1 (יהושע)Yahshua hais rau lawv tias, Kuv hais tseeb rau nej tias, cov uas sawv ntawm no muaj qee leej yuav tsis tau sim txojkev tuag ces yuav xub pom Abba (יחוח)Yahweh lub tebchaws nrog hwjchim los.

​

(יהושע)Yahshua Lub Cev Hloov Kiag

(Mattithyah 17:1-13; Luke 9:28-36)

2 Dhau rau hnub tom qab, (יהושע)Yahshua txawm coj Kepha, Yaaqob, thiab Yahchanan  nrog (יהושע)Yahshua nce mus rau saum ib lub roob siab uas muaj lawv nkaus xwb. (יהושע)Yahshua lub cev txawm hloov kiag tab meeg lawv.

3 Nws cev tsoos tsho kuj dawb paug ci ntsa iab, thoob ntiajteb tsis muaj ib tug muaj tshuaj ntxhua tau dawb li ntawd. 4 Ces Eliyas thiab Mauxes kuj tshwm los rau lawv pom thiab nrog (יהושע)Yahshua sib tham.

5 Kepha  txawm hais rau (יהושע)Yahshua tias, Lanpis, peb nyob ntawm no kuj zoo. Cia peb ua peb lub tsev pheeb suab, ua ib lub rau koj, ib lub rau Mauxes thiab ib lub rau Eliyas.

6 Kepha  tsis pom qab yuav hais li cas, vim lawv ntshai heev li. 7 Txawm muaj ib tauv huab los laum nkaus lawv, thiab muaj ib lub suab hais hauv tauv huab tuaj tias, tus no yog kuv tus tub uas kuv hlub. Nej cia li mloog nws hais.

8 Tamsim ntawd lawv tsa muag saib mas tsis pom muaj leejtwg, tsuas yog pom (יהושע)Yahshua tib leeg nrog lawv nyob xwb. 9 Thaum lawv nqes pem roob los, (יהושע)Yahshua txwv lawv kom tsis txhob qhia tej uas lawv pom ntawd rau leejtwg li mus txog thaum Neeg Leej Tub sawv hauv qhov tuag rov los tso.

10 Cov thwjtim thiaj khaws tej lus ntawd cia thiab sib nug tias qhov uas sawv hauv qhov tuag rov los ntawd yog abtsi. 11 Lawv kuj nug (יהושע)Yahshua tias, ua cas cov xibhwb qhia Abba(יחוח)Yahweh kevcai hais tias Eliyas yuav xub los ua ntej?

12(יהושע)Yahshua hais rau lawv tias, Eliyas yeej los ua ntej, ua kom txhua yam rov zoo li qub. Tiamsis vim li cas muaj lus sau cia hais txog Neeg Leej Tub tias nws yuav tsum raug kev tsim txom ntau yam thiab raug luag saib tsis taus heev? 13 Tiamsis kuv hais rau nej tias Eliyas twb los lawm thiab tibneeg ua rau nws raws li lawv lub siab nyiam, raws li uas sau cia hais txog nws.

​

(יהושע)Yahshua Kho Tus Tub Raug Dab

(Mattithyah 17:14-23; Luke 9:37-43)

