Plaub Lub Tsheb Ua Rog

1 Kuv rov tsa muag saib mas pom dheev plaub lub tsheb ua rog tawm ntawm ob lub roob kem nruab nrab tuaj. Ob lub roob ntawd yog roob tooj liab.

2 Thawj lub tsheb yog cov nees liab hai, lub ob yog cov nees dub hai, 3 lub peb yog cov nees dawb hai, lub plaub yog cov nees txheeb hai.

4 ces kuv txawm nug tus tubtxib saum ntuj uas nrog kuv hais lus tias, Yawg hlob, tej no yog abtsi?

5 Tus tubtxib saum ntuj ntawd teb kuv tias, tej no yog plaub fab cua uas nyob ntawm (יחוח)Yahweh , uas kav tag nrho qab ntuj no huvsi xubntiag es tawm mus.

6 Lub tsheb uas cov nees dub hai mus rau lub tebchaws sab ped, lub tsheb uas cov nees dawb hai mus rau lub tebchaws sab hnub poob, thiab lub tsheb uas cov nees txheeb hai mus rau tebchaws sab nrad.

7 Thaum cov nees no tawm mus mas cov nees siab kub heev, huas ntshis mus tshuaj saib thoob plaws ntiajteb. Tus tubtxib hais tias, mus maj, mus tshuaj saib kom thoob plaws ntiajteb. Mas lawv thiaj li mus tshuaj saib thoob plaws ntiajteb.

8 Nws txawm qw rau kuv hais tias, cov nees uas mus rau tebchaws sab ped, tau ua rau kuv Tus Ntsuj Plig Dawb huv nyob tus yees rau hauv lub tebchaws sab ped lawm.

​

Muab Lub Mom Vajntxwv Rau Yahshua Ntoo

9 (יחוח)Yahweh  hais lus tuaj rau kuv tias, 10 Heedais thiab Thaunpiyas thiab Yedayas uas twb poob tebchaws lawm rov qab los ntawm Npanpiloos tebchaws los. Koj cia li txais tej uas lawv coj tuaj mas ua tib hnub mus rau hauv Zephanyah tus tub Yauxiyas lub tsev.

11 Muab cov nyiaj thiab cov kub ntawd ua ib lub mom vajntxwv es muab looj kiag rau saum Yehauxadas tus tub Yahshua uas ua tus tuam pov thawj hlob ntoo.

12 Thiab hais rau nws tias, (יחוח)Yahweh  uas muaj hwjchim loj kawg nkaus hais tias, saib maj, tus txivneej no yog tus uas muaj npe hu ua tus ceg ntoo, vim yog nws yuav hlob loj zuj zus rau hauv nws lub chaw, thiab nws yuav ua (יחוח)Yahweh  lub tuam tsev.

13 Tus no yog tus uas yuav ua

(יחוח)Yahweh  lub tuam tsev thiab yuav tau hwjchim meej mom thiab yuav tau nyob lub zwm txwv kav txhua yam. Thiab yuav muaj ib tug pov thawj nyob ntawm lub zwm txwv ib sab mas ob tug ntawd yuav nyob thooj xeeb haum hauv. 14 Lub mom vajntxwv ntawd yuav nyob hauv (יחוח)Yahweh  lub tuam tsev, yuav ua lub chaw nco txog Heedais thiab Thau-npiyas thiab Yedayas thiab Zephanyah tus tub Yauxiyas.

15 Cov tibneeg uas nyob deb yuav tuaj pab ua (יחוח)Yahweh  lub tuam tsev mas nej yuav paub tseeb tias yog (יחוח)Yahweh  uas muaj hwjchim loj kawg nkaus txib kuv los rau nej. Yog nej mob siab mloog (יחוח)Yahweh  uas yog nej Tus Tswv tej lus mas tej no yeej yuav tshwm los.