(יהושע)Yahshua Pub Mov Rau Plaub Txhiab Leej

(Mattithyah. 15:32-39)

1 Lub sijhawm ntawd muaj tibneeg tuaj coob coob dua ib zaug thiab tsis muaj mov noj. (יהושע)Yahshua txawm hu cov thwjtim los thiab hais rau lawv tias,

2 Kuv khuvleej cov tibneeg no, vim lawv twb nrog kuv nyob tau peb hnub no lawm thiab tsis muaj mov noj lawm. 3 Yog kuv cia lawv mus tsev tshaib plab qaug zog zis. Tsam lawv ho tsaus muag thiab ntog tom tej kev. Muaj ib txhia tuaj deb tuaj. 4 Cov thwjtim teb nws tias, hauv ntuj nrag teb do no yuav mus nhriav mov qhov twg los rau lawv noj?

5(יהושע)Yahshua nug lawv tias, nej muaj tsawg lub ncuav? Lawv teb tias, muaj xya lub. 6 Nws txawm hais kom cov tibneeg zaum rau hauv pem teb, thiab nws muab xya lub ncuav los ua Abba (יחוח)Yahweh tsaug mas muab ntais cev rau cov thwjtim kom coj mus faib rau cov tibneeg. Cov thwjtim muab faib rau cov tibneeg ntawd. 7 Lawv muaj ob peb tus ntses me me thiab. (יהושע)Yahshua txawm thov Abba (יחוח)Yahweh foom koob hmoov rau cov ntses thiab hais kom coj cov ntses mus faib rau cov tibneeg thiab. 8 Lawv noj tsau, mas tej uas noj tsis tag lawv khaws tau xya tawb puv nkaus. 9 Cov uas noj zaum ntawd kwvlam muaj plaub txhiab leej.

10(יהושע)Yahshua tso cov tibneeg rov mus ces tamsim ntawd nws txawm nce nkoj nrog nws cov thwjtim mus txog rau tim ib cheeb tsam ntawm lub moos Damanutha.

​

Tibneeg Xav Pom Txujci Tseem Ceeb

(Mattithyah 16:1-4)

11 Cov Falixais tuaj pib nrog (יהושע)Yahshua sib cav, thov kom nws ua ib yam txujci tseem ceeb tshwm saum ntuj los es yuav sim nws. 12(יהושע)Yahshua xyu ib pas hauv lub siab thiab hais tias, tiam tibneeg no nrhiav txujci tseem ceeb ua abtsi? Kuv hais tseeb rau nej tias, yuav tsis muab ib yam txujci tseem ceeb rau tiam tibneeg no pom li. 13 Ces (יהושע)Yahshua txawm ncaim lawv mus, nws nce nkoj hla mus rau sab tim ub.

​

Cov Falixais Thiab Helauj Cov Keeb

(Mattithyah 16:5-12)

14 Cov thwjtim tsis nco qab nqa ncuav mus. Lawv muaj ib lub ncuav hauv lub nkoj xwb.

15(יהושע)Yahshua txawm ntuas lawv hais tias, nej yuav tsum ua tib zoo ceev faj cov Falixais thiab Helauj cov keeb. 16 Cov thwjtim txawm sib tham hais tias, yog tim qhov uas peb tsis muaj ncuav.

17 Thaum (יהושע)Yahshua paub li ntawd, nws txawm hais rau lawv tias, ua cas nej sib tham txog qhov uas tsis muaj ncuav? Nej tseem tsis tau paub thiab tsis nkag siab lov? Nej tseem ua lub siab tawv lov? 18 Nej muaj qhov muag los tsis pom, muaj qhov ntsej los tsis hnov lov? Nej tsis nco lawm lov? 19 Thaum kuv muab tsib lub ncuav ntais faib rau tsib txhiab leej ntawd, nej khaws tej uas noj tsis tag tau pes tsawg tawb? Lawv teb tias, kaum ob tawb. 20 Thaum kuv muab xya lub ncuav faib rau plaub txhiab leej noj, nej khaws tej uas noj tsis tag tau pes tsawg tawb? Lawv teb tias, xya tawb. 21 Nws thiaj hais rau lawv tias, nej tseem tsis to taub lov?