14 Thaum (יהושע)Yahshua lawv los txog ntawm cov thwjtim, mas pom tibneeg coob coob nyob vij vog lawv, thiab cov xibhwb qhia Abba(יחוח)Yahweh kevcai tabtom nrog lawv sib cav. 15 Tamsim ntawd thaum cov tib neeg ntawd pom dheev (יהושע)Yahshua, lawv xav tsis thoob li, ces lawv txawm khiav zom zaws mus rau ntawm (יהושע)Yahshua thiab hawm nws. 16(יהושע)Yahshua thiaj nug lawv tias, nej nrog cov thwjtim sib cav txog abtsi? 17 Cov tibneeg ntawd muaj ib tug teb (יהושע)Yahshua tias, Xibhwb, kuv coj kuv tus tub tuaj cuag koj vim yog nws raug dab ruam. 18 Nws nyob qhovtwg kuj xij, thaum dab ntswj nws, dab muab nws thawb ntog, npuas ncauj tawm plaws, zom hniav qij qawj, thiab nws ib ce txhav tas. Kuv thov koj cov thwjtim ntiab tus dab ntawd tawm, tiamsis lawv ntiab tsis tau. 19(יהושע)Yahshua teb lawv tias, Au tiam tibneeg uas tsis muaj kev ntseeg, kuv yuav nrog nej nyob ntev li cas? Kuv yuav ua siab ntev thev nej mus txog thaum twg? Cia li coj tus tub ntawd los rau kuv. 20 Lawv thiaj coj tus tub ntawd los cuag (יהושע)Yahshua. Thaum tus dab pom dheev (יהושע)Yahshua tamsim ntawd, dab txawm ua rau tus metub ntawd huam ib tshaj, ntog kiag rau hauv av, ntxeev mus ntxeev los, thiab npuas ncauj tawm plaws. 21(יהושע)Yahshua nug leej txiv hais tias, ua li no ntev li cas lawm? Leej txiv teb tias, txij thaum me me los lawm. 22 Thiab muaj ntau zaus dab muab nws thawb rau hauv qhov cub thiab thawb rau hauv dej, xav ua kom nws tuag. Yog koj pab tau, thov koj khuvleej thiab pab peb lauj!

23(יהושע)Yahshua hais rau nws tias, yog pab tau no lov? Ua tau txhua yam rau tus uas ntseeg. 24 Tamsim ntawd tus metub ntawd leej txiv txawm qw hais tias, kuv ntseeg, qhov uas kuv tseem tsis tau ntseeg thov pab kom kuv ntseeg.

25 Thaum (יהושע)Yahshua pom tias muaj tibneeg coob coob khiav zom zaws yuav los rau ntawm nws. (יהושע)Yahshua txawm txwv tus dab qias ntawd hais tias, niag dab ruam lag ntseg, kuv hais kom koj cia li tawm kiag hauv nws mus, thiab tsis txhob rov los nkag rau hauv tus no dua ib zaug li lawm.

26 Dab quaj qw nrov nrow, ua rau tus metub ntawd huam ib tshaj nti heev heev ces tus dab txawm tawm plaws lawm, tus metub ntawd txawm zoo li tuag lawm. Muaj tibneeg coob thiaj hais tias, nws tuag lawm. 27 Tiamsis (יהושע)Yahshua ntsiab nkaus nws tes tsa nws sawv, ces tus metub ntawd txawm sawv los.

28 Thaum (יהושע)Yahshua mus rau hauv tsev lawm, cov thwjtim txawm nug (יהושע)Yahshua twjywm tias, ua cas peb ntiab tsis tau tus dab ntawd tawm? 29(יהושע)Yahshua hais rau lawv tias, Dab zoo li no yuav tsum yog thov Abba(יחוח)Yahweh xwb thiaj ntiab tau tawm.

​

(יהושע)Yahshua Rov Hais Txog Nws  Kev Tuag

(Mattithyah 17:22-23; Luke 9:43-45)

30(יהושע)Yahshua lawv txawm tawm qhov ntawd hla lub xeev Kalilais mus. (יהושע)Yahshua tsis xav kom leejtwg paub, 31 vim yog nws tabtom qhia nws cov thwjtim hais tias, Neeg Leej Tub yuav raug muab cob rau hauv tibneeg txhais tes, thiab lawv yuav muab nws tua pov tseg. Thaum tuag lawd mas peb hnub nws yuav ciaj sawv rov los.

