(יהושע)Yahshua Kho Tus Tuag Tes Tuag Taw

(Mattithyah 9:1-8; Luke 5:17-26)

Dhau ntau hnub tom qab (יהושע)Yahshua rov mus rau hauv lub moos Khapena‑us, sawvdaws hnov tias nws nyob hauv tsev lawm. 2 Tej tibneeg coob coob sau nthwv tuaj ua ke, txawm yog ntawm qhov rooj los tsis tau kev nkag lawm, mas (יהושע)Yahshua piav txoj hmoo zoo rau lawv mloog. 3 Muaj tibneeg kwv ib tug tuag tes tuag taw tuaj cuag (יהושע)Yahshua,yog plaub leeg kwv nws tuaj. 4 Thaum lawv coj tsis tau nws los rau ntawm (יהושע)Yahshua vim muaj tibneeg coob, lawv txawm yaws cov vuas ib qho ncaj ntawm (יהושע)Yahshua nyob lawm saud. Thaum qheb tau ib qho lawm lawv txawm tso lub chaw uas tus tuag tes tuag taw pw ntawd dauv los.

5 Thaum (יהושע)Yahshua pom lawv kev ntseeg nws txawm hais rau tus tuag tes tuag taw tias, tub es, koj lub txim twb muab daws lawm. 6 Cov xibhwb qhia Abba (יחוח)Yahweh kevcai qee leej uas zaum qhov ntawd txawm xav hauv lub siab nug hais tias, 7 ua cas tus yawg no hais li ntawd? Nws hais lus tuam mom Abba(יחוח)Yahweh. Leejtwg yuav daws tau lub txim tsuas yog Abba (יחוח)Yahweh xwb? 8 Tamsim ntawd (יהושע)Yahshua lub siab paub tias lawv xav hauv lawv lub siab li ntawd mas nws thiaj hais rau lawv tias, ua cas nej yuav xav li no hauv nej lub siab? 9 Qhov uas hais rau tus tuag tes tuag taw ntawd tias, twb daws koj lub txim lawm, thiab hais tias, cia li sawv tsees nqa koj lub chaw pw mus kev, qhov twg yoojyim dua? 10 Kom nej thiaj paub tias Neeg Leej Tub muaj hwjchim hauv ntiajteb daws tau lub txim, (יהושע)Yahshua thiaj hais rau tus tuag tes tuag taw tias, 11 kuv hais rau koj tias, cia li sawv tsees nqa koj lub chaw pw mus tsev. 12 Nws txawm sawv tsees tamsim ntawd, nqa kiag nws lub chaw pw tawm mus tab meeg sawvdaws. Tej tibneeg sawvdaws thiaj phimhwj heev thiab qhuas Abba (יחוח)Yahweh hais tias, Peb tsis tau pom ib zaug li no kiag li.

 

(יהושע)Yahshua Hu Levis

(Mattithyah 9:9-13; Luke 5:27-32)

13(יהושע)Yahshua txawm tawm mus rau tom ntug hiavtxwv dua ib zaug. Tibneeg coob coob tuaj cuag nws mas nws qhuab qhia lawv.

14 Thaum nws tabtom mus ntawd, nws pom Levis uas yog Cheleph tus tub zaum ntawm lub rooj sau se. (יהושע)Yahshua txawm hais rau nws tias, cia li raws kuv qab mus. Levis txawm sawv tsees raws (יהושע)Yahshua qab mus. 15 Thaum (יהושע)Yahshua zaum noj mov hauv Levis tsev, txawm muaj cov tibneeg sau se thiab cov tibneeg muaj txim coob leej tuaj nrog (יהושע)Yahshua thiab nws cov thwjtim nyob ua ke ntawm rooj mov, vim yog muaj tibneeg raws (יהושע)Yahshua qab coob heev. 16 Thaum cov xibhwb qhia Abba (יחוח)Yahweh kevcai uas yog Falixais pom tias (יהושע)Yahshua nrog cov tibneeg sau se thiab cov tibneeg muaj txim noj mov ua ke, lawv txawm hais rau (יהושע)Yahshua cov thwjtim tias, ua cas nws nrog cov tibneeg sau se thiab cov tibneeg muaj txim noj mov ua ke?

