Thuam Qhov Uas Lam Yoo Mov

1 Xyoo plaub uas Dali‑as ua vajntxwv, hnub tim plaub, lub cuaj hli uas yog lub hli Khiles mas (יחוח)Yahweh  hais lus tuaj rau Zecharyah.

2 Cov tibneeg hauv lub moos Npe‑ ees txib Salexaws thiab Lekeemelej thiab lawv cov tibneeg mus thov (יחוח)Yahweh  tsa muag zaj saib, 3 thiab ua nug rau cov pov thawj uas nyob hauv (יחוח)Yahweh  uas muaj hwjchim loj kawg nkaus lub tuam tsev thiab cov xibhwb uas cev (יחוח)Yahweh  lus hais tias, puas tsim nyog quaj ntsuag yoo mov rau lub tsib hlis yam li uas peb twb ua ntau xyoo los lawm los tsis tsim nyog ua lawm?

4 (יחוח)Yahweh  uas muaj hwjchim loj kawg nkaus hais lus tuaj rau kuv tias,

5 Cia li hais rau cov pejxeem sawvdaws hauv lub tebchaws thiab cov pov thawj tias, thaum nej yoo mov quaj ntsuag rau lub tsib hlis thiab lub xya hli tau xya caum xyoo los no sub yog nej yoo, vim nej nco txog kuv lov?

6 Thiab thaum nej noj nej haus sub tsis yog nej noj nej haus rau nej tus kheej xwb lov?

7 Thaum tseem muaj tibneeg nyob hauv Yeluxalees thiab muaj kev vam meej heev, thiab tseem muaj tibneeg nyob hauv tej zej zog ib ncig thiab nyob hauv Nekes thiab saum tej pov roob Sefelas, (יחוח)Yahweh  twb hais tej lus no rau cov xibhwb uas cev kuv li lus txheej thaum ub los tsis yog?

​

Tsis Mloog Lus Thiaj Poob Tebchaws

8 (יחוח)Yahweh  hais lus tuaj rau Zecharyah tias, 9 (יחוח)Yahweh  uas muaj hwjchim loj kawg nkaus hais li no tias, yuav tsum tu plaub ncaj thiab khuvleej lwm tus ib leeg hlub ib leeg.

10 Tsis txhob quab yuam tej poj ntsuam tej menyuam ntsuag uas tsis muaj txiv thiab lwm haiv neeg uas nrog nej nyob thiab tej tibneeg pluag, thiab tsis txhob ntaus tswvyim phem hauv lub siab rau kwvtij zej zog.

11 Tiamsis lawv tsis kam mloog lawv fee plhu kiag tawv ncauj thiab ntsaws qhov ntsej thiaj tsis hnov.

12 Lawv ua lawv lub siab tawv cuag zeb cuag hlau lawv thiaj tsis mloog txoj kevcai thiab (יחוח)Yahweh  uas muaj hwjchim loj kawg nkaus tej lus uas nws Tus Ntsuj Plig Dawbhuv kom cov xibhwb cev (יחוח)Yahweh  lus txheej thaum ub qhia rau lawv. Vim li no (יחוח)Yahweh  uas muaj hwjchim loj kawg nkaus thiaj li chim heev rau lawv.

13 (יחוח)Yahweh  uas muaj hwjchim loj kawg nkaus hais tias, thaum kuv hu, lawv tsis mloog li cas, mas thaum lawv hu, kuv kuj tsis mloog ib yam li ntawd thiab.

14 Kuv thiaj cia khaub zeeg cua ntsawj lawv tawg ri sua mus nyob rau hauv txhua lub tebchaws uas lawv tsis tau paub kiag li. Mas lawv lub tebchaws thiaj li nyob do cuas tsis muaj tibneeg nkag mus rau hauv li. Lub tebchaws uas txeev noj qab nyob zoo twb puam tsuaj tag nyob do cuas cia.