Cog Lus Tseg Tias Yeluxalees Yuav Rov Zoo Li Qub​

1 (יחוח)Yahweh  uas muaj hwjchim loj kawg nkaus hais lus tuaj rau kuv.

2 (יחוח)Yahweh  uas muaj hwjchim loj kawg nkaus hais tias, kuv khib xeeb Xi‑oo heev.

Kuv khib xeeb kawg ua npau taws vog.

3 (יחוח)Yahweh  hais li no tias, kuv yuav rov qab mus rau ntawm Xi‑oo thiab mus nyob hauv plawv Yeluxalees. Mas lawv yuav hu Yeluxalees tias lub nroog ncaj ncees, thiab hu (יחוח)Yahweh  uas muaj hwjchim loj kawg nkaus lub roob ua lub roob dawb huv.

4 (יחוח)Yahweh  uas muaj hwjchim loj kawg nkaus hais li no tias, cov yawg laus thiab pog laus yuav rov zaum tswb tsaws hauv tej kev hauv Yeluxalees, sawvdaws yuav tuav pas nrig vim yog laus laus li lawm. 5 Yuav muaj metub mentxhais khiav ua si hauv tej kev hauv lub nroog thoob plaws. 6 (יחוח)Yahweh  uas muaj hwjchim loj kawg nkaus hais li no tias, thaum cov tibneeg uas tseem tshuav nyob pom tej no lawv yuav phimhwj. Tiamsis tej no yuav ua rau kuv phimhwj lov?

(יחוח)Yahweh  uas muaj hwjchim loj kawg nkaus hais li no ntag.

7 (יחוח)Yahweh  uas muaj hwjchim loj kawg nkaus hais li no tias, saib maj, kuv yuav cawm kuv cov tibneeg kom dim hauv cov tebchaws uas nyob sab hnub tuaj thiab hauv cov teb-chaws uas nyob sab hnub poob. 8 Kuv yuav coj lawv los nyob hauv Yeluxalees. Lawv yuav ua kuv haiv neeg thiab kuv yuav ua lawv Tus Tswv thiab ua ncaj ncees thiab ua zoo rau lawv. 9((יחוח)Yahweh  uas muaj hwjchim loj kawg nkaus hais li no tias, nej cov uas nimno tau hnov tej lus no ntawm cov xibhwb cev (יחוח)Yahweh  lus qhov ncauj txij hnub uas nej tiag tej taw ua (יחוח)Yahweh  uas muaj hwjchim loj kawg nkaus lub tuam tsev, nej cia li ua nej txhais tes kom muaj zog xwv thiaj ua tau lub tuam tsev tiav. 10 Vim yog thaum ub tsis muaj nqe zog rau tibneeg thiab tsiaj txhu, tsis muaj leejtwg tau luag tawm mus, nkag los, vim yog muaj yeeb ncuab, vim kuv ua rau sawvdaws sib tawm tsam. 11 (יחוח)Yahweh  uas muaj hwjchim loj kawg nkaus hais tias, nimno kuv yuav tsis ua rau cov tibneeg uas tshuav nyob zoo yam li yav thaum ub lawm.

12 Yuav muaj siab tus yees mus tseb noob qoob noob loo. Tsob txiv hmab yuav txi txiv thiab tej teb yuav tau qoob thiab lub ntuj yuav pub lwg los. Kuv yuav pub kom cov tibneeg uas tseem tshuav nyob tau tej no huvsi ua lawv tug. 13 Cov Yahdah thiab cov Ixayees es, nej twb txeev raug ib tsoom tebchaws tsawm foom li cas mas kuv yuav cawm nej thiab nej yuav muaj koob hmoov rau luag ib yam li ntawd. Nej tsis txhob ntshai, cia li ua nej txhais tes khov kho. 14 (יחוח)Yahweh  uas muaj hwjchim loj kawg nkaus hais li no tias, thaum nej tej poj koob yawm txwv zes ua kom kuv chim, kuv kuj txiav txim siab tias kuv yuav ua rau nej raug xwm txheej phem, kuv tsis zam nej li. (יחוח)Yahweh  uas muaj hwjchim loj kawg nkaus hais li no ntag. 15 Mas hnub no kuv txiav txim siab dua tias kuv yuav ua zoo rau Yeluxalees thiab cov Yahdah. Nej tsis txhob ntshai li. 16 Tej uas nej yuav tsum ua yog li no, ib leeg yuav hais lus tseeb rau ib leeg, yuav tu plaub ncaj ua kom sawvdaws nyob sib haum xeeb. 17 Ib leeg tsis txhob ntaus tswvyim phem hauv lub siab rau ib leeg, tsis txhob tuav (יחוח)Yahweh  lub npe cog lus twv dag. Tej no huvsi mas kuv ntxub heev. (יחוח)Yahweh  hais li no ntag. 18 (יחוח)Yahweh  uas muaj hwjchim loj kawg nkaus hais lus tuaj rau kuv.

19 (יחוח)Yahweh  uas muaj hwjchim loj kawg nkaus hais li no tias, tej sijhawm uas nej yoo mov rau lub plaub hlis, thiab lub tsib hlis, thiab lub xya hli, thiab lub kaum hli, mas yuav ntxeev ua tej sijhawm zoo siab xyiv fab npaj noj npaj haus rau Yahdah caj ces. Vim li no nej yuav tsum nyiam kev tseeb thiab kev sib haum xeeb. 20 (יחוח)Yahweh  uas muaj hwj-chim loj kawg nkaus hais li no tias, yuav muaj tibneeg coob coob tuaj, yuav tuaj hauv ntau lub moos tuaj.

21 Ib lub moos cov tibneeg yuav mus nrhiav ib lub moos cov tibneeg hais tias, cia peb ua ke tamsim no mus thov (יחוח)Yahweh  tsa muag zaj saib peb thiab nrhiav (יחוח)Yahweh  uas muaj hwjchim loj kawg nkaus. Kuv yeej yuav mus thiab. 22 Yuav muaj tibneeg coob coob thiab ntau lub tebchaws uas muaj zog tuaj nrhiav (יחוח)Yahweh  uas muaj hwjchim loj kawg nkaus hauv Yeluxalees thiab thov

(יחוח)Yahweh  tsa muag zaj saib lawv.

23 (יחוח)Yahweh  uas muaj hwjchim loj kawg nkaus hais li no tias, lub sijhawm ntawd yuav muaj kaum leej tuaj ntawm txhua lub tebchaws thiab txhua haiv neeg tuaj tuav ib tug Yudais lub qab tsho thiab hais tias, thov cia peb nrog nej mus thiab, vim peb twb hnov tias (יחוח)Yahweh  nrog nraim nej.