1 Kuv nkaw lus rau koj tab meeg Abba (יחוח)Yahweh  thiab (יהושע)Yahshua Messiah, uas yuav txiav txim rau cov tibneeg ciaj thiab cov tibneeg tuag, thiab kuv ntuas koj, vim qhov uas nws yuav rov los thiab nws lub tebchaws yuav los, 

2 cia li tshaj tawm Abba (יחוח)Yahweh  txojlus, thiab kub siab qhia rau thaum muaj sijhawm thiab tsis muaj, cia li yaum kom los ntseeg, qhuab ntuas thiab txhawb lub siab, ua siab ntev thiab ua tib zoo qhuab qhia. 3 Rau qhov yuav txog lub sijhawm uas tibneeg thev tsis taus mloog tej lus qhia uas tseeb lawm, lawv yuav sau zog cov xibhwb kom qhia raws li lawv lub siab nyiam thiab raws li lawv lub qhov ntsej xav mloog.

4 Lawv yuav tseg tsis mloog txoj tseeb thiab tig mus mloog tej dab tibneeg.

5 Koj cia li tswj koj lub siab txhua yam, cia li thev tej kev txom nyem, ua tes haujlwm uas qhia txoj hmoo zoo thiab ua koj tes haujlwm kom tiav huvsi.

6 Rau qhov kuv twb yuav raug muab hliv xyeem thiab txog sijhawm uas kuv yuav ncaim mus. 7 Kuv twb tawm tsam zoo heev lawm, kuv twb khiav txog tom kawg lawm, kuv twb tuav txojkev ntseeg cia lawm.

8 Txij no mus twb muab lub mom kub uas yog txojkev ncaj ncees khaws cia rau kuv. (יהושע)Yahshua, tus uas tu plaub ncaj ncees yuav muab pub rau kuv rau hnub ntawd, thiab tsis yog pub rau kuv tib leeg xwb, tiamsis yuav pub rau txhua tus uas tos ntsoov qhov uas (יהושע)Yahshua rov los.

​

Sha-ul Qhia Timothy

9 Koj cia li siv zog tuaj cuag kuv sai sai.

10 Rau qhov Demas mus nyiam kev ntiajteb thiab tso kuv tseg mus rau lub moos Thessalonians lawm. Khexakhes mus rau lub xeev Galatia thiab Titus mus rau lub xeev Damatias.

11 Luke tib leeg nrog kuv nyob lawm xwb. Cia li mus coj Yahchanan Mark nrog koj tuaj thiab, rau qhov nws muaj nuj nqis rau kuv tes haujlwm. 12 Kuv twb txib Thikhikas mus rau lub moos Ephesus lawm. 13 Thaum koj tuaj, cia li coj kuv lub tsho ntev uas kuv tseg rau Khapas hauv lub moos Rhau‑as tuaj thiab coj tej phau ntawv thiab qhov cheem tsum yog coj tej tsiag ntawv tuaj. 14 Alexadaws tus Kws uas ntaus tooj liab ua phem rau kuv ntau heev. Abba (יחוח)Yahweh  yuav pauj rau nws raws li tej uas nws tau ua. 15 Koj cia li ceev faj nws tib zoo, vim nws tawm tsam tej lus uas peb qhia heev kawg li. 16 Thawj zaug uas kuv hais daws kuv tshaj plaub tsis muaj ib tug tuaj kuv tog kiag li, lawv txhua tus tso kuv tseg. Thov tsis txhob suav lawv tej kev txhaum.

17 Tiamsis Abba (יחוח)Yahweh  nrog nraim kuv thiab pub zog kom kuv thiaj qhia tau txoj hmoo zoo tag nrho huvsi, xwv lwm haiv neeg sawvdaws thiaj tau hnov. Thiab kuv dim hauv tsov ntxhuav lub qhov ncauj.

18 Abba (יחוח)Yahweh  yuav cawm kuv dim txhua yam kev phem thiab yuav cawm kuv dim mus nyob hauv nws lub tebchaws uas yog Lub Nroog Yeluxalees. Thov kom nws tau koob meej ci ntsa iab mus ib txhis tsis kawg. Haleluyah! Amen!

​

Tej Lus Sib Fim Thaum Kawg

19 Thov hais lus nco txog Plixakhas thiab Akhilas thiab Aunexifaulas tsev neeg.

20 Elatas tseem nyob hauv lub moos Corinthians. Kuv tseg Rhaufimas uas muaj mob rau hauv lub moos Milethas.

21 Thov koj siv zog tuaj kom txog ua ntej lub caij ntuj no. Yunpulas, Pudees, Linas thiab Khaudias thiab cov kwvtij sawvdaws xa lus nco txog tuaj rau koj.

22 Thov Abba (יחוח)Yahweh  nrog nraim koj tus ntsuj plig. Thov Abba (יחוח)Yahweh  txojkev hlub nrog nraim koj.