Faib Teb Rau Xeem Xime‑oos

1 Rho daim ntawv uas ob los mas yog xeem Xime‑oos thiab lawv tej cum li. Lawv qub txeeg qub teg kuj nyob xyaw hauv cov Yahdah qub txeeg qub teg.

2 Cov moos no yog lawv qub txeeg qub teg, yog Npe‑awsenpas, Senpas, Mauladas,

3 Haxasu‑as, Npalag, Exees,

4 Eethaulas, Npethus, Haumas,

5 Xilaj, Npes Makhanpaus, Haxaxuxas,

6 Npes Lenpa‑aus thiab Saluhees. Huvsi muaj kaum peb lub moos thiab tej zej zog ib ncig cov moos ntawd.

7 Thiab lub moos Ayis, Limoos, Ethaws thiab Asas. Huvsi muaj plaub lub moos thiab tej zej zog ib ncig,

8 thiab tej zej zog ib ncig cov moos ntawd dav mus txog lub moos Npa‑alas Npe‑aws thiab lub moos Lamas uas nyob hauv Nekes. Cov no yog xeem Xime‑oos thiab lawv tej cum li qub txeeg qub teg.

9 Xeem Xime‑oos qub txeeg qub teg yog faib hauv Yahdah tebchaws los rau lawv rau qhov xeem Yahdah li tebchaws ntau tshaj lawv lawm, xeem Xime‑oos thiaj tau qub txeeg qub teg hauv cov Yahdah tebchaws.

​

Faib Teb Rau Xeem Xenpuloos

10 Rho daim ntawv uas peb los mas yog xeem Xenpuloos thiab lawv tej cum li.

Tej tebchaws uas poob ua cov Xenpuloos qub txeeg qub teg dav mus txog Xalib.

11 Lawv ciam teb kuj mus rau sab hnub poob thiab mus txog Malalas thiab los chwv rhuav Danpese, thiab mus txog ntua tus dej uas nyob ntawm Yaune‑as sab hnub tuaj.

12 Ntawm Xalib tus ciam teb lem mus rau sab hnub tuaj uas ncaj qhov uas hnub tuaj, mus txog Khilauthanpaus ciam teb, thiab mus txog Danpelas, thiab nce mus txog Yafias,

13 txuas qhov ntawd hla mus rau sab hnub tuaj, mus txog Kahefaws thiab Ekhaxis, mus txog Limoos mas nkhaus mus rau Ne‑as.

14 Sab pem ciam teb nkhaus mus rau Hanathoos mus kawg rau ntawm lub hav Itha‑ees,

15 thiab lub moos Khathas, Nahalas, Siloos, Idalas thiab Npelehees, huvsi muaj kaum ob lub moos thiab tej zej zog ib ncig.

16 No yog xeem Xenpuloos thiab lawv tej cum li qub txeeg qub teg, yog tej moos thiab tej zej zog ib ncig cov moos ntawd.

​

Faib Teb Rau Xeem Ixakhas

17 Rho daim ntawv uas plaub los mas yog xeem Ixakhas thiab lawv tej cum li.

18 Lawv li tebchaws mas muaj cov moos li no nyob hauv, yog Yile‑ees, Khexulaus, Sunees,

19 Hafala‑is, Si‑oos, Anahalas,

20 Lanpis, Khisi-oos, Enpes,

21 Lemes, Eekanis, Eehadas thiab Npepaxes.

22 Ciam teb kuj chwv lub moos Thanpaus, Sahaxumas thiab Npesemes mus kawg rau ntawm dej Yaladees, huvsi muaj kaum rau lub moos thiab tej zej zog ib ncig.

23 No yog xeem Ixakhas thiab lawv tej cum li qub txeeg qub teg, yog tej moos thiab tej zej zog ib ncig cov moos ntawd.

​

Faib Teb Rau Xeem Asaws

24 Rho daim ntawv uas tsib los mas yog xeem Asaws thiab lawv tej cum li.

25 Lawv li tebchaws mas muaj cov moos no nyob hauv, yog Heekhas, Halis, Npethees, Asaj,

26 Alamelej, Amas thiab Misas.  Sab hnub poob tus ciam teb chwv roob Khamees thiab lub moos Sihaulinas,

27 thiab nkhaus mus rau sab hnub tuaj mus rau Npedakoos thiab koom Xenpuloos ciam teb thiab raws lub hav Itha‑ees mus rau sab ped txog Npe‑emes thiab Ne‑i‑ees, thiab dhau rau sab ped mus txog lub moos Khanpus,

