Yahchanan  Uas Coj Ua Kevcai Raus Dej

(Mattithyah 3:1-12; Luke 3:1-18; Yahchanan 1:19-28;  Isayah 40:3)

1 (יהושע)Yahshua Messiah uas yog Abba (יחוח)Yahweh tus tub, txoj hmoo zoo yog pib li no mus. 2 Yog raws li Isayah uas yog xibhwb cev Abba (יחוח)Yahweh lus sau cia hais tias, saib maj, kuv tso kuv tus tubtxib mus ua koj ntej, tus ntawd yuav npaj koj txojkev cia. 3 Muaj ib lub suab qw hauv tebchaws moj sab qhua hais tias, cia li npaj Abba(יחוח)Yahweh txojkev, cia li ua nws txoj kev kom ncaj.

4 Yahchanan  uas coj ua kevcai raus dej kuj tshwm los rau hauv tebchaws moj sab qhua. Nws tshaj tawm kom ua kevcai raus dej qhia tias ntxeev dua siab tshiab thiaj tau txais kev zam txim. 5 Thoob plaws Yahdah tebchaws thiab cov tibneeg hauv Yeluxalees kuj tawm mus cuag nws. Lawv nyias lees nyias lub txim txhaum mas Yahchanan  muab lawv ua kevcai raus dej hauv tus dej Yaladees.

6 Yahchanan  hnav tej ris tsho uas muab plaub ntxhuav ua thiab sia txoj siv tawv ntawm duav, nws noj kooj txig thiab zib ntab. 7 Nws tshaj tawm hais tias, muaj ib tug yuav ua kuv qab los muaj hwjchim loj dua kuv, kuv twb tsis tsim nyog khoov mus daws nws txoj hlua khau. 8 Kuv muab nej ua kevcai raus hauv dej tiamsis nws yuav muab nej ua kevcai raus hauv Tus Ntsuj Plig Dawbhuv uas dawb huv.

​

(יהושע)Yahshua Ua Kevcai Raus Dej Thiab Raug Dab Sim

(Mattithyah 3:13-17,4:1-11; Luke 3:21-22,4:1-13)

9 Lub sijhawm ntawd (יהושע)Yahshua txawm tawm hauv lub moos Nalxales uas nyob hauv lub xeev Kalilais tuaj, mas Yahchanan  muab nws ua kevcai raus dej hauv tus dej Yaladees. 10 Thaum  (יהושע)Ya-hshua tawm hauv dej los tamsim ntawd nws txawm pom rooj ntug qheb kiag thiab pom Tus Ntsuj Plig Dawbhuv zoo li ib tug nquab nqes los rau saum nws 11 thiab muaj ib lub suab hais saum ntuj tuaj hais tias, Koj yog kuv tus tub uas kuv hlub, kuv txaus siab rau koj heev. 12 Tamsim ntawd Tus Ntsuj Plig Dawbhuv txawm txhib (יהושע)Yahshua mus rau hauv tebchaws moj sab qhua. 13 Mas  (יהושע)Yahshua nyob hauv tebchaws moj sab qhua raug Xatas sim tau plaub caug hnub. (יהושע)Yahshua nrog tsiaj qus nyob thiab cov tubtxib saum ntuj los ua koom tu nws.

​

(יהושע)Yahshua Hu Plaub Leeg Ua Thwjtim

(Mittithyah 4:12-22; Luke 4:14-15,5:1-11)

14 Thaum Yahchanan  raug ntes lawm, (יהושע)Yahshua txawm mus rau Kalilais thiab tshaj tawm Abba (יחוח)Yahweh txoj hmoo zoo, 15 hais tias, puv lub sijhawm lawm, thiab Abba (יחוח)Yahweh lub tebchaws los ze lawm, cia li ntxeev dua siab tshiab thiab ntseeg txoj xov zoo.

16 Thaum  (יהושע)Yahshua mus raws ntug Hiavtxwv Kalilais nws pom Simon thiab Simon tus kwv Andrew, tabtom ntaus vas hauv hiavtxwv. Nkawv yog tibneeg muab ntses. 17(יהושע)Yahshua hais rau nkawv tias, cia li los, raws kuv qab, mas kuv yuav tsa neb ua cov uas npo tibneeg ib yam li npo ntses.

18 Tamsim ntawd nkawv txawm tso nkawv tej vas tseg thiab raws (יהושע)Yahshua qab mus. 19(יהושע)Yahshua mus rau tom ntej mentsis kuj pom Xenpedis ob tug tub yog Yaaqob thiab nws tus kwv Yahchanan  tabtom ntxiv vas hauv lub nkoj. 20 Tamsim ntawd (יהושע)Yahshua txawm hu nkawv ces nkawv txawm tso leej txiv Xenpedis thiab cov tub zog tseg rau hauv lub nkoj mas raws (יהושע)Yahshua qab mus.

​

Tus Yawg Uas Raug Dab

(Luke 4:31-37)

21 Lawv mus rau hauv lub moos Khapena‑us, ces txog hnub Sabbath (יהושע)Yahshua txawm mus qhuab qhia hauv lub tsev sablaj.

