1 Kuv yog Sha-ul, yog Abba (יחוח)Yahweh  tus tub qhe, thiab yog (יהושע)Yahshua Messiah tus tubtxib, uas pab cov tibneeg uas Abba (יחוח)Yahweh  xaiv cia lawd txoj kev ntseeg, thiab pab qhia kom lawv paub qhov tseeb raws li Abba (יחוח)Yahweh  txojkev ncaj ncees.

2 Lawv thiaj muaj vam tias yuav tau txojsia ib txhis tsis kawg uas Abba (יחוח)Yahweh  tau cog lus tseg, thiab nws yeej tsis dag, txij thaum chiv keeb los lawm. 3 Thaum txog lub sijhawm uas teem cia, Abba (יחוח)Yahweh  ua nws txojlus tshwm los ntawm tej lus uas muab cob rau kuv tshaj tawm, raws li Abba (יחוח)Yahweh  uas yog peb tus Cawmseej nkaw lus cia. 4 Kuv hais mus rau Titus, uas yog kuv tus tseem tub, uas ntseeg ib yam li kuv. Thov txojkev hlub thiab txojkev ywjpheej ntawm Abba (יחוח)Yahweh  uas yog Leej Txiv thiab ntawm (יהושע)Yahshua Messiah uas yog peb tus Cawmseej nrog nraim koj.

​

Titus Tes Haujlwm Hauv Khetes

5 Qhov uas kuv tso koj tseg rau hauv koog povtxwv Khetes ntawd, kuj yog cia koj daws tej teeb meem kom tiav huvsi thiab tsa kom muaj cov uas saib xyuas pawg ntseeg rau hauv txhua lub moos raws li kuv hais rau koj.

6 Tus uas saib xyuas pawg ntseeg yuav tsum yog tus uas tsis muaj chaw thuam, thiab nws yuav tsum muaj ib tug pojniam xwb, thiab nws cov menyuam los kuj yuav tsum yog cov ntseeg, thiab tsis raug luag xyav tias yog tibneeg loj leeb, tibneeg tawv ncauj. 7 Vim tias tus saib xyuas pawg ntseeg, yog tus uas leg Abba (יחוח)Yahweh  tes haujlwm, yuav tsum yog tus uas tsis muaj chaw thuam, tsis khav theeb, tsis chim sai, tsis qaug dej qaug cawv, tsis ua nruj ua tsiv, tsis txhob ua lub siab hlob ntshaw ntau, 8 zoo siab txais qhua, nyiam qhov zoo, xyuam xim, ncaj ncees, dawb huv thiab txawj tswj nws lub siab. 9 Thiab nws yuav tsum tuav rawv tej lus qhia uas tso siab tau, raws li uas qhia lawd, kom nws thiaj siv tej lus qhia raug cai txhawb siab, thiab cav yeej cov uas tawm tsam tej lus ntawd.

10 Rau qhov muaj tibneeg coob uas tawv ncauj, tsuas yog hais tej lus tsis muaj qabhau thiab dag ntxias xwb, feem coob yog cov uas qhia kom ua kevcai txiav. 11 Yuav tsum kom lawv tswj lawv lub qhov ncauj, vim lawv qhia tej uas tsis tsim nyog qhia, xwv thiaj tau tshaj thawj ua rau tej tsev neeg ntxhov tag nrho.

12 Hauv lawv cov ntawd, muaj ib tug cev lus txeev hais tias, Cov tibneeg Khetes pheej dag ntxias, lawv yog tsiaj qus phem, thiab tub nkeeg noj loj. 13 Tej lus timkhawv no muaj tseeb. Vim li no, koj cia li ntuas lawv hnyav kom lawv thiaj li ntseeg raug cai. 14 Tsis txhob quav ntsej cov Yudais tej dab tibneeg, lossis tej lus nkaw uas cov tibneeg uas twb tso txojkev tseeb tseg lawd qhia nej. 15 Txhua yam kuj dawb huv rau cov tibneeg uas lub siab dawb huv, tiamsis tsis muaj ib yam dawb huv rau cov tibneeg phem thiab tsis ntseeg. Lawv tej kev xav thiab lawv lub siab uas paub qhov zoo qhov phem kuj phem tag huvsi. 16 Lawv hais tias lawv paub Abba (יחוח)Yahweh , tiamsis qhov uas lawv ua, lawv tsis lees yuav Abba (יחוח)Yahweh . Lawv yog tibneeg siab phem, tsis mloog lus, tsis phim ua ib yam haujlwm zoo kiag li.

​