(יהושע)Yahshua Mus Rau Hauv Yeluxalees Yam Li Vajntxwv

(Mattithyah21:1-11; Luke 19:28-40; Yahchanan 12:12-19)

1 Thaum lawv tuaj ze lub nroog Yelu-xalees txog lub zos Npefakes thiab lub zos Npethani ntawm lub roob Txiv Aulib, (יהושע)Yahshua txawm txib ob tug thwjtim mus, 2 thiab hais rau nkawv tias, neb cia li mus rau lub zos uas nyob tom hauv ntej, mas thaum neb nkag rau hauv tamsim ntawd neb yuav pom ib tug menyuam nees luav khi cia, tsis tau muaj leejtwg caij dua li. Neb cia li daws cab los. 3 Yog leejtwg nug neb tias, neb ua abtsi? Neb cia li hais tias, tus Xibhwb cheem tsum siv, thiab ib pliag nws mam xa rov los rau ntawm no. 4 Nkawv txawm mus pom tus menyuam nees luav khi ntawm qhov rooj ntawm ntug kev, nkawv txawm daws hlua. 5 Ces cov tibneeg uas sawv ntawd hais rau nkawv tias, neb daws tus menyuam nees luav ua abtsi? 6 Nkawv teb raws li (יהושע)Yahshua hais, ces lawv kuj kheev.

7 Mas nkawv cab tus menyuam nees luav los rau (יהושע)Yahshua, thiab muab nkawv tej tsho ntev los pua saum tus nees luav nrob qaum cess (יהושע)Yahshua mam caij. 8 Muaj tibneeg coob coob muab lawv tej tsho ntev pua txojkev thiab ib txhia txiav tej rev nplooj ntoo tom teb los pua. 9 Cov tibneeg uas mus ua nws ntej thiab cov uas lawv nws qab qw hais tias, Hauxanas! Foom koobhmoov rau tus uas tuaj ntawm Abba (יחוח)Yahweh lub npe tuaj!

10 Foom koobhmoov rau peb txiv Daviv lub tebchaws uas tuaj ntawm Abba(יחוח)Yahweh lub npe tuaj! Hauxanas uas nyob siab kawg nkaus! 11(יהושע)Yahshua mus rau hauv Yeluxalees thiab nkag mus rau hauv lub tuam tsev. Nws mus ncig saib txhua yam. Thaum nws saib tag ces twb yuav tsaus ntuj lawm, nws txawm nrog kaum ob tug thwjtim rov qab mus tom lub zos Npethanis.

 

Foom Tsob Txiv Cev

(Mattithyah 21:18-19)

12 Hnub tom qab thaum (יהושע)Yahshua lawv rov tawm hauv lub zos Npethanis mus, (יהושע)Yahshua tshaib tshaib plab. 13 Nws pom ib tsob txiv cev nyob deb muaj nplooj tsaus nti, nws txawm txav mus saib muaj txiv los tsis muaj. Thaum nws mus txog lawd tsis pom muaj ib lub txiv li, tsuas muaj nplooj xwb, rau qhov tsis tau txog caij txi txiv.

14 Nws txawm hais rau tsob txiv cev ntawd tias, yuav tsis muaj leejtwg tau noj koj cov txiv dua li lawm lauj! Cov thwjtim kuj hnov (יהושע)Yahshua tej lus ntawd.

​

(יהושע)Yahshua Ntxuav Lub Tuam Tsev

(Mattithyah21:12-17; Luke 19:45-48; Yahchanan 2:13-22)

15 Thaum lawv mus txog hauv Yeluxalees, (יהושע)Yahshua txawm nkag mus rau hauv lub tuam tsev thiab pib ntiab cov tibneeg uas ua lag ua luam thiab cov tibneeg tuaj yuav khoom hauv lub tuam tsev kom khiav mus. Nws muab cov uas pauv nyiaj thiab cov uas muag nquab nyeg tej rooj zaum ntxeev pes hlo tseg.

