Qhia Txog Qhov Sib Nrauj

(Mattithyah 19:1-12; Luke 16:18)

(יהושע)Yahshua txawm sawv kev qhov ntawd mus rau hauv lub xeev Yahdah thiab mus rau sab ntug dej Yaladees tim ub, thiab muaj tibneeg coob coob tuaj txoos ua ke dua ib zaug rau ntawm nws. (יהושע)Yahshua rov qhuab qhia lawv raws li nws ib txwm qhia. 2 Cov Falixais xav sim (יהושע)Yahshua, lawv txawm txav los ze rau ntawm nws thiab nug nws hais tias, yog tej txivneej cia li muab nws tus pojniam nrauj no puas raug txoj cai los tsis raug?

3(יהושע)Yahshua teb lawv tias, Mauxes qhia nej li cas? 4 Lawv teb hais tias, Mauxes pub peb nrauj, tiamsis yuav tsum ua ntawv nias tes thiaj li nrauj tau. 5(יהושע)Yahshua hais rau lawv tias, Mauxes sau txoj kevcai no twb yog vim nej tawv ncauj. 6 Tiamsis thaum chivkeeb uas Abba (יחוח)Yahweh tsim lub ntuj thiab lub ntiajteb, Abba (יחוח)Yahweh yeej tsim kom muaj txivneej thiab pojniam.

7 Vim li no, tus txivneej yuav ncaim ntawm nws niam nws txiv thiab nrog nws tus pojniam tsheej xeeb ua ke. 8 Thiab raws li txoj cai, nkawv yuav koom ua ib lub cev xwb. Nkawv yuav tsis ua ob lub cev, tiamsis koom ua ib lub cev xwb.

9 Vim li no, yam uas Abba (יחוח)Yahweh muab lo tsheej xeeb ua ke lawm, tibneeg tsis txhob muab nkawv cais. 10 Thaum lawv nyob hauv tsev lawd, cov thwj tim txawm rov nug (יהושע)Yahshua txog zaj ntawd. 11(יהושע)Yahshua hais rau lawv tias, leejtwg nrauj pojniam es nws mus yuav dua pojniam tshiab, kuj yog ua txhaum kev nkauj kev nraug rau tus pojniam qub, 12 thiab yog tus pojniam nrauj tus txiv es mus yuav dua txiv tshiab, tus pojniam ntawd kuj ua txhaum kev nkauj nraug.

​

(יהושע)Yahshua Foom Koob Hmoov Rau Cov Menyuam Yaus

(Mattithyah 19:13-15; Luke 18:15-17)

13 Muaj tibneeg coj cov menyuam yaus tuaj cuag (יהושע)Yahshua xav kom (יהושע)Yahshua plhws cov menyuam ntawd. Tiam-sis cov thwjtim txwv lawv.

14 Thaum (יהושע)Yahshua pom li ntawd nws kuj chim thiaj hais rau cov thwjtim tias, Cia cov menyuam yaus los cuag kuv, tsis txhob tav lawv, rau qhov Abba (יחוח)Yahweh lub tebchaws yog cov uas zoo li cov menyuam yaus no tug.

15 Kuv hais tseeb rau nej tias, leejtwg tsis lees yuav Abba (יחוח)Yahweh lub tebchaws ib yam li ib tug menyuam yaus, tus ntawd yuav nkag tsis tau rau hauv lub tebchaws ntawd. 16(יהושע)Yahshua txawm puag cov menyuam ntawd thiab tsa tes npuab lawv thiab foom koob hmoov rau lawv.

​

Tus Nplua Nuj

(Mattithyah 19:16-30; Luke 18:18-30)

17 Thaum (יהושע)Yahshua tabtom sawv kev mus, muaj ib tug yawg khiav khiav tuaj txhos caug ntua ntawm nws hauv ntej pe nws thiab nug hais tias, Xibhwb uas zoo kawg, kuv yuav tsum ua li cas kuv thiaj tau txojsia ib txhis tsis kawg? 18(יהושע)Yahshua hais rau nws tias, ua cas koj hu kuv tias tus zoo kawg? Tsuas muaj tib tug thiaj li zoo tag ib puas tsav yam huv tibsi xwb, uas yog Abba (יחוח)Yahweh tib leeg xwb. 19 Koj paub tej kevcai uas hais tias, tsis txhob tua tibneeg, tsis txhob deev luag poj luag txiv, tsis txhob ua tub sab, tsis txhob ua cuav timkhawv, tsis txhob ntxo lwm tus, koj yuav tsum hwm koj niam koj txiv. 20 Tus ntawd hais rau (יהושע)Yahshua tias, Xibhwb, tej nqes ko kuv twb coj txhua yam txij thaum yau los lawm.

