cov Xibhwb Thiab Cov Falixais

(Mattithyah 23:1-36; Luke 20:45-47)

38 Thaum (יהושע)Yahshua qhuab qhia nws hais tias, cia li ceev faj cov xibhwb qhia Abba (יחוח)Yahweh kevcai uas nyiam hnav lub tsho ntev mus mus los los thiab nyiam kom luag hwm lawv tom tej tshav puam.

39 Thiab nyiam zaum tej rooj siab hauv tej tsev sablaj, thiab thaum muaj rooj noj rooj haus lawv nyiam zaum sam tsum. 40 Lawv txeeb cov poj ntsuam tej vaj tse thiab thov Abba (יחוח)Yahweh ntev ntev rau luag pom. Lawv yimhuab yuav raug txim hnyav heev dua.

​

Tus Poj Ntsuam Tso Nyiaj

(Luke 21:1-4)

41(יהושע)Yahshua mus zaum ncaj ntawm lub phij xab xyeem nyiaj thiab saib cov tibneeg tso nyiaj rau hauv lub phij xab ntawd. Muaj ntau leej nplua nuj tso nyiaj ntau rau hauv. 42 Muaj ib tug poj ntsuam txom txom nyem tuaj thiab, nws tso ob lub txiaj toog liab ntaus nqe twb tsis txog ib npib rau hauv.

43(יהושע)Yahshua hu cov thwjtim los hais rau lawv tias, kuv hais tseeb rau nej tias, tus poj ntsuam txom nyem no tso nyiaj rau hauv lub phij xab ntau dua txhua tus uas tso lawm.

44 Rau qhov lawv txhua tus, tsuas yog rho lawv qhov nyuag nyiaj uas seem tuaj tso rau hauv xwb, tiamsis tus pojniam no lub neej txom txom nyem kawg li los nws tseem khee kawv qhov nyiaj yug nws txojsia tuaj tso rau hauv.