(יהושע)Yahshua Kho Tus Raug Dab

(Mattithyah 8:28-34; Luke 8:26-29)

1 (יהושע)Yahshua lawv thiaj mus txog sab hiavtxwv tim ub uas yog lub moos Nkelaxas tebchaws. 2 Thaum(יהושע)Yahshua tawm hauv nkoj los txawm muaj ib tug raug dab qias tawm hauv toj ntxas los ntsib nws. 3 Tus ntawd nyob tom toj ntxas, tsis muaj leejtwg khi tau nws kiag li, txawm yog muab saw hlau khi los yeej tsis tau li. 4 Twb muab loj cuj thiab muab saw hlau khi kotaw ntau zaus lawm los nws rub saw hlau tu thiab muab loj cuj lov pes ntho. Tsis muaj leejtwg muaj zog tswj tau nws. 5 Nws qw nrov nrov tom toj ntxas thiab pem tej roob thiab muab pob zeb suam nws lub cev nruab hnub hmo ntuj tsis tu li. 6 Thaum nws pom dheev (יהושע)Yahshua deb deb, nws txawm khiav los pe (יהושע)Yahshua , 7 thiab qw nrov nrov hais tias, Au (יהושע)Yahshua uas yog Abba (יחוח)Yahwehloj dua ntais tus tub, koj tuaj thab kuv ua abtsi? Kuv thov koj tuav Abba(יחוח)Yahweh lub npe cog lus tias koj yuav tsis tsim txom kuv. 8 Twb yog vim (יהושע)Yahshua tau hais rau nws tias, dab qias, cia li tawm ntawm nws mus. 9(יהושע)Yahshua txawm nug dab tias, koj npe hu li cas? Nws teb tias, kuv npe hu ua Coob rau qhov peb muaj coob tus. 10 Tus yawg ntawd txawm taij thov (יהושע)Yahshua tsis txhob ntiab cov dab tawm hauv lub tebchaws ntawd mus.

11 Muaj ib pab npua coob tabtom nrhiav noj ntawm ntav toj. 12 Cov dab ntawd txawm thov (יהושע)Yahshua tias, thov ntiab peb mus rau ntawm pab npua ntawd thiab cia peb nyob rau hauv cov npua.

13(יהושע)Yahshua txawm tso ncauj. Cov dab qias txawm tawm mus nkag rau hauv pab npua, mas pab npua uas muaj kwvlam ob txhiab tus thiaj dhia plas toj ntxhab mus rau hauv hiavtxwv txham dej tuag tag. 14 Cov tibneeg yug npua thiaj khiav mus piav tej ntawd rau hauv lub moos thiab tej zej zog. Mas tej tibneeg txawm tawm tuaj saib muaj xwm txheej abtsi tshwm los. 15 Thaum lawv tuaj txog ntawm (יהושע)Yahshua, lawv pom tus uas raug dab coob ntawd hnav ris tsho zaum meej pem zoo, lawv thiaj ntshai kawg.

16 Cov tibneeg uas tau pom, piav tej xwm txheej uas tshwm rau tus raug dab ntawd thiab tshwm rau pab npua rau lawv mloog. 17 Lawv txawm pib thov kom (יהושע)Yahshua tawm hauv lawv lub tebchaws mus.

18 Thaum (יהושע)Yahshua tabtom yuav nce rau hauv nkoj mas tus yawg uas raug dab ntawd kuj thov cia nws nrog (יהושע)Yahshua nyob ua ke. 19(יהושע)Yahshua tsis kheev thiab hais rau tus ntawd tias, Koj cia li mus cuag koj cov tibneeg hauv tsev thiab qhia rau lawv paub tias Tus Tswv tau ua li cas rau koj thiab twb khuvleej koj lawm. 20 Ces tus ntawd txawm rov qab mus thiab pib piav txhua yam uas (יהושע)Yahshua ua rau nws mus thoob plaws lub xeev Dekapolis. Mas tej tibneeg sawvdaws kuj phimhwj heev.

​

Tus Ntxhais Uas Tuag Thiab Tus Pojniam Uas Kov (יהושע)Yahshua Lub Tsho

(Mattithyah 9:18-26; Luke 8:40-56)

21 Thaum (יהושע)Yahshua caij nkoj hla mus rau sab tim ub lawd, muaj tibneeg coob coob tuaj ua ke rau ntawm nws.

(יהושע)Yahshua tseem nyob ntawm ntug hiavtxwv. 22 Txawm muaj ib tug thawj uas saib xyuas lub tsev sablaj npe hu ua Yailas tuaj. Thaum nws pom (יהושע)Yahshua nws txawm pe ti nkaus ntawm (יהושע)Yahshua kotaw. 23 Thov (יהושע)Yahshua hais tias, kuv tus mentxhais mob twb yuav tuag. Thov koj mus muab tes npuab rau saum nws mas nws yuav zoo muaj txojsia nyob.

