(יהושע)Yahshua Tus Tub Rog Uas Zoo

1 Vim li no, kuv tus tub, cia li muaj zog hauv txoj kev hlub uas muaj hauv (יהושע)Yahshua Messiah. 2 Thiab cia li muab tej lus uas koj tau hnov kuv qhia tab meeg ntau tus timkhawv cob rau cov tibneeg ncaj ncees uas muaj peevxwm qhia tau lwm tus qhia mus. 3 Cia li koom nrog peb raug txom nyem yam li (יהושע)Yahshua Messiah tus tub rog uas zoo. 4 Tsis muaj ib tug uas ua tub rog yuav ntsig txog tej pejxeem li haujlwm, vim nws yeej xav ua kom haum tus thawj rog lub siab.

5 Thiab tus uas sib tw khiav yog nws tsis khiav raws li kevcai, nws yeej yuav tsis tau tshav ntuj. 6 Tus uas siv zog ua teb, tsim nyog yog thawj tug uas tau qoob loo.

7 Cia li tshuaj saib tej uas kuv hais vim Abba (יחוח)Yahweh  yuav pub kom koj nkag siab txhua yam.

8 Cia li nco txog (יהושע)Yahshua Messiah. Nws raug tsa ciaj sawv hauv qhov tuag rov los, thiab nws yog Daviv caj ces, raws li txoj hmoo zoo uas kuv qhia.

9 Vim txoj hmoo zoo no, kuv thiaj raug txom nyem, thiab raug saw hlau khi yam li tus tibneeg phem. Tiamsis muab saw hlau khi Abba (יחוח)Yahweh  txoj-lus tsis tau. 10 Vim li no, kuv thiaj tiv thiab thev txhua yam, vim yog saib rau cov uas xaiv cia lawd, kom lawv thiaj tau txais txojkev dim hauv (יהושע)Yahshua Messiah, thiab tau koob meej ci ntsa iab mus ib txhis. 11 Tej lus no tso siab tau, hais tias, yog peb nrog nws tuag lawm, peb kuj yuav nrog nws muaj txojsia.

12 Yog peb tiv thiab thev, peb kuj yuav tau nrog nws kav, yog peb tsis lees yuav nws, nws yeej yuav tsis lees yuav peb thiab. 13 Yog peb tsis muaj siab xib rau nws, nws tseem ua ncaj rau peb, rau qhov nws yuav tso qhov uas nws yog Abba (יחוח)Yahweh  tseg tsis tau li.

​

Tus Tub Zog Uas Abba (יחוח)Yahweh  Txaus Siab

14 Cia li qhia lawv nco txog tej no thiab nkaw lus rau lawv tab meeg Abba (יחוח)Yahweh , kom lawv tsis txhob sib cav txog tej nyuag lo lus. Qhov ntawd tsis muaj qabhau thiab ua rau cov uas mloog puam tsuaj. 15 Cia li siv zog ua kom Abba (יחוח)Yahweh  pom tias, koj yog ib tug uas haum nws siab, yog ib tug tub zog uas tsis txaj muag, thiab qhia Abba (יחוח)Yahweh  txojlus tseeb raug cai.

16 Cia li zam tej lus tsis muaj qabhau uas saib tsis taus Abba (יחוח)Yahweh, vim tej lus ntawd, yuav ua rau tibneeg tso Abba (יחוח)Yahweh  tseg zuj zus, 17 thiab lawv tej lus yuav huam dav zuj zus yam li lub kiav txhab qawj. Hauv lawv cov ntawd, muaj Himene‑as thiab Filethas 18 uas twb yuam kev ntawm txojkev tseeb lawm, vim nkawv qhia hais tias, qhov uas ciaj sawv hauv qhov tuag rov los twb dhau tag lawm. Nkawv rhuav qee leej txojkev ntseeg lawm.

19 Tiamsis tej taw uas Abba (יחוח)Yahweh  tiag ruaj khov, tseem nyob thiab nias hom thawj hais li no tias, Abba (יחוח)Yahweh  paub cov uas yog nws cov tibneeg, thiab Cia txhua tus uas tuav Abba (יחוח)Yahweh  lub npe tso kev txhaum tseg. 20 Ib lub tsev loj tsis yog muaj tej tais nyiaj tais kub xwb, tseem muaj tais ntoo, tais av, thiab qee yam yog siv rau qhov zoo, qee yam yog siv rau qhov tsis zoo.

21 Yog leejtwg ntxuav tej kev phem ntawm nws tus kheej lawm, nws yuav yog tej twj taig uas siv rau qhov zoo, uas twb ntxuav kom dawb huv lawm, thiab tus tswv tsev siv muaj nuj nqis, thiab npaj txhij rau txhua yam haujlwm zoo. 22 Vim li no, cia li khiav ntawm tej kev phem uas cov hluas ntshaw, thiab nrog cov uas muaj lub siab dawb paug tuav Abba

(יחוח)Yahweh  lub npe, cia li nrhiav txojkev ncaj ncees, kev ntseeg, kev hlub, thiab kev sib haum xeeb. 23 Tsis txhob mus thab txog tej kev sib cav uas ruam, thiab tsis muaj qabhau. Koj yeej paub tias, tej ntawd ua kom muaj kev sib cav sib ceg xwb.

24 Abba (יחוח)Yahweh  tus tub qhe yuav tsum yog tus uas tsis nyiam sib cav sib ceg, muaj lub siab hlub txhua tus, mob siab qhuab qhia, thiab ua lub siab ntev thev, 25 ua siab mos siab muag qhia cov uas tawm tsam nws. Tej zaum Abba (יחוח)Yahweh  yuav pub lawv ntxeev dua siab los paub txojkev tseeb, 26 thiab dim Ntxwg Nyoog lub voj hlua, yog tus uas cuab ntes lawv kom ua raws li nws lub siab nyiam.

​