Yeluxalees Thiab Ib Tsoom Tebchaws

1 Saib maj, (יחוח)Yahweh  hnub tab tom los, yog hnub uas tej nyiaj txiag uas luag txeeb ntawm koj mus luag yuav faib rau hauv nruab nrab koj, 2 rau qhov kuv yuav sau zog ib tsoom tebchaws sawvdaws tuaj ua rog rau Yeluxalees. Lub nroog ntawd yuav raug luag txeeb tau, luag yuav lws tej nyiaj txiag qhov txhia chaw hauv vaj hauv tsev thiab yuav muab tej pojniam yuam. Ib nrab pejxeem yuav tawm mus poob tebchaws, tiamsis cov uas tshuav nyob yuav tsis raug muab ntiab tawm hauv lub nroog mus.

3 Mas (יחוח)Yahweh  yuav tawm mus tiv tej  tebchaws ntawd ib yam li hnub uas (יחוח)Yahweh  tawm mus ua rog ntag. 4 Hnub ntawd (יחוח)Yahweh  txhais taw yuav tsuj saum lub Roob Txiv Aulib uas nyob ntawm Yeluxalees sab hnub tuaj, mas lub Roob Txiv Aulib ntawd yuav tawg rhe ua ob sab thiaj ua kiag ib lub kwj ha dav dav li kem sab hnub tuaj mus thoob plaws sab hnub poob, mas ib nrab roob thiaj txav rau sab ped ib nrab roob txav rau sab nrad. 5 Nej yuav khiav ntawm lub hav uas kuv ua ntawd, vim lub hav ntawd ntev mus txog ntua Asxas. Nej yuav tawm khiav mus yam nkaus li thaum Uxiyas ua vajntxwv kav Yahdah tebchaws es ntuj qeeg nej thiaj khiav. (יחוח)Yahweh  uas yog kuv Tus Tswv yuav los thiab cov tibneeg dawb huv saum ntuj sawvdaws yuav nrog nws los. 6 Hnub ntawd yuav tsis muaj caij no tsis muaj te,

7 yuav muaj nruab hnub xwb (יחוח)Yahweh  yeej paub hnub ntawd), tsis muaj nruab hnub tsis muaj hmo ntuj, txawm yog txog caij tsaus ntuj lawm los yeej pom kev li. 8 Hnub ntawd dej cag yuav ntws tawm hauv Yeluxalees, ib nrab ntws mus rau lub hiavtxwv sab hnub tuaj, ib nrab ntws mus rau lub hiavtxwv sab hnub poob. Lub caij ntuj kub los dej yuav ntws nto yam nkaus li lub caij ntuj no.

9 (יחוח)Yahweh  yuav ua vajntxwv kav tag nrho lub ntiajteb huvsi. Hnub ntawd tsuas yog muaj (יחוח)Yahweh  tib leeg xwb thiab muaj (יחוח)Yahweh  tib lub npe xwb.

10 Lub tebchaws huvsi yuav ntxeev ua teb tiaj teb tus txij ntawm lub moos Kenpas mus txog lub moos Limoos uas nyob ntawm Yelu-xalees sab nrad, tiamsis Yeluxalees tseem yuav nyob nws qhov chaw uas siab txij ntua ntawm Rooj Loog Npeyamees mus txog ntua lub chaw uas muaj Rooj Loog Qub thiab mus txog ntua lub rooj loog ntawm lub kaum loog, thiab ntawm lub chaw tsom faj Hananees txog ntua vajntxwv lub chaw tsuam kua txiv hmab.

11 Thiab yuav muaj tibneeg nyob hauv nroog vim yog tsis raug lo lus foom tsis zoo lawm. Yeluxalees yuav nyob tso siab lug.

12 Ntawm no mus yog tej vij sub vij sw uas (יחוח)Yahweh  yuav siv ntaus ib tsoom teb-chaws uas ua rog rau Yeluxalees. Thaum lawv tseem sawv tau nres nroos lawv tej nqaij yuav cia li lwj, lawv lub ntsiab muag yuav cia li lwj kiag ntawm lub qhov muag, thiab lawv tus nplaig yuav cia li lwj kiag hauv lawv lub qhov ncauj. 13 Hnub ntawd (יחוח)Yahweh  yuav ua rau lawv ntshai ras zom zaws loj kawg li. Lawv ib leeg yuav ntsiab pes nkaus ib leeg thiab ib leeg yuav tsa pes kiag tes ntaus ib leeg. 14 Txawm yog cov Yahdah los kuj yuav mus ntaus rog rau hauv Yeluxalees. Tej tebchaws sawvdaws uas nyob ib ncig tej nyiaj txiag qhov txhia chaw yuav raug muab khaws cia sau zog ua ke, yog kub thiab nyiaj thiab ris tsho hnav ntau kawg li. 15 (יחוח)Yahweh  yuav tso vij sub vij sw li no los rau lawv tej nees thiab tej luj txwv thiab tej ntxhuav thiab tej nees luav thiab txhua yam tsiaj txhu hauv tej yeej ntawd.

16 Mas cov tibneeg hauv ib tsoom tebchaws uas mus tawm tsam Yeluxalees es tseem muaj txojsia nyob kuj niaj xyoo yuav mus pe hawm tus vajntxwv uas yog (יחוח)Yahweh  uas muaj hwjchim loj kawg nkaus thiab ua kevcai nyob tsev pheeb suab. 17 Yog haiv neeg twg hauv qab ntuj no tsis mus rau hauv Yeluxalees es pe tus vajntxwv uas yog (יחוח)Yahweh  uas muaj hwjchim loj kawg nkaus mas nag yuav tsis los rau lawv. 18 Yog haiv neeg Iyi tsis mus tshwm ntsej muag rau ntawd ces lawv yuav raug tej vij sub vij sw uas (יחוח)Yahweh  tso rau tej tebchaws uas tsis mus ua kevcai nyob tsev pheeb suab. 19 Tej uas hais lus no yog tej uas txiav txim rau Iyi thiab ib tsoom tebchaws uas tsis mus ua kevcai nyob tsev pheeb suab.

20 Hnub ntawd yuav txam txwm rau phiaj tswb uas nees coj hais tias, dawb huv rau (יחוח)Yahweh , thiab tej lauj kaub uas siv hauv (יחוח)Yahweh  lub tuam tsev yuav zoo ib yam li tej phaj dawb huv uas siv ntawm lub thaj xyeem qhov txhia chaw. 21 Txhua lub lauj kaub hauv Yeluxalees thiab hauv Yahdah yuav dawb huv rau (יחוח)Yahweh  uas muaj hwjchim loj kawg nkaus kom txhua tus uas tuaj xyeem tsiaj rau (יחוח)Yahweh  thiaj coj tau tej lauj kaub ntawd mus hau tej nqaij uas xyeem ntawd. Hnub ntawd yuav tsis muaj tub lag tub luam nyob hauv (יחוח)Yahweh  uas muaj hwjchim loj kawg nkaus lub tuam tsev dua li lawm.