Poj Koob Yawm Txwv Tej Lus Qhia

(Mattithyah 15:1-9)

1 Thaum cov Falixais thiab cov xibhwb qhia Abba (יחוח)Yahweh kevcai qee leej uas tuaj hauv Yeluxalees tuaj, ua ke tuaj cuag (יהושע)Yahshua. 2 Lawv pom (יהושע)Yahshua cov thwjtim qee leej tsis tau ntxuav tes cia li noj mov. 3 (Rau qhov cov Falixais thiab cov Yahdaim sawvdaws yog tsis tau ntxuav tes tso mas lawv yeej tsis noj mov, raws li lawv tej poj koob yawm txwv qhia. 4 Txhua yam uas lawv yuav tom khw los, lawv yuav tsum muab ntxuav tso mam li noj. Lawv coj ntau txoj kevcai uas lawv tej poj koob yawm txwv qhia rau lawv lawm, tsis hais ntxuav laujkaub, tais diav, tej tais tooj liab, thiab tej txaj pw. )

5 Cov Falixais thiab cov xibhwb qhia Abba (יחוח)Yahweh kevcai txawm nug (יהושע)Yahshua tias, ua cas koj cov thwjtim tsis ua raws li peb tej poj koob yawm txwv tej kevcai, lawv tsis xub ntxuav tes tso mam li noj mov?

6(יהושע)Yahshua hais rau lawv tias, Isayah twb cev lus zoo heev hais txog nej cov tibneeg ncauj lus zoo siab phem. Raws li nws sau tseg hais tias, cov tibneeg no hwm kuv ntawm daim di ncauj xwb tiamsis lawv lub siab nyob deb heev ntawm kuv. 7 Qhov uas lawv pe hawm kuv tsis muaj nuj nqis kiag li. Lawv muab tibneeg tej kevcai los qhia ib yam li yog Abba (יחוח)Yahweh tej lus nkaw. 8 Nej muab Abba (יחוח)Yahweh txoj kevcai tso tseg, nej rov mus coj tibneeg ntiajteb tej kevcai xwb.

9 Thiab (יהושע)Yahshua hais ntxiv tias, ua li cas nej yuav ntse ua luaj li? Nej muab Abba (יחוח)Yahweh txoj kevcai tso tseg kom nej tau kev mus ua raws li nej tej kevcai  10 Mau-xes qhia hais tias, nej yuav tsum hwm nej niam nej txiv, thiab hais tias, yog leejtwg cem nws niam nws txiv, tus ntawd yuav raug txim tuag.

11 Tiamsis nej qhia hais tias, yog leejtwg muaj tej yam uas zoo ntxim yuav pab tau nws niam nws txiv, ces kom nws hais rau nkawv hais tias, kuv twb muab yam ntawd pub rau Abba (יחוח)Yahweh lawm. 12 Nej thiaj tsis tso cai cia tus ntawd ua ib yam abtsi uas yuav pab tau nws niam nws txiv. 13 Nej ua li ntawd twb yog nej ua saib tsis taus Abba (יחוח)Yahweh txojlus, rau qhov nej qhia raws li nej tej pojkoob yawmtxwv qhia rau nej xwb. Thiab nej tseem ua ntau yam zoo li no.
 

Yam Uas Ua Rau Tibneeg Qias Tsis Huv

(Mattithyah 15:10-20)

14(יהושע)Yahshua hu cov tibneeg rov tuaj cuag nws thiab hais rau lawv tias, nej sawv-daws, cia li mloog kuv thiab nkag siab nawb.

15 Tsis muaj ib yam abtsi nyob sab nraud uas nkag rau hauv tibneeg yuav ua rau tibneeg qias tsis huv, tiamsis tej uas tawm hauv tib-neeg los thiaj ua rau tibneeg qias tsis huv.