21(יהושע)Yahshua txawm saib ntsoov rau nws, kuj hlub nws thiab, thiaj hais rau nws tias, koj tseem tu ncua ib yam. Cia li mus muab koj tej qhov txhia chaw muag es muab ib feem kaum pub rau cov tibneeg pluag, koj thiaj yuav nplua nuj nyob hauv Lub Nroog Yeluxalees. Koj yuav tau taug Abba - (יחוח)Yahweh txoj kev thiab kwv koj tus ntoo ntsia tes lawv kuv qab. 22 Thaum nws hnov tej lus no tag, nws txawm ua ntsej muag ntshaus ntsho thiab tawm mus tib tug nyuaj siab kawg, vim nws muaj cuab txhiaj cuab tam ntau heev. 23(יהושע)Yahshua tsa muag saib ib ncig los rau nws cov thwjtim thiab hais rau lawv tias, cov tibneeg npluanuj ceeblaj nkag tau rau hauv Abba (יחוח)Yahweh lub tebch-aws. 24 Cov thwjtim kuj xav tsis thoob rau (יהושע)Yahshua tej lus. Mas (יהושע)Yahshua rov hais dua tias, cov menyuame, cov tibneeg npluanuj ceeblaj kawg uas yuav nkag tau rau hauv Abba((יחוח)Yahweh lub tebch-aws. 25 Ib tug ntxhuav nkag rau lauv lub qhov koob tseem yoojyim dua tus npluanuj nkag rau hauv Abba(יחוח)Yahweh lub tebchaws. 26 Cov thwjtim kuj xav tsis thoob thiaj hais rau nws tias, Yog li ntawd, leejtwg yuav dim tau? 27(יהושע)Yahshua tsa muag saib rau lawv thiab hais tias, Tibneeg ua tsis tau tiam-sis Abba (יחוח)Yahweh ua tau, rau qhov Abba (יחוח)Yahweh ua tau txhua yam huvsi.

28 Mas Kepha  pib hais rau (יהושע)Yahshua tias, Peb twb tso txhua yam tseg raws koj tuaj. 29(יהושע)Yahshua hais tias, Kuv hais tseeb rau nej tias, tus uas tso vaj tse kwvtij nkauj muam niam txiv menyuam liaj teb tseg vim yog saib rau kuv thiab txoj hmoo zoo, 30 tiam no nws yuav tau ib puas npaug uas yog vaj tse kwvtij nkauj muam niam txiv menyuam thiab liaj teb, thiab tseem yuav raug tsim txom thiab tiam tom ntej nws yuav tau txojsia ib txhis tsis kawg. 31 Tiamsis muaj ntau leej uas ua thawj yuav rov ua tus tom tw, thiab tus tom tw yuav tau ua tus thawj.

​

(יהושע)Yahshua Hais Txog Nws Kev Tuag Zaum Peb

(Mattithyah 20:17-19; Luke 18:31-34)

32 Thaum lawv tabtom taug kev mus nram Yeluxalees,(יהושע)Yahshua txawm ua lawv ntej. Mas cov thwjtim xav tsis thoob thiab cov uas raws qab kuj ntshai. (יהושע)Yahshua coj nws kaum ob tug thwjtim mus rau ib cag mas pib qhia rau lawv paub txog tej xwm txheej uas yuav los raug nws, 33 hais tias, Saib nawb, peb tabtom mus nram Yeluxalees, mas Neeg Leej Tub yuav raug muab cob rau cov pov thawj hlob thiab cov xibhwb qhia Abba

(יחוח)Yahweh kevcai, mas lawv yuav txiav txim tuag rau nws, thiab muab nws cob rau lwm haiv neeg, 34 mas lawv yuav thuam luag nws thiab nto qaub ncaug rau nws thiab muab nws nplawm thiab muab tua pov tseg, mas peb hnub nws yuav ciaj sawv rov los.

