Yeluxalees Zoo Li Tsob Txiv Hmab

1 (יחוח)Yahweh hais lus tuaj rau kuv tias, 2 tibneeg tus tub, cov ntoo txiv hmab tsim txiaj dua lwm yam ntoo li cas? Tej ceg txiv hmab tsim txiaj dua li tej ceg ntoo hav zoov li cas?

3 Luag muab cov ntoo txiv hmab coj mus ua lwm yam thiab lov? Lawv muab coj mus ua nqe lauj dai tej twj siv thiab lov?

4 Lawv siv ua taws rauv, mas thaum kub ob tog tag lawm thiab hauv ntu nruab nrab plhov dub tag siv tau qabhau thiab lov?

5 Thaum tseem zoo nkauj twb tsis siv ua abtsi, thaum raug hluavtaws kub thiab plhov dub tag lawm yimhuab siv tsis tau qabhau.

6 Vim li ntawd (יחוח)Yahweh thiaj hais li no tias, cov ntoo txiv hmab uas nyob tom hav zoov kuv muab ua taws rau hluavtaws li cas, mas kuv yuav muab cov hauv Yeluxalees tso tseg li ntawd.

7 Kuv yuav tsom ntsoov tawm tsam lawv, txawm yog lawv khiav dim ntawm cub hluavtaws, los hluavtaws yeej yuav kub lawv tag. Thaum kuv tsom ntsoov tawm tsam lawv, nej yuav paub tias kuv yog (יחוח)Yahweh.

8 Kuv yuav ua lub tebchaws ntawd nyob do cuas cia vim yog lawv tau fav xeeb.(יחוח)Yahweh hais li no ntag.