Tiam Kawg Yuav Zoo Li Cas

1 Koj yuav tsum nkag siab qhov no, tiam kawg yuav yog lub sijhawm txom nyem nyuaj siab kawg.

2 Rau qhov tibneeg yuav xam pom lawv tus kheej xwb, ntshaw nyiaj txiag, khav theeb, muab hlob, saib tsis taus luag, tsis mloog niam txiv lus, tsis nco luag txiaj ntsig, tsis yuav Abba (יחוח)Yahweh , 3 tsis hlub luag, tsis zam txim, xyav luag moo, tsis tswj lub siab, ua tibneeg nyaum, ntxub qhov zoo, 4 fav xeeb rau luag, ua siab heev, tsab ua loj, nyiam kev lomzem heev dua li nyiam Abba (יחוח)Yahweh.

5 Lawv ua txuj tuav Abba (יחוח)Yahweh  txojkev ntawm lub ncauj xwb, tiamsis tsis lees yuav txojkev ntawd lub hwjchim. Cia li txav deb ntawm cov tibneeg ntawd.

6 Lawv cov ntawd qee leej pheej nkag mus rau hauv luag tej tsev, thiab haub cov pojniam uas lub siab ywj fab ywj fwj, uas ris lub txim hnyav thiab qaug rau tej kev ntshaw phem.

7 Cov pojniam no, pheej kawm lawm tiamsis tsis nkag siab qhov tseeb.

8 Yanes thiab Yanpes tawm tsam Mauxes li cas, cov tibneeg no kuj tawm tsam qhov tseeb ib yam li ntawd. Lawv lub siab phem thiab tsis muaj kev ntseeg qhov tseeb.

9 Lawv yuav mus tau tsis deb rau qhov lawv txojkev ruam yuav tshwm rau sawvdaws pom ib yam li ob tug txivneej ntawd txojkev ruam.

​

Nkaw Lus Thaum Kawg

10 Koj twb paub kuv tej lus qhia, kuv lub neej, tej uas kuv xav tseg, kuv txojkev ntseeg, qhov uas kuv ua siab ntev, qhov uas kuv hlub luag, qhov uas kuv tiv thev, 11 qhov uas kuv raug tsim txom thiab raug txom nyem, thiab tej uas tshwm los raug kuv hauv lub moos Athi‑aus, hauv lub moos Ikhauniyus thiab hauv lub moos Lixathas, thiab qhov uas kuv thev kev tsim txom npaum li cas. Tiamsis Abba (יחוח)Yahweh  cawm kuv dim txhua yam ntawd.

12 Qhov tseeb, txhua tus uas xav ua lub neej uas hwm Abba (יחוח)Yahweh  hauv (יהושע)Yahshua Messiah, yuav raug tsim txom, 13 mas cov tibneeg phem thiab cov tibneeg txawj dag yuav phem heev zuj zus, thiab yuav dag ntxias luag thiab raug luag dag ntxias.

14 Tiamsis koj cia li ua raws li koj tau kawm thiab paub, thiab ntseeg ruaj lawm, vim koj kuj paub tias koj kawm ntawm leejtwg los.

15 Txij thaum yau los koj twb paub Abba (יחוח)Yahweh  txojlus tseem ceeb, uas pub tau koj muaj tswvyim paub txojkev dim, vim ntseeg (יהושע)Yahshua Messiah.

16 Abba (יחוח)Yahweh  txojlus txhua nqe yog tawm hauv Abba (יחוח)Yahweh  lub qhov ncauj los thiab siv tau qhuab qhia, qhuab ntuas, qhia tus uas txhaum rov ua zoo, thiab cob qhia ua ncaj ua ncees, 17 kom Abba (יחוח)Yahweh  cov tibneeg thiaj li npaj txhij zog ua tau txhua yam haujlwm zoo.

 

​