Cov Ntseeg Yuav Xyaum Li Cas

1 Cia li ntuas kom lawv nyob hauv cov nom tswv, thiab cov uas muaj hwjchim qab kev tswjhwm, mloog lus, npaj txhij ua txhua yam haujlwm zoo. 2 Tsis txhob muab leejtwg hais phem, tsis txhob sib cav sib ceg, ua lub siab zam xeeb, thiab ua lub siab mos siab muag rau sawvdaws. 3 Vim yav tag los, peb yog tibneeg ruam, tsis mloog lus, yuam kev, ua txhua yam kev phem kev lomzem qhev, ua lub neej xav ua phem thiab sib khib, raug luag ntxub, thiab ib leeg ntxub ib leeg.

4 Tiamsis thaum Abba (יחוח)Yahweh  uas yog peb tus Cawmseej txojkev khuvleej thiab txojkev hlub tshwm los, 5 Abba (יחוח)Yahweh  cawm peb dim, tsis yog vim peb ua ncaj ncees tiamsis yog Abba (יחוח)Yahweh  txojkev khuvleej uas nws ntxuav peb kom yug dua tshiab, thiab tsim dua tshiab hauv Tus Ntsuj Plig Dawbhuv.

6 Tus Ntsuj Plig no, nws muab hliv rau saum peb nplua mias hauv (יהושע)Yahshua Messiah uas yog peb tus Cawmseej, 7 mas thaum nws txojkev hlub ua rau peb raug suav tias ncaj ncees lawm, peb thiaj muaj feem saws tej uas peb vam ntsoov, yog txojsia ib txhis tsis kawg.  8 Tej lus no tso siab tau. Kuv xav kom koj siv zog qhia tej no kom cov uas ntseeg Abba (יחוח)Yahweh , thiaj li muab siab rau ua haujlwm zoo. Qhov uas ua li no zoo thiab muaj nuj nqis rau tibneeg. 9 Cia li zam tej kev sib cav uas ruam, tej zaj uas hais txog poj koob yawg koob, thiab tej kev sib faib thiab kev sib cav sib ceg, txog Mauxes txoj kevcai, vim tej ntawd tsis tseem ceeb tsis muaj qab-hau. 10 Tus uas pheej tshum kom tawg ua pab ua pawg, cia li ntuas nws ib ob zaug xwb, dhau ntawd, tsis txhob quav ntsej txog nws ntxiv lawm.

11 Vim yeej paub tias tus tibneeg zoo li ntawd, twb muab txojkev ncaj ntxeev ua txojkev nkhaus, thiab ua txhaum muaj txim. Nws rov rau txim rau nws tus kheej xwb.

​

Tej Lus Sib Fim Thaum Kawg

12 Thaum kuv txib Athemas lossis Thikhikas tuaj txog koj lawm, koj cia li maj nroos tuaj cuag kuv hauv lub moos Nikhaupolis, vim kuv npaj siab tias, yuav nyob qhov ntawd kom tag lub caij ntuj no. 13 Koj cia li siv zog pab xa Xenas uas txawj hais plaub thiab Apaulaus taug kev mus, tsis txhob cia nkawv tu ncua ib yam abtsi li. 14 Thiab cia peb cov ntseeg txhua tus, xyaum kom paub ua tej haujlwm kom zoo, lawv thiaj pab tau tej uas cheem tsum thiab tsis ua lub neej nkim zog xwb. 15 Txhua tus uas nrog kuv nyob ua ke xa lus nco txog nej. Thov xa lus nco txog cov uas hlub peb hauv txojkev ntseeg. Thov Abba (יחוח)Yahweh  txojkev hlub nrog nraim nej txhua tus.