(יחוח)Yahweh Cog Lus Rau Anplas

1 Dhau ntawd, Anplas ua yog toog pom (יחוח)Yahweh hais rau nws tias, Anplas, koj tsis txhob ntshai, kuv yog daim hlau uas thaiv koj, kuv yuav pub tshav ntuj ntau kawg rau koj. 

2 Anplas nug tias, Au (יחוח)Yahweh, koj yuav pub abtsi rau kuv? Vim tias kuv tseem tsis tau muaj menyuam li, mas Eliyexaws uas yog tibneeg Damaxakas yuav ua tus uas saws kuv qub txeeg qub teg.

3 Thiab Anplas hais tias, koj tsis tau pub menyuam rau kuv, mas ib tug tub qhe uas yug hauv kuv tsev, yuav ua tus saws kuv qub txeeg qub teg. 

4 Mas (יחוח)Yahweh hais lus tuaj rau Anplas tias, tus kod tsis yog tus uas saws koj qub txeeg qub teg. Koj tus tub uas koj yug yuav ua tus uas saws ntag.

5 (יחוח)Yahweh txawm coj Anplas tawm rau sab nraud, mas hais tias, cia li saib saum ntuj, yog koj suav txheeb tej hnub qub, cia li suav mus. Mas

(יחוח)Yahweh hais rau nws tias, koj caj ces yuav coob ib yam nkaus li ntawd. 

6 Anplas kuj ntseeg (יחוח)Yahweh. (יחוח)Yahweh suav tias qhov uas Anplas ntseeg ntawd yog txojkev ncaj ncees rau Anplas.

7 Mas (יחוח)Yahweh hais rau Anplas tias, kuv yog (יחוח)Yahweh uas coj koj tawm hauv cov Kheedias lub moos Aw, thiaj li pub tau lub tebchaws no rau koj ua koj tug.

8 Anplas hais rau nws tias, Au (יחוח)Yahweh, kuv yuav ua li cas paub tias kuv yuav tau lub tebchaws no ua kuv tug?

9 (יחוח)Yahweh hais rau Anplas tias, cia li coj ib tug maum nyuj, muaj peb xyoos, thiab ib tug maum tshis, muaj peb xyoos, thiab ib tug txiv yaj, muaj peb xyoos, thiab ib tug nquab taug, thiab ib tug rhaws nquab nyeg, tuaj rau kuv. 

10 Anplas thiaj coj tej tsiaj no tuaj, thiab muab cov tsiaj phua ua ob sab, tso ua ob leej sib ncaj, tiamsis cov noog ntawd mas tsis phua. 

11 Thaum tej liaj dav ya los rau ntawm cov nqaij ntawd, Anplas muab ntiab khiav mus. 

12 Thaum hnub yuav poob qho, dab ntub txawm laum Anplas tsaug zog heev, txojkev ntshai thiab kev tsaus ntuj dub nciab los tsuam nws. 

13 Mas (יחוח)Yahweh hais rau Anplas tias, koj cia li paub tseeb tias, koj caj ces yuav poob tebchaws mus nyob rau hauv lub teb­chaws uas tsis yog lawv teb lawv chaw, thiab lawv yuav ua luag qhev, thiab raug tsim txom plaub puas xyoo rau qhov ntawd.

14 Tiamsis kuv yuav rau txim rau lub tebchaws uas lawv ua qhev ntawd, mas dhau ntawd lawv yuav tawm los muaj nyiaj nplua nuj, qhov txhia chaw ntau. 

15 Tiamsis koj mas koj yuav mus nrog koj tej poj koob yawm txwv nyob siab tus yees, koj yuav laus heev li tuag thiab muab faus. 

16 Mas tiam uas plaub, koj caj ces yuav rov los rau ntawm no, vim yog cov Amaulais tej kev phem kev qias tsis tau txaus. 

17 Thaum hnub poob qho thiab tsaus ntuj dub lawm, txawm muaj ib cub hluavtaws pa ncho auv niab, thiab ib teg tsau cig lam lug mus hauv nruab nrab ntawm ob leej nqaij ntawd.

18 Hnub ntawd (יחוח)Yahweh cog lus rau Anplas tias, kuv muab lub tebchaws no rau koj caj ces, txij ntua tus dej Iziv mus txog tus dej loj uas yog tus dej Yufetis. 

19 Uas yog cov Khenais, cov Khenixais, cov Khamaunais,

20 cov Hithais, cov Pelixais, cov Lefa‑is,

21 cov Amaulais, cov Khana‑as, cov Kawkasis thiab cov Yenpus lub tebchaws.