22 Lawv kuj xav tsis thoob rau tej lus uas nws qhia, rau qhov nws muaj hwjchim qhuab qhia lawv, tsis thooj li lawv cov xibhwb. 23 Tamsim ntawd muaj ib tug yawg raug dab qias nyob hauv tsev sablaj qw nrov nrov, 24 hais tias, (יהושע)Yahshua uas yog tibneeg Nalxales, koj tuaj thab peb ua abtsi? Koj tuaj ua kom peb puam tsuaj lov? Kuv paub koj yog leejtwg, koj yog tus dawb huv ntawm Abba (יחוח)Yahweh. 25(יהושע)Yahshua txawm txwv dab hais tias, cia li nyob twjywm, thiab cia li tawm plaws hauv nws mus. 26 Tus dab qias ua rau tus ntawd huam ib tshaj, thiab qw nrov nrov tawm hauv nws lawm. 27 Sawvdaws phimhwj heev sib tham tias, tej no yog abtsi? Yog tej lus qhuab qhia tshiab uas muaj hwjchim heev. Nws hais rau dab mas dab kuj mloog nws lus. 28 Tamsim ntawd (יהושע)-Yahshua lub moo txawm nrov nto moo mus thoob plaws lub xeev Kalilais.

​

(יהושע)Yahshua Kho Kepha Niam Tais

(Mattithyah 8:14-17; Luke 4:38-41)

29 Tamsim ntawd (יהושע)Yahshua txawm tawm hauv tsev sablaj mus mas Yaaqob thiab Yahchanan  nrog nws mus rau hauv Kepha  thiab Andrew tsev.

30 Simon niam tais pw tabtom ua npaws, lawv txawm hais rau (יהושע)Yahshua paub. 31(יהושע)Yahshua txawm mus tuav nkaus nws tes tsa sawv ces nws tus npaws txawm zoo kiag. Tamsim ntawd nws txawm sawv tsees los ua zaub ua mov rau (יהושע)Yahshua lawv noj. 32 Hnub ntawd thaum hnub poob qho lawm, lawv coj txhua tus muaj mob thiab raug dab tuaj cuag (יהושע)Yahshua. 33 Tag nrho cov tibneeg hauv lub moos ntawd sau zog ua ke tuaj rau ntawm qhov rooj. 34(יהושע)Yahshua kho cov uas muaj ntau yam mob zoo coob coob huvsi thiab ntiab dab tawm coob heev. Nws txwv tsis kheev cov dab ntawd hais lus vim cov dab ntawd paub nws.

​

(יהושע)Yahshua Qhuab Qhia Txhua Qhov

(Luke 4:42-44)

35 Thaum sawv ntxov tsis tau kaj ntug (יהושע)Yahshua sawv tsees mus rau ib qho chaw uas tsis muaj tibneeg nyob thiab thov Abba (יחוח)Yahweh qhov ntawd. 36 Simon thiab cov uas nrog nws ua ke kuj mus nrhiav (יהושע)Yahshua.

37 Thaum lawv ntsib nws lawv hais rau nws tias, Sawvdaws puavleej nrhiav koj. 38(יהושע)Yahshua hais rau lawv tias, cia peb mus dua rau lwm lub zos uas nyob ib ncig no xwv kuv thiaj tshaj tawm rau qhov ntawd, rau qhov kuv yeej los ua tes haujlwm no. 39(יהושע)Yahshua txawm mus tshaj tawm hauv lawv tej tsev sablaj thiab ntiab dab tawm thoob plaws Kalilais teb-chaws.

(יהושע)Yahshua Kho Tus Mob Lig Mob Ruas

(Mattithyah 8:1-4; Luke 5:12-16)

40 Muaj ib tug mob lig mob ruas tuaj cuag nws txhos caug ntua thov (יהושע)Yahshua hais tias, yog koj xav kho, koj yeej kho tau kuv zoo kom huv. 41(יהושע)Yahshua khuv-leej nws heev txawm cev kiag tes mus npuab nws thiab hais rau nws tias, kuv xav los maj, cia li zoo kiag huv lauj. 42 Tamsim ntawd nws tej mob lig mob ruas txawm tawm hauv nws lub cev thiab nws zoo huv lawm.

43(יהושע)Yahshua txwv tus ntawd tawv tawv, li tso nws mus 44 thiab hais rau nws tias, tsis txhob piav ib los rau leejtwg mloog kiag li, cia li mus qhia koj lub cev rau tus pov thawj saib thiab xyeem tej uas ua kevcai ntxuav kom koj huv raws li Mauxes qhia tseg lawd ua timkhawv rau sawvdaws. 45 Tiamsis tus ntawd tawm mus ces txawm pib piav thiab tshaj tawm zaj ntawd nrov nto moo lug ua rau (יהושע)Yahshua mus tsis tau tab meeg rau hauv lub moos, nws yuav tsum nyob sab nraud uas tsis muaj tibneeg nyob. Mas muaj tibneeg tuaj txhua qhov tuaj cuag (יהושע)Yahshua.

​