1 Kuv yog Sha-ul, uas yog (יהושע)Yahshua Messiah tus tubtxib, raws li Abba  (יחוח)Yahweh  lub siab nyiam rau tej lus cog tseg uas muaj txojsia hauv (יהושע)Yahshua Messiah.

2 Kuv sau tsab ntawv no tuaj rau kuv tus tub Timothy uas kuv hlub. Thov txojkev hlub, txojkev khuvleej thiab txojkev ywjpheej ntawm Abba (יחוח)Yahweh  thiab ntawm (יהושע)Yahshua Messiah uas yog peb tus Cawmseej nrog nraim koj.

​

Muaj Siab Xib Rau Txoj Hmoo Zoo

3 Kuv ua Abba (יחוח)Yahweh  tsaug, tus uas kuv muaj lub siab dawb paug ua koom tu ib yam li kuv tej poj koob yawm txwv ua, kuv nco ntsoov thov Abba (יחוח)Yahweh  pab rau koj txhua lub sijhwm uas kuv ua nws tsaug, tsis hais nruab hnub los hmo ntuj.

4 Thaum kuv nco txog koj tej kua muag, ua rau kuv xav pom koj heev, yog kuv pom koj ntshe yuav ua rau kuv zoo siab heev.

5 Kuv nco txog koj txojkev ntseeg tuaj nruab siab, yog txojkev ntseeg uas koj pog Lau-is thiab koj niam Enikes xub muaj ua ntej, mas nimno kuv ntseeg tias kuj muaj nyob hauv koj thiab.

6 Vim li no, kuv thiaj xav hais dua ib zaug rau koj tias, yam uas Abba (יחוח)Yahweh  pub rau koj, rau thaum kuv muab tes npuab, koj cia li ua kom cig hlob tuaj.

7 Vim Abba (יחוח)Yahweh  tsis pub lub siab ntshai rau peb, tiamsis pub lub siab muaj hwjchimm, thiab kev hlub, thiab kev tswj yus tus kheej rau peb xwb.

​

Tsis Txhob Txaj muag Ua Timkhawv Txog (יהושע)Yahshua Messiah

8 Vim li no, koj tsis txhob txaj muag ua timkhawv txog peb tus Cawmseej (יהושע)Yahshua Messiah, thiab tsis txhob txaj muag txog kuv, qhov uas kuv raug kaw, vim yog ua nws tes haujlwm, tiamsis cia li koom nrog kuv vam khom Abba (יחוח)Yahweh  lub hwjchim, thev kev txom nyem rau txoj hmoo zoo.

9 Abba (יחוח)Yahweh  yog tus cawm peb dim thiab hu peb ntawm txojkev dawb huv, tsis yog raws li tej haujlwm uas peb ua, tiamsis raws li Abba (יחוח)Yahweh  xav tseg lawm, thiab raws li nws txojkev hlub uas nws pub rau peb hauv (יהושע)Yahshua Messiah ua ntej chiv keeb thaum ub los lawm.

10 Nimno ua tshwm kom pom tseeb ntawm qhov uas peb tus Cawmseej (יהושע)Yahshua Messiah tshwm los, yog tus uas rhuav tshem txojkev tuag, kom ploj tag thiab ua kom txojsia thiab qhov uas tsis txawj tuag tshwm los ntawm txoj hmoo zoo.

11 Txoj hmoo zoo ntawd mas kuv raug tsa ua tus tshaj tawm, thiab ua tus tubtxib, thiab ua tus qhuab qhia.

12 Kuv thiaj raug kev txom nyem li no. Tiamsis kuv tsis txaj muag, vim tias kuv paub tus uas kuv ntseeg thiab ntseeg ruaj tias nws muaj peevxwm tsom kwm yam uas kuv muab cob rau nws mus txog hnub uas teem cia.

13 Cia li xyaum raws li tej lus qhia raug cai uas koj tau hnov ntawm kuv thiab nyob hauv txojkev ntseeg, thiab txojkev hlub uas muaj hauv (הושע)Yahshua Messiah. 14 Cia Tus Ntsuj Plig Dawbhuv uas nyob hauv peb, pab koj tuav rawv yam tsim txiaj uas muab cob rau koj lawd.

15 Koj kuj paub tias, txhua tus uas nyob hauv lub xeev Asia, kuj ncaim kuv mus tag lawm, hauv lawv cov ntawd kuj muaj Fikelas thiab Hawmaukenes.

16 Thov Abba (יחוח)Yahweh  khuvleej Aunexifaulas tsev neeg, rau qhov nws pheej txhawb kuv lub zog. Nws tsis txaj muag rau kuv txoj saw hlau li, 17 vim thaum nws tuaj txog lub nroog Loos, nws siv zog nrhiav kom ntsib tau kuv li.

18 Thov Abba (יחוח)Yahweh  pub kom nws tau txais (יהושע)Yahshua txojkev khuvleej rau hnub kawg. Nws tu kuv hauv lub moos Ephesus npaum li cas, nej kuj paub lawm.

​