17 Thaum (יהושע)Yahshua hnov li ntawd nws txawm hais rau lawv tias, cov tibneeg uas tsis muaj mob tsis cheem tsum Kws tshuaj, tsuas yog cov muaj mob thiaj cheem tsum xwb. Kuv tsis yog los hu cov tibneeg ncaj ncees, tiamsis yog los hu cov tibneeg muaj txim kom ntxeev dua siab tshiab.

 

Kevcai Yoo Mov

(Mattithyah 9:14-17; Luke 5:33-39)

18 Yahchanan  cov thwjtim thiab cov Falixais tabtom ua kevcai yoo mov. Muaj tibneeg tuaj hais rau (יהושע)Yahshua tias, ua cas Yahch-anan  cov thwjtim thiab cov Falixais coj kev-cai yoo mov, tiamsis koj cov thwjtim tsis coj?

19(יהושע)Yahshua hais rau lawv tias, tus nraug vauv cov kwvluag yuav yoo mov rau thaum tus nraug vauv tseem nrog lawv nyob lov? Ncua sijhawm uas tus nraug vauv tseem nrog lawv nyob lawv yeej yuav tsis yoo mov. 20 Yuav muaj ib hnub twg uas tus nraug vauv yuav raug muab coj ncaim ntawm lawv mus, mas thaum ntawd lawv yuav coj kevcai yoo mov. 21 Tsis muaj leejtwg muab daim ntaub tshiab los ntxiv lub qub tsho. Yog ua li ntawd daim ntaub uas muab ntxiv ntawd yuav xaum dua lub qub tsho ces yimhuab dua lub tsho ntuag loj dua.

22 Thiab tsis muaj leejtwg muab cawv txiv hmab tshiab ntim rau hauv lub hnab tawv qub. Yog ua li ntawd, cov cawv txiv hmab yuav ua rau lub hnab tawv tawg, ces cov cawv txiv hmab thiab lub hnab yuav piam tag huvsi. Cov cawv txiv hmab tshiab yuav muab ntim rau hauv lub hnab tawv tshiab.

 

De Hnab Mog Hnub Sabbath

(Mattithyah 12:1-8; Luke 6:1-5)

23 Muaj ib hnub Sabbath, (יהושע)Yahshua tabtom taug kev hauv ib daim teb npleg. Thaum cov thwjtim taug kev lawv pib de hnab npleg los. 24 Cov Falixais hais rau (יהושע)Yahshua tias, saib maj, ua cas koj cov thwjtim ua tej uas caiv tsis kheev ua rau hnub Sabbath? 25(יהושע)Yahshua hais rau lawv tias, nej tsis tau nyeem tej uas Daviv ua rau thaum nws thiab cov tibneeg uas nrog nws cheem tsum noj mov thiab tshaib plab lov?  26 Nws twb nkag mus rau hauv Abba (יחוח)Yahweh lub tsev rau thaum Anpiyathas ua tuam pov thawj hlob, thiab muab tej ncuav uas xyeem txawb rau ntawm Abba (יחוח)Yahweh lub xubntiag los noj, yog tej uas caiv tsis pub noj tsuas yog cov pov thawj thiaj noj tau xwb. Thiab nws tseem muab rau cov uas nrog nws ua ke noj. 27 Thiab (יהושע)Yahshua hais rau lawv tias, Hnub Sabbath yog tsim los rau tibneeg tsis yog tsim tibneeg los rau hnub Sabbath. 28 Rau qhov Neeg Leej Tub yeej yog hnub Sabbath Tus Tswv.