Tibneeg Tsis Mloog Yahweh Lus

1 Tej tsiaj qus uas (יחוח)Yahweh tsim mas nab ntse dua huvsi. Nab thiaj nug tus pojniam ntawd tias, (יחוח)Yahweh hais tias, tsis txhob noj txhua yam txiv ntoo hauv lub vaj no tiag lov?

2 Tus pojniam thiaj teb nab tias, wb noj tau tej txiv ntoo hauv lub vaj no huvsi,

3 tiamsis (יחוח)Yahweh hais tias, neb tsis txhob noj tsob txiv ntoo uas nyob hauv plawv vaj, thiab tsis txhob kov kiag li, tsam ces neb tuag.

4 Nab txawm hais rau tus pojniam ntawd tias, neb yeej yuav tsis tuag li.

5 (יחוח)Yahweh hais li ntawd vim nws paub tias, neb noj tsob txiv ntoo ntawd thaum twg ces neb lub qhov muag yuav pom tseeb thaum ntawd, mas neb yuav zoo ib yam li (יחוח)Yahweh, yog paub qhov zoo qhov phem.

6 Thaum tus pojniam ntawd pom tias tsob txiv ntoo ntawd ntxim qab, thiab saib ntsoov liab siab kawg li, thiab pom tias tsob txiv ntoo ntxim ntshaw, vim ua kom muaj tswvyim plab plaws, nws thiaj de los noj, thiab cev rau nws tus txiv mas nws tus txiv kuj noj.

7 Mas nkawv ob leeg lub qhov muag txawm pom tseeb tuaj, thiab nkawv xam pom tias nkawv nyob liab qab. Nkawv thiaj muab nplooj txiv cev los xaws ua tsoos hnav.

8 Thaum tshav ntuj laj lawm, nkawv txawm hnov (יחוח)Yahweh tuaj ncig rau hauv lub vaj, mas tus txiv thiab nws tus pojniam thiaj mus khiav nkaum rau hauv cov ntoo hauv lub vaj, kom dhau (יחוח)Yahweh lub xubntiag.

9 Ces (יחוח)Yahweh hu tus txiv ntawd thiab hais rau nws tias, koj nyob qhovtwg?

10 Tus txiv teb tias, kuv hnov koj tuaj rau hauv lub vaj mas kuv ntshai, vim yog kuv nyob liab qab, kuv thiaj mus khiav nkaum lawm. 

11 (יחוח)Yahweh hais tias, leejtwg hais rau koj tias koj liab qab? Koj noj tsob txiv ntoo uas kuv txwv tsis pub koj noj lawm lov?

12 Tus txivneej hais tias, twb yog tus pojniam uas koj pub nrog kuv nyob ua ke, muab tej txiv ntawd rau kuv mas kuv thiaj noj.

13 (יחוח)Yahweh hais rau tus pojniam tias, koj ua abtsi li no? Tus pojniam teb tias, nab ntxias kuv, kuv thiaj li noj.

14 (יחוח)Yahweh thiaj hais rau nab tias, vim qhov uas koj ua li no, koj yuav raug foom tsis zoo heev dua tej tsiaj nyeg, tsiaj qus huvsi. Koj yuav xuas lub plab tshiav av, thiab yuav noj hmoov av mus tag koj sim neej.

15 Kuv yuav ua rau koj thiab tus pojniam no ua yeeb ncuab, koj caj ces thiab tus pojniam caj ces yuav ua yeeb ncuab mus li. Tus pojniam caj ces yuav tsoo koj taubhau kom ntsoog, thiab koj yuav tom nws luj taws. 

16 (יחוח)Yahweh hais rau tus pojniam tias, kuv yuav tsav kev mob ntau rau koj, rau thaum koj suab menyuam, koj yuav mob heev rau thaum koj yug menyuam, txawm li ntawd los koj tseem xav nrog koj tus txiv ua txij ua nkawm, thiab koj tus txiv yuav tswjhwm koj.

17 (יחוח)Yahweh hais rau Adas tias, vim koj mloog koj tus pojniam lus es noj tsob txiv ntoo uas kuv hais tias, koj tsis txhob noj, mas tej av raug foom tsis zoo, vim yog tim koj, koj yuav nrhiav noj khwv khwv li tag koj sim neej. 

18 Cov av yuav tuaj pos thiab tuaj nroj tsuag rau koj, thiab koj yuav noj tej qoob loo hauv daim teb. 

19 Koj yuav khwv nto hws lug thiaj tau noj mus txog thaum koj rov qab mus rau hauv av, vim yog tsim koj tawm hauv av los. Koj yog hmoov av, mas koj yuav rov mus ua hmoov av. 

20 Adas hu nws tus pojniam lub npe tias Evas, vim nws yog ib tsoom tib­neeg

uas muaj txojsia nyob leej niam.

21 (יחוח)Yahweh muab tawv tsiaj ua tsoos tsho rau Adas thiab nws tus pojniam nkawv hnav. 

22 Mas (יחוח)Yahweh hais tias, saib maj, tus tibneeg ntawd los ua zoo li peb lawm, thiab txawj paub qhov zoo qhov phem. Nimno tsis kheev nws cev tes de tsob txiv uas pub txojsia los noj, es muaj txojsia ntev mus ib txhis tsis kawg.

23 Vim li no, (יחוח)Yahweh thiaj ntiab nws tawm hauv lub vaj Edees mus ua liaj ua teb rau hauv cov av uas (יחוח)Yahweh tsim nws tawm los.  

24 (יחוח)Yahweh ntiab tus tibneeg ntawd, tawm mus thiab tsa cov Khelunpees, nyob ntawm lub vaj Edees sab hnub tuaj, thiab tsa ib rab ntaj nplaim taws uas txawj tig rau txhua fab zov txojkev uas nkag rau ntawm tsob ntoo uas pub txojsia.