Lekhaj Caj Ces Mloog Lus

1 Thaum Yauxiyas tus tub Yehauya-khi‎s ua vajntxwv kav Yahdah, (יחוח)Yahweh hais lus tuaj rau Yeremyah‎ tias, 2 cia li mus cuag Lekhaj caj ces thiab nrog lawv tham thiab coj lawv tuaj rau ntawm (יחוח)Yahweh lub tuam tsev nkag mus nyob hauv ib chav thiab muab cawv txiv hmab rau lawv haus. 3 Mas kuv thiaj coj Ya‑axaniyas thiab nws cov kwvtij thiab nws cov tub huvsi thiab Lekhaj caj ces sawvdaws tuaj. Ya‑axaniyas txiv yog Yeremyah‎, nws yawg yog Hanpaxiniyas.

4 Kuv coj lawv tuaj rau ntawm (יחוח)Yahweh lub tuam tsev mus rau hauv Hanas cov tub chav tsev. Hanas yog Idaliya tus tub thiab yog (יחוח)Yahweh tus tibneeg. Chav tsev ntawd npuas cov thawj uas saib xyuas lub tuam tsev chav, thiab yog nyob ncaj Salus tus tub Ma‑axeyas uas zov qhov rooj chav txheej sab saud.

5 Mas kuv muab tej hwj cawv txiv hmab thiab tej khob txawb rau ntawm Lekhaj cov tibneeg xubntiag, thiab kuv hais rau lawv tias, cia li haus cawv txiv hmab.

6 Tiamsis lawv teb tias, peb tsis haus cawv txiv hmab, vim yog peb yawg koob Yaunadas uas yog Lekhaj tus tub hais rau peb tias, nej tsis txhob haus cawv txiv hmab, txawm yog nej thiab nej cov tub ki los tsis txhob haus ib txhis li. 7 Nej tsis txhob ua tsev, tsis txhob tseb noob, tsis txhob cog thiab tsis txhob muaj vaj txiv hmab. Nej cia li nyob hauv tej tsev ntaub tag nej sim neej xwv nej thiaj li nyob tau ntev rau hauv lub tebchaws uas nej mus nyob ntawd. 8 Peb mloog peb yawg koob Yaunadas uas yog Lekhaj tus tub tej lus txhua lo lus uas nws hais kom peb ua, yog tsis txhob haus cawv txiv hmab tag peb sim neej, tag nrho peb tej pojniam thiab tej tub tej ntxhais huvsi, 9 thiab tsis txhob ua tsev nyob. Peb tsis muaj vaj txiv hmab thiab teb thiab qoob loo. 10 Peb tsuas yog nyob hauv tej tsev ntaub xwb thiab peb mloog lus thiab ua txhua yam raws li peb yawg koob Yaunadas hais cia rau peb. 11 Tiamsis thaum vajntxwv Nenpukhanexa‎s hauv Npanpiloos tuaj ua rog rau tebchaws no, peb thiaj hais tias, cia peb mus rau hauv Yeluxalees vim yog ntshai cov tub rog Kheedias thiab cov tub rog Alas. Yog li no peb thiaj li nyob hauv lub nroog Yeluxalees. 12 Mas (יחוח)Yahweh hais lus tuaj rau Yeremyah‎ tias, 13 (יחוח)Yahweh tus muaj hwjchim loj kawg nkaus uas yog Ixayees Tus Tswv hais li no tias, cia li mus hais rau cov Yahdah thiab cov uas nyob hauv Yeluxalees tias, (יחוח)Yahweh hais tias, nej tsis yuav tej uas kuv qhia thiab tsis mloog kuv tej lus lov? 14 Lekhaj tus tub Yaunadas hais rau nws tej tub ki kom tsis txhob haus cawv txiv hmab, lawv kuj ua raws li nws hais. Lawv tsis haus cawv txiv hmab txog niaj hnub nimno, vim yog lawv mloog tej uas lawv yawg koob hais. Tiamsis kuv tau hais rau nej tsis tu ncua, los nej tsis mloog kuv hais. 15 Kuv tau txib kuv cov tub qhe uas yog cov xibhwb cev lus txhua tus tuaj rau nej, kuv txib lawv tuaj hais tsis tu ncua li tias, nimno nej txhua tus cia li nyias tig ntawm nyias txojkev phem, thiab ua nej lub neej dua tshiab, thiab tsis txhob mus raws ncuj nciav luag tej dab thiab ua koom tu tej dab ntawd, mas nej thiaj tau nyob rau hauv lub tebchaws uas kuv muab pub rau nej thiab nej tej poj koob yawm txwv. Tiamsis nej tsis tig ntsej mloog thiab tsis mloog kuv hais.

16 Lekhaj tus tub Yaunadas tej caj ces twb ua raws li tej lus uas lawv yawg koob hais cia rau lawv, tiamsis haiv neeg no tsis mloog kuv lus.

17 Yog li no (יחוח)Yahweh, uas yog Tus Tswv muaj hwjchim loj kawg nkaus thiab yog Ixayees Tus Tswv thiaj hais li no tias, saib maj, kuv yuav coj tej xwm txheej phem huvsi uas kuv tshaj tawm lawm los raug Yahdah thiab cov hauv Yeluxalees sawvdaws, rau qhov kuv twb hais rau lawv lawm los lawv tsis mloog. Kuv twb hu lawv los lawv tsis teb.

18 Tiamsis Yeremyah‎ hais rau Lekhaj caj ces tias, (יחוח)Yahweh tus muaj hwjchim loj kawg nkaus uas yog Ixayees Tus Tswv hais li no tias, nej tau mloog nej yawg koob Yaunadas tej lus, thiab tuav rawv txhua nqe uas nws qhia nej thiab ua raws li txhua yam uas nws hais rau nej.

19 Vim li no (יחוח)Yahweh tus muaj hwj-chim loj kawg nkaus uas yog Ixayees Tus Tswv hais tias, lekhaj tus tub Yaunada yuav muaj cov txivneej uas sawv ntawm kuv lub xubntiag tsis tu ncua mus ib txhis li.