Nau-As Cov Tub Caj Ces

(1 Vaj Keej Kwm 1:5-23)

1 Txij ntawm no mus yog Nau-as cov tub li caj ces, yog Xeeb thiab Has thiab Yafes lawv tej tub ki uas dej nyab ntiajteb tag li yug los.

​

Yafes Caj Ces

2 Yafes cov tub yog Kaumaws, Makaus, Madais, Yavas, Thunpas, Meses thiab Thilas.

3 Kaumaws cov tub yog Akhenas, Lifas thiab Thaukamas. 

4 Yavas cov tub yog Elisas, Thasis, Khithis thiab Daudanis.

5 (Cov tibneeg no tej tub ki thiaj mus nyob thoob plaws tej tebchaws ntawm ntug hiav txwv, nyias nyob nyias ib lub nyuag tebchaws, nyias hais nyias ib yam lus, nyias nrog nyias cum nyob, thiab nyias ua nyias ib haiv neeg.)

​

Has Caj Ces

6 Has cov tub yog Khuj, Iziv, Phuj thiab Khana‑as.  

7 Khuj cov tub yog Xenpas, Havilas, Xathas, La‑amas thiab Xathekas. La‑amas cov tub yog Senpas thiab Dedas.

8 Khuj muaj ib tug tub hu ua Nilauj. Nilauj yog thawj tug uas muaj siab loj siab tuab hauv ntiajteb no. 

9 Nilauj yog tus Kws txawj tua nqaij kawg li tab meeg ntawm (יחוח)Yahweh xubntiag. Vim li no, thiaj muaj paj lug hais tias, txawj tua nqaij zoo li Nilauj uas tua tab meeg ntawm (יחוח)Yahweh xubntiag.

10 Thawj peb lub tebchaws uas Nilauj kav yog lub moos Npanpiloos, lub moos Elej, thiab lub moos Akhab. Txhua lub moos no nyob hauv Sinas tebchaws. 

11 Nilauj tawm ntawm lub tebchaws ntawd mus rau Axilias tebchaws mas rhawv lub moos Ninaves, lub moos Lehaunpau‑is, lub moos Khalas,

12 Thiab lub moos Lexees, uas nyob ntawm lub moos Ninaves, thiab lub moos Khalas, ntu nruab nrab. Lub moos Khalas ntawd loj kawg li. 

13 Iziv cov tub yog cov tibneeg no, yog cov Ludis, cov Anamis, cov Lehanpis, cov Nathuhis,

14 cov Paluxis thiab cov Khaluhis (cov tibneeg Filixatees yog tshwm ntawm cov Khaluhis thiab cov Khathaulis los.  

15 Khana‑as cov tub yog cov no, Xaidoos yog tus tub hlob, cov yau yog Hej,

16 thiab cov Yenpus, cov Amaulais, cov Kawkasis,

17 cov Hivais, cov Akhis, cov Xinis,

18 cov Alavas, cov Xemas thiab cov Hamas. Yav tom qab no tej cum Khana‑as nyias txawm ncaim mus nyob nyias lawm.

19 Cov Khana‑as cov tebchaws yog txij ntua lub moos Xaidoos mus rau lub moos Kelas thiab txog ntua lub moos Kaxas thiab mus rau lub moos Xaudoos thiab Kaumaulas thiab Amas thiab Xenpau‑is thiab txog ntua lub moos Lasas. 

20 Cov no yog Has cov tub uas lawv nyias nrog nyias cum nyob, nyias hais nyias ib yam lus, nyias nyob nyias ib lub nyuag tebchaws, thiab nyias ua nyias ib haiv neeg.

​

Xeeb Caj Ces

21 Xeeb uas yog Yafes tus tijlaug hlob kiag kuj muaj tub. Nws yog cov Enpaws sawvdaws tus yawg koob. 

22 Xeeb cov tub yog Elas, Asus, Apasas, Lus thiab Alas.

23 Alas cov tub yog Us, Hoos, Kethaws thiab Mab. 

24 Apasas muaj ib tug tub hu ua Selas. Selas muaj ib tug tub hu ua Enpaws.  

25 Enpaws muaj ob tug tub, ib tug hu ua Peles, vim yog thaum Peles ua neej nyob ntawd, tej tibneeg txawm faib teb faib chaw.  Peles tus kwv hu ua Yaujthas. 

26 Yaujthas cov tub yog cov no, yog Amaudas, Seleb, Haxamaves, Yelas,

27 Hadaulas, Uxas, Ntilas,

28 Aunpas, Anpima‑ees, Senpas,

29 Aufis, Havilas thiab Yaunpam. Cov tibneeg no puav leej yog Yaujthas cov tub ki xeeb ntxwv.

30 Lub teb­chaws uas lawv nyob ntawd, nyob txij ntua ntawm lub moos Mesas mus rau lub moos Xefas uas nyob saum tej roob sab hnub tuaj. 

31 Cov tibneeg no yog Xeeb li caj ces uas lawv nyias nrog nyias cum nyob, nyias hais nyias ib yam lus, nyias nyob nyias ib lub nyuag tebchaws thiab nyias ua nyias ib haiv neeg. 

32 Cov tibneeg no yog Nau-as cov tub li caj ces uas nyias nrog nyias cum nyob thiab nyias ua nyias ib haiv neeg. Txhua haiv neeg puavleej tshwm ntawm lawv los mus nyob puv ntiajteb tom qab uas dej nyab ntiajteb lawd.