Tus Yawg Qhuav Tes

(Mattithyah 12:9-14; Luke 6:6-11)

1 (יהושע)Yahshua mus rau hauv lub tsev sablaj dua ib zaug. Mas muaj ib tug yawg qhuav ib sab tes nyob hauv thiab. 2 Lawv txawm soj saib (יהושע)Yahshua yuav kho tus mob ntawd rau hnub Sabbath los tsis kho xwv lawv thiaj tau cai ntes (יהושע)Yahshua.

3(יהושע)Yahshua txawm hais rau tus yawg qhuav tes tias, cia li los rau tom hauv ntej no.

4(יהושע)Yahshua txawm hais rau lawv tias, Hnub Sabbath muaj cai ua qhov zoo los ua qhov phem, muaj cai cawm txojsia los txov txojsia tseg? Lawv nyob ntsiag to.

5(יהושע)Yahshua txawm tsa muag saib ua chim tsawv rau lawv cov uas nyob ib ncig ntawd. Nws ntxhov siab vim lawv lub siab tawv heev, nws thiaj hais rau tus qhuav tes ntawd tias, cia li xyab kiag koj txhais tes lauj! Tus ntawd txawm xyab kiag tes, mas nws txhais tes txawm zoo kiag li qub. 6 Cov Falixais txawm tawm mus thiab tamsim ntawd nrog Helauj cov sablaj tias yuav ua li cas thiaj tua tau (יהושע)Yahshua.

​

Tibneeg Coob Coob Ntawm Ntug Hiavtxwv

7(יהושע)Yahshua thiab nws cov thwjtim txawm tawm qhov ntawd mus rau nram hiav-txwv, thiab muaj tibneeg coob coob tawm hauv Kalilais raws qab mus. Thiab muaj tib-neeg tuaj hauv lub xeev Yahdah, 8 tuaj hauv Yeluxalees thiab lub xeev Idumias, thiab tuaj sab ntug dej Yaladees tim ub thiab tuaj ib ncig Thailab thiab Xaidoos coob coob tuaj cuag nws vim hnov txog txhua yam uas (יהושע)Yahshua ua.

9(יהושע)Yahshua txawm hais rau nws cov thwjtim kom npaj ib lub nkoj tos nws xwv cov tibneeg coob coob thiaj tsis txav los ti nws. 10 Rau qhov (יהושע)Yahshua tau kho tibneeg coob coob zoo, mas txhua tus uas muaj mob thiaj sib txiv los xav kov tau nws.

11 Cov dab qias pom (יהושע)Yahshua thaum twg, lawv txawm khwb nkaus rau ntawm (יהושע)Yahshua qw nrov hais tias, koj yog Abba (יחוח)Yahweh tus tub.

12 Mas nws txwv tawv tawv kom lawv tsis txhob qhia rau luag paub nws.

​

(יהושע)Yahshua Hu Kaum Ob Tug hwjtim

(Mattithyah 10:1-4; Luke 6:12-16)

13(יהושע)Yahshua txawm nce mus pem roob thiab nws hu cov uas nws xav kom ua nws cov thwjtim los, ces lawv txawm los cuag nws. 14(יהושע)Yahshua tsa kaum ob leeg ua cov uas nrog nws nyob thiab ua cov uas txib mus tshaj tawm,

15 thiab muaj hwjchim ntiab tau dab tawm. 16 Yog Simon uas (יהושע)Yahshua tis dua npe hu ua Kepha, 17 thiab Xenpedis ob tug tub yog Yaaqob thiab nws tus kwv Yahchanan , uas (יהושע)Yahshua tis dua npe hu ua Boanerges, uas txhais hais tias Xob nthe tus tub, 18 thiab Andrew thiab Philip thiab Bar-Tolmai, thiab Mattithyah thiab Thomas thiab Cheleph tus tub Yaaqob thiab Thadaeus, thiab Simon uas tuav nws tebchaws, 19 thiab Yahdah Iscariot uas fav xeeb rau (יהושע)Yahshua.

​

(יהושע)Yahshua Thiab Dab Npe‑eexenpus

(Mattithyah 12:22-32; Luke 11:14-23,12:10)

20(יהושע)Yahshua mus rau hauv ib lub tsev, rov qab muaj tibneeg coob coob tuaj ua rau (יהושע)Yahshua lawv tsis khoom noj mov li. 21 Thaum (יהושע)Yahshua tsev neeg hnov li ntawd lawv txawm mus nrhiav (יהושע)Yahshua rau qhov muaj tibneeg hais tias, nws pib vwm lawm. 22 Cov xibhwb qhia Abba (יחוח)Yahweh kevcai uas tuaj Yeluxalees tuaj hais tias, nws raug dab Npe‑eexenpus thiab nws siv tus thawj dab li hwjchim ntiab dab tawm. 23(יהושע)Yahshua txawm hu lawv los ua paj lug hais rau lawv tias, Xatas yuav ntiab Xatas tau li cas? 24 Yog lub tebchaws twg tawg faib lawm lub tebchaws ntawd nyob tsis tau ruaj lawm.

25 Yog lub tsev twg tawg faib lawm lub tsev ntawd nyob tsis tau ruaj lawm.

26 Yog Xatas rov tawm tsam Xatas tawg faib lawm, nws kuj nyob tsis tau ruaj, nws tsuas muaj uas yuav ploj tag mus xwb. 27 Tsis muaj leejtwg yuav nkag tau rau hauv tus uas muaj zog heev lub tsev thiab lws tau nws tej qhov txhia chaw, yuav tsum yog xub muab tus uas muaj zog ntawd khi ua ntej tso thiaj li lws tau nws lub tsev. 28 Kuv hais tseeb rau nej tias, txhua yam kev txhaum thiab tej lus uas hais tuam mom yuav zam tau rau tibneeg. 29 Tiamsis tus uas hais lus tuam mom Tus Ntsuj Plig Dawbhuv, mas yuav tsis muaj ib hnub uas zam tau tus ntawd li, nws yuav muaj txim mus ib txhis. 30 Qhov uas hais li no twb yog vim lawv hais tias, nws raug ib tug dab qias.

​

(יהושע)Yahshua Niam Thiab Nws Cov Kwv

(Mattithyah 12:46-50; Luke 8:19-21)

31 Thaum ntawd (יהושע)Yahshua niam thiab nws cov kwv txawm tuaj sawv rau sab nraud. Lawv txib tibneeg mus hu (יהושע)Yahshua.

32 Muaj tibneeg coob zaum vij vog (יהושע)Yahshua. Lawv txawm hais rau (יהושע)Yahshua tias, koj niam thiab koj cov kwv [thiab nkauj muam] sawv sab nraud nrhiav koj. 33(יהושע)Yahshua teb lawv tias, Leejtwg yog kuv niam, thiab leejtwg yog kuv cov kwv? 34 Nws tsa muag saib rau cov tibneeg uas zaum ib ncig ntawm nws mas hais tias, Cov no yog kuv niam thiab kuv cov kwv.

35 Leejtwg ua raws li Abba (יחוח)Yahweh lub siab nyiam, tus ntawd yog kuv li kwv, kuv li muam thiab kuv niam.