(יחוח)Yahweh  Yuav TxhiCov Tibneeg

1 Cia li thov (יחוח)Yahweh  pub nag los rau lub hauv xyoo,thov ntawm

(יחוח)Yahweh  uas tsim tej niag tauv huab tsaus nti, uas pub tej niag pluav nag rau tibneeg thiab pub tej liaj teb tuaj nroj tsuag thiab zaub rau sawvdaws.

2 Rau qhov tej dab mlom hais tsis tau qabhau abtsi, thiab cov txiv neeb txiv yaig kuj tsis pom qhov tseeb. Tus Kws npau suav los kuj piav tej npau suav dag, lawv lam nplij dag. Mas cov tibneeg thiaj li yuam kev yam nkaus li tej yaj, lawv raug kev txom nyem vim tsis muaj tus yug yaj.

3 Kuv chim thiab npau rau cov uas yug yaj, thiab kuv yuav teem txim rau cov thawj. Vim (יחוח)Yahweh  uas muaj hwjchim loj kawg nkaus mob siab nws pab yaj uas yog cov Yahdah, thiab yuav ua rau lawv zoo yam nkaus li cov nees ua rog uas cus heev.

4 Lub thawj txhib zeb uas muab ua tsev yuav tawm hauv lawv tuaj, tus tswg uas tsa tsev ntaub yuav tawm hauv lawv tuaj, rab hneev uas ua rog yuav tawm hauv lawv tuaj, thiab txhua tus thawj kav puavleej yuav tawm hauv lawv tuaj.

5 Lawv sau zog ua ke yuav zoo cuag li cov tub siab loj siab tuab, yuav tsuj pes ntiag tej yeeb ncuab rau hauv tej av nplaum hauv txoj kev. Vim (יחוח)Yahweh  nrog nraim lawv nyob lawv thiaj txawj ntaus rog, thiab lawv yuav ua rau cov uas caij nees poob pes nroos.

6 Kuv yuav pub zog rau Yahdah caj ces thiab cawm Yauxej(Yahseph) caj ces kom dim. Kuv yuav coj lawv rov qab los vim kuv khuvleej lawv. Thiab lawv yuav zoo yam nkaus li kuv twb tsis tau txeev tso lawv tseg li, rau qhov kuv yog (יחוח)Yahweh  uas yog lawv Tus Tswv mas kuv yuav teb lawv.

7 Efa‑is cov tibneeg yuav zoo yam nkaus li cov tub rog siab loj siab tuab, lawv yuav xyiv fab yam nkaus li haus cawv txiv hmab. Lawv tej menyuam yuav pom mas yuav zoo siab heev, lawv lub siab yuav xyiv fab kawg nkaus rau hauv (יחוח)Yahweh .

8 Kuv yuav xuav kauv hu lawv thiab qaws zog lawv los ua ke, rau qhov kuv twb txhiv lawv lawm thiab lawv yuav muaj coob yam nkaus li yav thaum ub.

9 Txawm yog kuv muab lawv ntiab ri sua rau hauv ib tsoom tebchaws los lawv tseem yuav nco ntsoov kuv hauv tej tebchaws deb deb ntawd, thiab lawv yuav tuav siav qas rawv nrog lawv tej menyuam nyob thiab rov qab los.

10 Kuv yuav coj lawv hauv Iziv tebchaws rov los thiab qaws lawv hauv Axilias tebchaws rov los, thiab kuv yuav coj lawv mus rau hauv Kile‑as thiab Lenpanoos tebchaws kom puv nkaus tsis muaj chaw nyob.

11 Lawv yuav hla lub hiavtxwv uas yog kev txom nyem, thiab kuv yuav ntaus tej niag nthwv dej ntas thiab ua rau tus niag dej Nais uas tob tob qhuav qhawv. Kuv yuav txo Axil-ias lub hwjchim uas khav theeb thiab Iziv tus cwj kav tebchaws yuav ploj mus.

12 Kuv yuav ua kom lawv muaj zog hauv (יחוח)Yahweh  thiab lawv yuav khav txog (יחוח)Yahweh  lub npe.  (יחוח)Yahweh  hais li no ntag.