​

Yaaqob Thiab Yahchanan Tej Lus Thov

(Mattithyah 20:20-28)

35 Yaaqob thiab Yahchanan  uas yog Xenpedis ob tug tub txawm txav los rau ntawm (יהושע)Yahshua thiab hais rau nws tias, Xibhwb, wb ob leeg xav kom koj ua yam uas wb thov. 36(יהושע)Yahshua hais rau nkawv tias, neb xav kom kuv ua abtsi rau neb?

37 Nkawv teb tias, Thov cia wb, ib leeg zaum ntawm koj sab xis, ib leeg nyob ntawm koj sab laug, hauv koj lub hwjchim ci ntsa iab.

38 Tiamsis (יהושע)Yahshua hais rau nkawv tias, neb tsis paub tias neb thov abtsi. Lub khob uas kuv haus, neb haus tau lov, thiab kevcai raus dej uas kuv raug, neb raug tau thiab lov?39 Nkawv hais rau (יהושע)Yahshua tias, Tau los maj. (יהושע)Yahshua hais rau nkawv tias, Lub khob uas kuv haus, neb yeej yuav tau haus, thiab kevcai raus dej uas kuv raug, neb yeej yuav tau raug, 40 tiamsis qhov uas zaum ntawm kuv sab xis thiab ntawm kuv sab laug, kuv tsis yog tus uas pub tau, tiamsis twb npaj cia rau leejtwg lawm, tus ntawd thiaj tau xwb. 41 Thaum kaum tus thwjtim hnov li ntawd lawv kuj pib chim rau Yaaqob thiab Yahchanan. 42(יהושע)Yahshua thiaj hu lawv sawvdaws los hais rau lawv tias, nej yeej paub tias cov uas luag suav tias, ua thawj kav lwm haiv neeg, yeej kav rawv cov pejxeem, thiab cov uas ua hlob yeej muaj hwjchim tswjhwm lawv. 43 Tiamsis nej cov yuav tsis thooj li ntawd. Nej cov leejtwg xav ua tus hlob tus ntawd yuav tsum zoo siab ua num rau nej, 44 thiab nej cov leejtwg xav ua tus thawj, tus ntawd yuav tsum ua sawvdaws li qhev, 45 rau qhov Neeg Leej Tub tsis yog los rau leejtwg tu, tiamsis nws los tu lawv, thiab pub nws txojsia ua nqe txhiv tibneeg coob coob.

​

Npathime‑as Rov Pom Kev

(Mattithyah 20:29-34; Luke 18:35-43)

46(יהושע)Yahshua lawv txawm tuaj rau hauv lub moos Yelikhaus. Thaum (יהושע)Yahshua thiab cov thwjtim thiab tej tibneeg coob coob tawm hauv lub moos Yelikhaus mus, muaj ib tug yawg dig muag thov khawv npe hu ua Npathime‑as, yog Thime‑as tus tub, zaum ntawm ntug kev. 47 Thaum nws hnov tias yog (יהושע)Yahshua uas yog tibneeg Naxa-les, ces nws txawm pib quaj qw nrov hais tias, (יהושע)Yahshua uas yog Daviv tus tub es, thov khuvleej kuv lauj! 48 Muaj tibneeg coob txwv kom nws nyob twjywm, los nws yim-huab qw hais tias, Daviv tus tub es, thov khuvleej kuv lauj! 49(יהושע)Yahshua txawm nres nkaus hais tias, hu nws los. Lawv txawm hu tus dig muag ntawd thiab hais rau nws tias, cia li zoo siab, sawv tsees, (יהושע)Yahshua hu koj. 50 Tus ntawd txawm tso plhuav nws lub tsho ntev sawv tsees khiav los cuag (יהושע)Yahshua. 51(יהושע)Yahshua hais rau nws tias, koj xav kom kuv ua abtsi rau koj? Tus dig muag hais rau nws tias, Lanpis, thov pub kuv pom kev. 52(יהושע)Yahshua hais rau nws tias, cia li mus, koj txojkev ntseeg ua rau koj zoo lawm. Ces tamsim ntawd tus dig muag txawm pom kev thiab taug kev raws (יהושע)Yahshua qab mus.