24(יהושע)Yahshua thiaj nrog nws mus, muaj tibneeg coob coob raws (יהושע)Yahshua qab mus sib txiv qev xwb. 25 Muaj ib tug pojniam uas muaj mob nchuav cev tau kaum ob xyoos lawm. 26 Nws raug txom nyem heev vim yog nrhiav ntau tus kws tshuaj thiab nyiaj txiag tag huvsi los tus mob kuj tsis zoo, tseem yimhuab mob loj tuaj.

27 Nws twb hnov txog (יהושע)Yahshua, nws thiaj nrog cov tibneeg coob ntawd raws (יהושע)Yahshua qab kov (יהושע)Yahshua lub tsho. 28 Rau qhov nws xav tias, yog kuv tau kov (יהושע)Yahshua lub tsho xwb, mas kuv tus mob yeej yuav zoo. 29 Tamsim ntawd nws ntshav txawm tu nrho lawm, nws kuj hnov tias nws lub cev zoo lawm. 30 Tamsim ntawd (יהושע)Yahshua kuj paub tias hwjchim tawm hauv nws lawm. Nws txawm tig saib rau ib ncig cov tibneeg ntawd, nug hais tias, leejtwg kov kuv lub tsho? 31 Nws cov thwjtim txawm hais rau (יהושע)Yahshua tias, koj pom cov tibneeg coob sib txiv qev rau koj xwb es, koj tseem nug hais tias, leejtwg kov kuv?  32(יהושע)Yahshua tsa muag saib rau ib ncig saib leejtwg tau kov nws. 33 Thaum tus pojniam ntawd paub tej uas tshwm rau nws lawd nws thiaj ntshai tshee hnyo los khwb nkaus rau ntawm (יהושע)Yahshua xubntiag qhia rau (יהושע)Yahshua raws li uas muaj tseeb. 34(יהושע)Yahshua hais rau nws tias, Mentxhais es, koj txojkev ntseeg ua rau koj zoo lawm. Cia li mus ua siab tus yees thiab koj tus mob twb zoo lawm.

35 Thaum (יהושע)Yahshua tseem tabtom hais li ntawd, muaj ob peb tug tibneeg tuaj tom Yailas tsev tuaj hais rau Yailas hais tias, koj tus ntxhais twb tuag lawm, koj tseem yuav tab kaum xibhwb ua abtsi?  36(יהושע)Yahshua tsis quav ntsej tej uas lawv hais ntawd, nws txawm hais rau Yailas hais tias, tsis txhob ntshai, cia li ntseeg xwb. 37(יהושע)Yahshua tsis pub leejtwg nrog nws mus, nws tsuas pub Kepha, Yaaqob thiab Yaaqob tus kwv Yahchanan  lawv peb leeg nrog (יהושע)Yahshua mus xwb. 38 Thaum lawv mus txog tom Yailas tsev, (יהושע)Yahshua pom muaj tib neeg quaj nyuaj siab, ntxhov siab, thiab nws hnov tej tibneeg quajnyiav ntsoog qees. 39 Thaum nws nkag mus txog hauv tsev, nws txawm hais rau lawv tias, nej nyuaj siab thiab quaj ua abtsi? Tus menyuam no tsis tau tuag, nws tsaug zog xwb. 40 Lawv txawm thuam luag (יהושע)Yahshua.

Tiamsis (יהושע)Yahshua ntiab cov tibneeg ntawd sawvdaws tawm tag lawd, mas nws coj leej txiv thiab leej niam thiab peb tus thwjtim nrog nws nkag rau hauv lub chaw uas tus menyuam pw.

41(יהושע)Yahshua ntsiab nkaus tus me-ntxhais ntawd txhais tes thiab hais rau nws tias, Thalithas khumis, uas txhais hais tias, Mentxhais es, kuv hais rau koj, cia li sawv tsees. 42 Tamsim ntawd tus mentxhais txawm sawv tsees mus kev (nws hnub nyoog muaj kaum ob xyoos). Thaum ntawd lawv phimhwj heev. 43(יהושע)Yahshua kuj txwv lawv tawv tawv kom tsis txhob qhia leejtwg paub txog zaj no, thiab hais kom lawv muab mov rau tus mentxhais noj.