Tej Lus Qhia Uas Raug Cai

1 Koj yuav tsum qhia kom phim tej lus qhia uas raug cai. 2 Qhia cov yawg laus kom paub xyuam xim, ua tus uas luag hwm, paub cai, thiab ua kom raug cai rau hauv txojkev ntseeg, hauv txojkev hlub thiab hauv txojkev ua siab ntev thev taus. 3 Qhia cov pog laus ib yam nkaus, kom xyaum ua tibneeg dawb huv, tsis txhob xyav luag moo, tsis txhob quav cawv, ua tus uas qhuab qhia yam uas zoo. 4 Kom thiaj cob qhia tau cov ntxhais hluas, kom hlub lawv tus txiv thiab lawv tej menyuam. 5 Thiab paub tswj lawv lub siab, ua tibneeg dawb huv, tu vaj tu tsev kom zoo, muaj siab khuvleej, nyob hauv tus txiv qab kev tswjhwm, kom Abba (יחוח)Yahweh  txojlus thiaj tsis raug luag thuam. 6 Cov tub hluas kuj ib yam nkaus, cia li ntuas kom lawv tswj lawv tus kheej. 7 Koj yuav tsum xyaum ua tus yam ntxwv zoo rau txhua fab, rau qhov uas ua haujlwm zoo, thiab qhuab qhia tuaj nruab siab, thiab rau siab qhia, 8 thiab siv tej lus raug cai uas tsis muaj leejtwg thuam tau, xwv cov uas tawm tsam thiaj li txaj muag, vim tsis muaj ib qho phem uas hais tau peb. 9 Cia li qhia cov qhev kom nyob hauv lawv tus lospav kev tswjhwm rau txhua yam, thiab ua kom haum tus lospav lub siab, tsis txhob cam thawj kiag li. 10 Tsis txhob qee luag tug, tiamsis yuav tsum ua kom luag pom tias, tso siab tau rau yus, thiab ua zoo rau txhua yam, kom lawv thiaj ua rau luag qhuas Abba (יחוח)Yahweh , uas yog peb tus Cawmseej tej lus qhia rau txhua fab. 11 Abba (יחוח)Yahweh  txojkev hlub uas pab tibneeg txhua tus dim twb tshwm los lawm. 12 Thiab qhia kom peb tso tej kev phem kev qias, thiab tej kev ntshaw uas yog ntiajteb li tseg, thiab ua lub neej uas paub tswj lub siab, thiab ua ncaj ncees, thiab ua raws li Abba (יחוח)Yahweh  txojkev hauv tiam tibneeg no. 13 Thaum peb tabtom tos rawv txojkev vam kaj siab lug, thiab tos rawv peb tus Tswv uas yog peb tus Cawmseej lub hwjchim ci ntsa iab rov los, yog (יהושע)Yahshua Messiah. 14 Nws pub nws tus kheej this peb kom thiaj txhiv tau peb dim txhua yam kev txhaum, thiab ntxuav peb kom dawb huv, thiaj ua tau nws haiv neeg uas kub siab lug ua haujlwm zoo. 15 Cia li qhia tej no, thiab txhawb lawv lub zog, thiab siv koj lub hwjchim qhuab ntuas lawv kawg nkaus. Tsis txhob cia leejtwg saib tsis taus koj.

​