1 Hnub ntawd yuav muaj dej cag txha-wv kiag rau Daviv caj ces thiab rau cov hauv Yeluxalees thiaj li ntxuav tau lawv kev txhaum kev qias pov tseg.

2 (יחוח)Yahweh  uas muaj hwjchim loj kawg nkaus hais tias, hnub ntawd kuv yuav rhuav tshem tej dab mlom lub npe kom ploj hauv lub tebchaws mus, kom lawv thiaj tsis nco txog kiag li lawm. Kuv yuav ntiab cov xibhwb uas cev

(יחוח)Yahweh  lus thiab Tus Ntsuj Plig uas tsis huv tawm hauv lub tebchaws mus.  3 Yog muaj leejtwg tsab ua xibhwb cev (יחוח)Yahweh  lus mas nws niam nws txiv uas yug nws yuav hais rau nws tias, koj yuav tuag vim koj tuav

(יחוח)Yahweh  lub npe hais dag xwb. Thaum nws cev (יחוח)Yahweh  lus leej niam leej txiv uas yug nws yuav muab nws nkaug tshab plaws.

4 Hnub ntawd txhua tus xibhwb cev (יחוח)Yahweh  lus yuav txaj muag vim qhov uas nws ua yog toog cev (יחוח)Yahweh  lus. Nws yuav tsis hnav lub tsho uas muaj plaub mus hais lus dag lawm.

5 Nws yuav hais tias, kuv tsis yog tus uas cev  (יחוח)Yahweh  lus, kuv yog tibneeg ua liaj ua teb xwb, rau qhov kuv yeej ua liaj ua teb txij thaum kuv tseem hluas los lawm.  

6 Yog leejtwg nug nws tias, Ua cas koj muaj kiav txhab saum nrob qaum? mas nws yuav teb tias Kuv tau tej kiav txhab no ntawm tej kwvluag lub tsev.

​

Nplawm (יחוח)Yahweh  Tus QhevYug Yaj

7 (יחוח)Yahweh  uas muaj hwjchim loj kawg nkaus hais tias, rab ntaj es, cia li tsim dheev sawv los tiv kuv tus qhev yug yaj, sawv los tiv tus uas txheeb ze kuv. Cia li nplawm tus qhev yug yaj mas pab yaj thiaj yuav tawg ua sab ua sua mus. Kuv yuav tig kiag kuv txhais tes tawm tsam tus me tus yau.

8 (יחוח)Yahweh  hais tias, tag nrho lub tebchaws yuav muab rhuav tshem ob feem kom puam tsuaj, tshuav ib feem hauv peb feem thiaj li ciaj xwb.

9 Kuv yuav muab ib feem hauv peb feem ntawd coj mus rau hauv hluavtaws mas yuav muab nchuav ib yam li nchuav nyiaj, thiab yuav muab lawv sim yam li sim kub. Lawv yuav thov hu kuv lub npe, mas kuv yuav teb lawv. Kuv yuav hais tias Lawv yog kuv haiv neeg thiab lawv yuav hais tias (יחוח)Yahweh  yog peb Tus Tswv.