16 Nws txwv tsis pub leejtwg nqa qhov txhia chaw hla tuaj mus hauv lub tuam tsev.

17 Nws qhia rau lawv tias, tsis tau muaj lus sau cia lov, hais tias, kuv lub tuam tsev yuav hu tias yog lub tsev rau txhua haiv neeg thov Abba (יחוח)Yahweh,tiamsis nej muab ua qhov rau tub sab nkaum. 18 Thaum cov pov thawj hlob thiab cov xibhwb qhia Abba (יחוח)Yahweh kevcai hnov zaj no lawv txawm nrhiav kev tua (יהושע)Yahshua. Rau qhov lawv ntshai nws vim cov pejxeem sawvdaws phimhwj rau tej lus uas nws qhia. 19 Thaum yuav tsaus ntuj ces (יהושע)Yahshua lawv tawm hauv lub nroog mus lawm.

​

Tsob Txiv Cev Tuag Tshav Qhuav Lawm

(Mattithyah 21:20-22)

20 Tagkis tom qab thaum (יהושע)Yahshua lawv hla tuaj mus, lawv pom tsob txiv cev tuag tshav qhuav ti nkaus cag. 21 Kepha nco dheev txog (יהושע)Yahshua tej lus thiaj hais rau nws tias, Lanpis, saib maj. Tsob txiv cev uas koj foom ntawd cia li tuag qhuav qhawv lawm. 22 (יהושע)Yahshua txawm teb lawv tias, cia li rau siab ntseeg Abba (יחוח)Yahweh.

23 Kuv hais tseeb rau nej tias, yog leejtwg hais rau lub roob no tias, cia li rho kiag ntab plaws rau hauv hiavtxwv, thiab nws lub siab tsis ywj fab ywj fwj, tiamsis ntseeg tias yuav muaj raws li uas nws hais, kuj yuav muaj li ntawd.

24 Vim li no kuv hais rau nej tias, thaum nej thov ib yam abtsi cia li ntseeg tias nej twb txais lawm, mas nej yuav tau yam ntawd tiag.

25 Thaum nej sawv ntsug thov Abba (יחוח)Yahweh, yog nej nrog leejtwg muaj teeb meem cia li zam txim rau tus ntawd, xwv nej leej Txiv uas nyob saum ntuj thiaj li zam nej tej kev txhaum thiab.

​

Leejtwg Muab Hwjchim Rau (יהושע)Yahshua

(Mattithyah 21:23-27 ; Luke. 20:1-8)

27 (יהושע)Yahshua lawv rov mus rau hauv Yeluxalees dua ib zaug.

Thaum (יהושע)Yahshua mus ncig hauv lub tuam tsev mas cov pov thawj hlob thiab cov xibhwb qhia Abba ((יחוח)Yahweh kevcai thiab cov kev txwj laug tuaj cuag nws, 28 thiab lawv hais rau (יהושע)Yahshua tias, koj muaj hwjchim abtsi thiaj ua tau tej no thiab leejtwg muab lub hwjchim no rau koj?

29 (יהושע)Yahshua hais rau lawv tias, kuv kuj muaj ib lo lus yuav nug nej thiab. Yog nej teb tau, kuv li qhia rau nej tias kuv muaj hwjchim abtsi thiaj ua tau tej no. 30 Txoj kevcai raus dej uas Yahchanan  ua ntawd, los saum ntuj los, los yog los ntawm tibneeg los? Cia li teb kuv saib. 31 Lawv txawm sablaj tias, yog peb hais tias, los saum ntuj los, nws yuav hais tias, yog li ntawd, ua cas nej tsis ntseeg Yahchanan? 32 Lossis peb yuav hais tias, los ntawm tibneeg los. Lawv kuj ntshai cov pejxeem, rau qhov cov pejxeem sawvdaws suav tias Yahchanan  yog ib tug xibhwb cev Abba (יחוח)Yahweh lus tiag tiag li. 33 Lawv txawm teb (יהושע)Yahshua tias, Peb tsis paub. (יהושע)Yahshua thiaj hais rau lawv tias, kuv kuj tsis qhia rau nej tias kuv muaj hwjchim abtsi thiaj ua tau tej no thiab.