Teem Txim Rau Tej Tebchaws Uas Nyob Ib Ncig

(יחוח)Yahweh  cov lus:

1 (יחוח)Yahweh  hais lus tawm tsam Halaj tebchaws thiab yuav los nyob rau saum lub nroog Damaxakas. Ib tsoom tebchaws thiab cov Ixayees txhua xeem yuav tsa muag saib (יחוח)Yahweh . 2 Thiab tawm tsam lub moos Hamas uas nyob npuas nkaus lawv ciam teb thiab tawm tsam lub nroog Thailab thiab lub moos Xaidoos uas muaj kev txawj ntse heev. 3 Thailab ua ntsa loog thaiv lub moos cia, thiab sau tau nyiaj ntau yam nkaus li tej niag pawg hmoov av thiab sau tau kub ntau yam nkaus li tej niag plas hmoov av hauv tej kev, 4 tiamsis (יחוח)Yahweh  yuav sau zog tej qhov txhia chaw hauv lub moos huvsi coj mus, thiab muab tej nyiaj txiag laim rau hauv hiavtxwv, thiab lub moos ntawd yuav raug hluavtaws kub hnyiab tag huvsi. 5 Lub moos Akheloos yuav pom thiab yuav ntshai, lub moos Kaxas yuav pom mas ib ce yuav tshee hnyo, lub moos Ekhoos kuj ib yam nkaus vim yog nws lub chaw vam ploj tag lawm. Tus vajntxwv uas kav lub moos Kaxas yuav puam tsuaj, yuav tsis muaj tibneeg nyob hauv lub moos Akheloos lawm, 6 cov tibneeg txuam tsoov yuav los nyob hauv lub moos Asadaus. Kuv yuav rhuav tshem cov Filixatees tej kev khav theeb kom ploj mus. 7 Kuv yuav muab cov ntshav uas lawv noj rho hauv lawv qhov ncauj los, kuv yuav muab tej nqaij qias vuab tsuab rho hauv lawv kaus hniav los. Cov tibneeg uas tseem tshuav nyob yuav los ua (יחוח)Yahweh  li tibneeg thiab yuav zoo ib yam li ib cum tibneeg hauv Yahdah. Ekhoos yuav zoo yam li cov tibneeg Yenpus. 8 Thiab kuv yuav zov kuv lub tsev tsis pub leejtwg coj tau tub rog mus mus los los. Thiab yuav tsis muaj leejtwg tuaj quab yuam tsim txom tau kuv cov tibneeg dua li lawm vim nimno kuv saib ntsoov lawv lawm.

​

Tus Vajntxwv Uas Yuav Kav Xi‑oo

9 Xi‑oo tus ntxhais es, cia li zoo siab xyiv fab kawg, Yeluxalees tus ntxhais es, cia li qw nrov. Saib maj, koj tus vajntxwv tabtom los cuag koj. Nws yog tus ncaj ncees thiab yog tus kov yeej. Nws txo nws lub hwjchim thiab caij ib tug nees luav, yog caij menyuam nees luav los. 10 Kuv yuav muab tej tsheb ua rog rhuav tshem hauv Efa‑is tebchaws mus thiab yuav muab cov nees ua rog tshem tawm hauv Yeluxalees mus. Tej hneev tua rog yuav raug muab rhuav tshem, mas tus vajntxwv yuav tu kom muaj kev thaj yeeb nyab xeeb rau ib tsoom tebchaws. Nws yuav kav txij ntua ntawm lub hiavtxwv no mus txog lub hiavtxwv tim ub, thiab ntawm tus niag dej Yufetis mus txog qab ntuj kawg.

​

Xi‑oo Yuav Rov Zoo Li Qub

11 Koj ne, vim yog cov ntshav uas ua lub hom thawj nias rau tej lus uas kuv cog tseg rau koj, mas kuv yuav tso koj cov uas raug muab kaw lawm dim hauv lub qhov qhuav ntawd.

12 Cov tibneeg uas raug luag kaw uas tseem muaj vam es, cia li rov qab mus rau nej lub chaw ruaj khov. Hnub no kuv tshaj tawm rau nej tias, kuv yuav thim ob npaug rau nej.

13 Kuv twb muab Yahdah nta rawv li tus qhaub hneev, thiab muab Efa‑is ua rab xub coj los nruab rau lawm. Xi‑oo es, kuv yuav sau koj cov tub huvsi mus ntaus Kilis cov tub thiab yuav tuav nej yam nkaus li cov tub rog tuav rab ntaj. 14 Mas (יחוח)Yahweh  yuav tshwm rau saum lawv thiab (יחוח)Yahweh  cov xub yuav ya mus yam nkaus li xob laim. (יחוח)Yahweh  yuav tshuab raj kub yaj thiab yuav nrog lub khaub zeeg cua nram qab ntug mus. 15 (יחוח)Yahweh  uas muaj hwjchim loj kawg nkaus yuav tsom kwm lawv, mas lawv yuav rhuav tshem tsuj pes ntiag cov uas txawj xuas hlua fiav ntaus qe zeb. Lawv yuav noj yuav haus qw ua tsuj ua tsaug yam li haus cawv txiv hmab. Lawv yuav tsau npo yam nkaus li lub phaj uas rau cov ntshav thiab ntub yam nkaus li cov kub thaj ntub ntshav.

16 Hnub ntawd mas (יחוח)Yahweh  uas yog lawv Tus Tswv yuav cawm lawv, vim lawv yog nws cov tibneeg ib yam li yog nws pab yaj. Lawv yuav ci ntsa iab rau hauv nws lub tebchaws yam nkaus li tej qe zeb hlaws uas ci ci hauv lub mom kub. 17 Lub tebchaws yuav zoo thiab zoo nkauj tiag tiag li lauj! Tej qoob yuav ua rau cov tub hluas kheev hlob thiab tej cawv txiv hmab tshiab yuav ua rau cov ntxhais hluas hlob zoo.