32 Tiamsis lawv tsis nkag siab tej lus no thiab lawv tsis kav nug (יהושע)Yahshua.

​

Leejtwg Yuav Tau Ua Tus Loj Dua

(Mattithyah 18:1-5; Luke 9:46-48)

33 Lawv txawm los rau hauv lub moos Kha-pena‑us. Thaum (יהושע)Yahshua nyob hauv tsev nws nug cov thwjtim tias, Thaum taug kev tuaj nej sib tham txog abtsi? 34 Lawv nyob twjywm vim thaum taug kev tuaj ntawd lawv sib cav tias leejtwg yog tus loj dua ntais.

35(יהושע)Yahshua txawm zaum thiab hu kaum ob tug thwjtim los thiab hais rau lawv tias, yog leejtwg xav ua tus thawj, nws yuav tsum ua tus tom tw thiab ua num rau sawv-daws. 36(יהושע)Yahshua txawm muab ib tug menyuam yaus los sawv hauv lawv nruab nrab. Nws muab tus menyuam ntawd puag thiab hais rau lawv tias, 37 Leejtwg lees yuav ib tug menyuam yaus zoo li no vim yog saib rau kuv lub npe, kuj yog tus ntawd lees yuav kuv. Thiab tus uas lees yuav kuv kuj tsis yog lees yuav kuv xwb, tiamsis nws kuj yog lees yuav tus uas txib kuv los thiab.

​

Tus Uas Tuaj (יהושע)Yahshua Tog

(Luke 9:49-50)

38 Yahchanan  txawm hais rau (יהושע)Yahshua tias, Xibhwb, peb pom ib tug tuav koj lub npe ntiab dab tawm, mas peb txwv nws rau qhov nws tsis koom nrog peb.

39(יהושע)Yahshua hais rau nws tias, Tsis txhob txwv nws, rau qhov tsis muaj leejtwg yuav tuav kuv lub npe ua tej txujci phimhwj thiab ho rov thuam kuv.

40 Rau qhov tus uas tsis tawm tsam kuv kuj tuaj kuv tog lawm.

41 Leejtwg muab ib khob dej rau nej haus hauv kuv lub npe vim nej yog Messiah cov, mas kuv hais tseeb rau nej tias, tus ntawd yuav tsis plam nws tej nqe zog.

​

Yam Uas Ntxias Kom Ua Txhaum

(Mattithyah 18:6-9; Luke 17:1-2)

42 Leejtwg ua rau cov menyuam yaus uas ntseeg kuv no ib tug yuam kev ua txhaum, mas muab ib txhib zeb loj khi rau tus ntawd caj dab thiab muab laim rau hauv hiavtxwv kuj zoo dua. 43 Yog koj txhais tes ua rau koj ua txhaum, cia li muab txiav pov tseg. Koj txawm nqws tes los koj tau txojsia kuj zoo dua koj muaj ob sab tes es poob rau hauv ntuj tawg kub uas hluavtaws tsis txawj tuag li. 45 Yog koj txhais kotaw ua rau koj ua txhaum, cia li muab txiav pov tseg. Koj txawm nqws taw los koj tau txojsia kuj zoo dua koj muaj ob sab kotaw es raug muab pov rau hauv ntuj tawg. 47 Yog koj lub qhov muag ua rau koj ua txhaum, cia li muab kaus. Koj nkag mus rau hauv Abba (יחוח)Yahweh lub tebchaws muaj ib sab qhov muag xwb kuj zoo dua koj muaj ob sab qhov muag es raug muab pov rau hauv ntuj tawg kub, 48 qhov chaw ntawd cov kas uas noj lawv tsis txawj tuag thiab hluavtaws kuj kub tsis txawj tuag. 49 Txhua tus yuav raug hluavtaws ntxuav kom huv ib yam li las ntsev. 50 Ntsev yog yam uas zoo. Yog ntsev tsuag lawm, yuav ua kom rov daw tau li cas? Nej cia li muaj ntsev rau hauv nej thiab nyob sib haum.