Pab Yeluxalees Rau Tom Hauv tej

(יחוח)Yahweh  cov lus:

1 No yog (יחוח)Yahweh  cov lus uas hais txog cov Ixayees. (יחוח)Yahweh  uas nthuav lub ntuj rau saud thiab pua lub ntiajteb thiab tsim ntsuj plig rau hauv tibneeg hais li no tias, 2 Saib maj, kuv tabtom yuav ua kom Yeluxalees zoo nkaus li lub khob cawv uas ua rau ib tsoom tibneeg uas nyob ib ncig qaug. Lub khob no yuav ua rau Yahdah qaug rau thaum yeeb ncuab vij lub nroog Yeluxalees.

3 Hnub ntawd kuv yuav ua rau Yeluxalees zoo li ib txhib zeb uas hnyav kawg rau ib tsoom tebchaws. Yog leejtwg mus nyom txhib zeb ntawd mas yuav ua rau leejtwg raug mob sab kawg. Ib tsoom tebchaws hauv qab ntuj yuav sau nthwv tuaj ntaus Yeluxalees.

4 (יחוח)Yahweh  hais tias, hnub ntawd kuv yuav ua rau txhua tus nees ceeb sob, thiab ua rau cov uas caij vwm, tiamsis kuv yuav tsa muag saib Yahdah caj ces, thiab kuv yuav ua rau ib tsoom tebchaws tej nees dig muag.

5 Mas Yahdah tej cum yuav xav hauv lub siab tias, cov tibneeg hauv Yeluxalees muaj zog kawg vim yog lawv Tus Tswv (יחוח)Yahweh  uas muaj hwjchim loj kawg nkaus pub zog rau lawv.

6 Hnub ntawd kuv yuav ua rau Yahdah tej cum zoo yam nkaus li lub laujkaub kub liab ploog hauv cub hluavtaws thiab zoo yam nkaus li teg tsau uas cig lam lug hauv nruab nrab cov teg qoob, thiab yuav kub ib tsoom tebchaws uas nyob vij ib ncig sab xis sab laug, tiamsis yuav muaj tibneeg nyob ruaj khov hauv Yeluxalees rau lub qub chaw. 7 (יחוח)Yahweh  yuav pub kom Yahdah cov tub rog xub kov yeej xwv Daviv caj ces thiab cov tibneeg hauv Yeluxalees thiaj tsis tau koob meej loj dua cov Yahdah.

 8 Hnub ntawd (יחוח)Yahweh  yuav thaiv cov hauv Yeluxalees cia, xwv cov uas qaug zog kawg hauv lawv yuav zoo yam li Daviv rau hnub ntawd. Daviv caj ces yuav zoo yam nkaus li (יחוח)Yahweh , zoo yam nkaus li

(יחוח)Yahweh  tus tubtxib saum ntuj uas coj lawv.

9 Hnub ntawd kuv yuav nrhiav kev ua kom txhua lub tebchaws uas tuaj tawm tsam Yeluxalees puam tsuaj.

10 Kuv yuav hliv Tus Ntsuj Plig Dawbhuv uas pub kev hlub thiab kev kub siab thov (יחוח)Yahweh  rau Daviv caj ces thiab cov hauv Yeluxalees, mas thaum lawv tsa muag saib kuv uas lawv xuas hmuv nkaug ces lawv yuav quaj ntsuag nws yam nkaus li cov uas muaj tib tug menyuam xwb los tuag lawm es quaj, thiab yuav quaj nyiav yam nkaus li cov uas tus tub hlob tuag es quaj nyiav heev.

11 Hnub ntawd yuav muaj kev quaj ntsuag heev hauv Yeluxalees yam nkaus li uas quaj ntsuag Hadalimoos hauv lub tiaj Mekidaus.

12 Lub tebchaws yuav quaj ntsuag txhua yim nyias quaj nyias, Daviv cuab tibneeg nws quaj nws, thiab Daviv cov pojniam nws quaj nws ib cag, Nathas cuab tibneeg nws quaj nws, thiab cov pojniam nws quaj nws ib cag, 13 Levis cuab tibneeg nws quaj nws, thiab cov pojniam nws quaj nws ib cag, thiab Sime‑is cuab tibneeg nws quaj nws, thiab cov pojniam nws quaj nws ib cag, 14 thiab txhua cuab tibneeg uas tshuav nyob kuj quaj nyiav thiab lawv cov pojniam kuj nws quaj nws ib cag.