28 Enploos, Lehaus, Hamoos thiab Khanas, mus txog ntua lub niag nroog Xaidoos.

29 Ciam teb kuj nkhaus kiag mus rau Lamas mus txog lub nroog Thailab uas muaj ntsa loog khov kho, thiab ciam teb kuj nkhaus mus rau lub moos Hauxas mus kawg rau ntawm Hiavtxwv. Thiab muaj tej moos no yog Mahalab, Axij,

30 Umas, Afes thiab Lehaus, huvsi muaj nees nkaum ob lub moos thiab tej zej zog ib ncig.

31 No yog xeem Asaws thiab lawv tej cum li qub txeeg qub teg, yog tej moos thiab tej zej zog ib ncig cov moos ntawd.

​

Faib Teb Rau Xeem Nathalis

32 Rho daim ntawv uas rau los mas yog Nathalis li, yog xeem Nathalis thiab lawv tej cum li.

33 Lawv ciam teb pib ntawm Helej ntawm tsob ntoo qheb hauv Xananis mus rau Adaminekhes thiab Yane‑ees, mus txog ntua Lakhus, mus kawg rau ntawm dej Yaladees.

34 Thiab ciam teb kuj lem mus rau sab hnub poob mus txog Anaus Thanpaus, dhau qhov ntawd mus txog Hukos, mas sab qab teb yog koom Xenpuloos ciam teb thiab sab hnub poob koom Asaws ciam teb, thiab sab hnub tuaj yog tus dej Yaladees uas npuas Yahdah.

35 Lawv tej moos uas muaj ntsa loog yog tej no, Xidis, Xaws, Hamas, Lakhas, Khineles,

36 Adamas, Lamas, Haxaus,

37 Khedes, Ede‑is, Eehaxaus,

38 Yiloos, Mida‑ees, Haulees, Npe‑anav thiab Npesemes, huvsi muaj kaum cuaj lub moos thiab tej zej zog ib ncig.

39 No yog xeem Nathalis thiab lawv tej cum li qub txeeg qub teg, yog tej moos thiab tej zej zog ib ncig cov moos ntawd.

​

Faib Teb Rau Xeem Daj

40 Rho daim ntawv uas xya los mas yog xeem Daj thiab lawv tej cum li.

41 Tej teb chaws uas yog lawv qub txeeg qub teg muaj tej moos no nyob hauv, yog Xaulas, Etha‑oos, Isemes,

42 Sa‑alanpis, Aiyaloos, Yelas,

43 Eloos, Thinaj, Ekhoos,

44 Eethekhes, Kinpethoos, Npa‑alab,

45 Yehuj, Npenenpelas, Kalimoos,

46 thiab Meyakhoos thiab Lakhoos thiab thaj teb uas ncaj lub moos Yaupas.

47 Thaum xeem Daj lub tebchaws poob lawd, cov Daj mus ua rog rau lub moos Lesees. Lawv ntaus yeej thiab xuas ntaj tua lub moos ntawd thiab txeeb tau ua lawv tug thiab mus nyob rau hauv, mas lawv muab lub moos Lesees ntawd hu ua Daj raws li lawv tus yawg koob Daj.

48 No yog xeem Daj thiab lawv tej cum li qub txeeg qub teg, yog tej moos thiab tej zej zog ib ncig cov moos ntawd.

​

Faib Teb Rau Yahshua

49 Thaum uas faib lub tebchaws ua qub txeeg qub teg txhua zog tag lawd cov Ixayees kuj muab qub txeeg qub teg hauv lawv faib rauNoos tus tub Yahshua.

50 Raws li (יחוח)Yahweh hais mas lawv muab lub moos uas nws thov rau nws, yog lub moos Thinaxelas pem toj siab hauv Efa‑is tebchaws. Yahshua muab lub moos ntawd ua dua tshiab thiab mus nyob rau hauv.

51 Tej uas hais no yog pov thawj Ele‑axas thiab Noos tus tub Yahshua thiab cov thawj hauv txhua cum txhua xeem Ixayees muab ua ntawv rho faib ua qub txeeg qub teg ntawm Silaus tab meeg (יחוח)Yahweh xubntiag ntawm qhov rooj lub tsev ntaub sib ntsib. Ua li no lawv thiaj muab lub tebchaws faib tag lawm.