​

Kho Tus Dig Muag Hauv Lub Zos Npexaida

22 Lawv txawm mus rau lub zos Npexaidas. Muaj tibneeg coj ib tug dig muag tuaj cuag (יהושע)Yahshua, thov kom (יהושע)Yahshua kov tus ntawd. 23(יהושע)Yahshua tuav tus dig muag ntawd tes coj tawm mus rau sab nraum ntug zos. Thaum (יהושע)Yahshua nti qaub ncaug rau nws ob lub qhov muag thiab tsa tes npuab saum tus ntawd, nws nug tias, koj pom abtsi los tsis pom? 24 Tus ntawd tsa qhovmuag saib thiab hais tias, kuv pom tib tibneeg mus mus los los tiamsis zoo li ntoo xwb.

25(יהושע)Yahshua rov muab tes npuab nws dua ib zaug, thiab kom nws rov tsa qhovmuag saib dua, nws lub qhov muag kuj zoo kiag lawm thiab nws pom txhua yam tseeb lawm. 26(יהושע)Yahshua hais kom nws ncaj nraim mus tsev xwb thiab hais rau nws hais tias, tsis txhob rov mus rau hauv lub nroog lawm thiab txhob qhia rau cov tibneeg nyob hauv lub nroog no paub li.

Kepha  Hais Tias (יהושע)Yahshua Yog Tus Messiah

(Mattithyah 16:13-20; Luke 9:18-21)

27(יהושע)Yahshua thiab nws cov thwjtim mus rau hauv tej zej zog ib ncig ntawm lub moos Caesarea Philippi. Thaum lawv tseem taug kev, (יהושע)Yahshua nug cov thwjtim tias, Luag tej hais tias kuv yog leejtwg? 28 Lawv hais tias, yog Yahchanan  uas coj ua kevcai raus dej, qee leej hais tias yog Eliyas, thiab dua lwm tus hais tias koj yog ib tug xibhwb cev Abba(יחוח)Yahweh lus thaum ub. 29 Nws nug lawv tias, nej nev, nej hais tias kuv yog leejtwg? Kepha  teb nws tias, koj yog tus Messiah. 30(יהושע)Yahshua txawm txwv lawv kom tsis txhob qhia nws rau leejtwg paub.

​

(יהושע)Yahshua Hais Txog Nws Kev Tuag

(Mattithyah 16:21-28; Luke 9:22-27)

31 Ces (יהושע)Yahshua txawm pib qhia rau cov thwjtim paub tias, Neeg Leej Tub yuav tsum raug kev tsim txom ntau yam thiab cov kev txwj laug, cov pov thawj hlob, thiab cov xibhwb qhia Abba(יחוח)Yahweh kevcai yuav tsis lees yuav nws, thiab nws yuav raug muab tua thiab peb hnub nws yuav ciaj sawv rov los.

32 Tej lus no (יהושע)Yahshua hais tsis npog li. Ces Kepha  txawm rub (יהושע)Yahshua mus rau ib cag pib cheem nws.

33 (יהושע)Yahshua txawm tig hlo rov los saib rau cov thwjtim, thiab nws cem Kepha  tias, Xatas, koj cia li khiav ntawm kuv mus. Tej uas koj hais ko tsis yog raws li Abba (יחוח)Yahweh lub siab, tiamsis yog hais raws li tibneeg lub siab xwb. 34(יהושע)Yahshua txawm hu cov pejxeem thiab nws cov thwjtim los thiab hais rau lawv tias, Yog leejtwg xav nrog kuv mus, tus ntawd yuav tsum tswj nws lub siab thiab kwv nws tus ntoo ntsia tes nrog kuv mus. 35 Rau qhov tus uas khuvxim nws txojsia, tus ntawd yuav tsis tau txojsia. Tiamsis tus uas tsis khuvxim nws txojsia, vim nws ntseeg kuv thiab mus tshaj txojmoo zoo, tus ntawd yuav tau txojsia. 36 Yog leejtwg tau tag nrho lub ntiajteb huvsi tiamsis nws txojsia tu lawm,tus ntawd yuav tau qabhau abtsi?

37 Tibneeg yuav muab abtsi thiaj pauv tau txojsia rov los? 38 Yog leejtwg txaj muag vim nws ntseeg kuv thiab txaj muag qhia kuv tej lus thiab tej kevcai rau cov tibneeg txhaum tiam no, ces thaum Neeg Leej Tub nrog Leej Txiv lub hwjchim ci ntsa iab, thiab nrog cov tubtxib saum ntuj uas dawb huv ua ke los, nws yuav txaj muag rau tus ntawd ib yam nkaus thiab.