17 Thaum (יהושע)Yahshua ncaim cov tib-neeg mus rau hauv tsev lawm, nws cov thwjtim nug nws txog zaj paj lug ntawd.

18(יהושע)Yahshua hais rau lawv tias, nej kuj tsis to taub thiab lov? Nej tsis pom tias yam nyob sab nraud uas nkag rau hauv tibneeg ua tsis tau rau tibneeg qias tsis huv lov? 19 Rau qhov tej ntawd tsis yog nkag rau hauv lub siab tsuas yog nkag rau hauv lub plab xwb thiab tawm rau hauv lub qhov vuab tsuab lawm? (יהושע)Yahshua qhia li no yog hais tias txhua yam zaub mov puavleej huv lawm). 20 Thiab (יהושע)Yahshua hais tias, yam uas tawm hauv tibneeg los thiaj ua rau tibneeg qias tsis huv. 21 Rau qhov tej uas tawm hauv tibneeg los, yog tej uas tawm hauv lub siab los, yog tej no qhov uas xav phem, kev ua nkauj ua nraug, ua tub sab, tua tibneeg, deev luag poj luag txiv, 22 ua siab hlob, kev phem, dag ntxias luag, ntshaw kev phem kev qias, khib luag, iab liam luag, khav theeb thiab ua niag tibneeg ruam. 23 Txhua yam phem no yog tawm hauv tibneeg los thiab ua rau tibneeg qias tsis huv.

​

Tus Pojniam Xiliafinikia Kev Ntseeg

(Mattithyah 15:21-28)

24(יהושע)Yahshua txawm sawv kev qhov ntawd mus rau hauv lub nroog Thailab thiab lub nroog Xaidoos ciam teb. Nws nkag mus rau hauv ib lub tsev thiab tsis xav pub kom leejtwg paub hais tias nws nyob hauv, tiamsis nws nkaum tsis tau. 25 Tamsim ntawd muaj ib tug pojniam uas tus mentxhais raug dab qias, thaum nws hnov txog (יהושע)Yahshua nws txawm tuaj pe khwb ti nkaus ntawm (יהושע)Yahshua kotaw. 26 Tus pojniam ntawd yog tibneeg Greek uas yug rau hauv lub xeev Xiliafinikias. Nws thov (יהושע)Yahshua kom ntiab dab tawm hauv nws tus ntxhais mus. 27 Tiamsis (יהושע)Yahshua hais rau nws hais tias, cia cov menyuam noj kom tsau tso, rau qhov tsis tsim nyog muab menyuam tej mov pov rau dev noj. 28 Tiamsis tus pojniam ntawd teb nws tias, Tus Tswv, tseeb tiag, tiamsis tus dev uas nyob hauv qab rooj kuj tau noj menyuam tej mov uas txeej lawm thiab. 29(יהושע)Yahshua hais rau nws tias, vim koj cov lus uas koj hais no, koj cia li rov mus tsev. Dab twb tawm hauv koj tus ntxhais mus lawm. 30 Thaum tus pojniam ntawd rov mus txog tsev mas pom nws tus ntxhais pw saum txaj thiab dab twb tawm mus lawm.

​

(יהושע)Yahshua Kho Tus Lag Ntseg

Hais Tau Lus

31 Dhau ntawd (יהושע)Yahshua txawm tawm hauv lub nroog Thailab ciam teb, hla lub nroog Xaidoos mus txog hiavtxwv Kalilais rau hauv lub xeev Dekapolis. 32 Lawv coj ib tug yawg lag ntseg hais lus tsis meej tuaj cuag (יהושע)Yahshua. Lawv thov (יהושע)Yahshua muab tes npuab rau saum tus ntawd.

33(יהושע)Yahshua coj nws tib leeg tawm hauv cov tibneeg mus rau ib qho mas muab ntiv tes ntxig rau hauv tus ntawd ob lub qhov ntsej thiab nto qaub ncaug thiab kov nws tus nplaig. 34(יהושע)Yahshua tsa muag saib saum ntuj, xyu ib pas thiab hais rau tus ntawd tias, Efathas, txhais hais tias, cia li qheb kiag. 35 Tus ntawd qhov ntsej txawm qheb kiag thiab yam uas cam nws tus nplaig plam lawm nws txawm hais tau lus meej.

36 (יהושע)Yahshua txwv cov tibneeg ntawd kom tsis txhob qhia tej no rau leejtwg li. Tiamsis nws yimhuab txwv los lawv yimhuab piav ncha mus heev. 37 Lawv kuj phimhwj kawg thiab lawv sib tham hais tias, nws ua txhua yam puavleej zoo. Nws kuj ua rau tus lag ntseg hnov tau lus, thiab tus ruam hais tau lus.

​

​