Daviv Coj (יחוח)Yahweh Lub Phij Xab Ntawm Khile‑as Ye‑alis Los

(2 Xamuyees 6:1-11)

1 Daviv nrog cov uas kav ib txhiab leej thiab cov uas kav ib puas leej thiab cov thawj txhua tus sablaj,

2 mas Daviv hais rau ib tsoom pejxeem Ixayees hais tias, yog nej sawvdaws pom zoo thiab yog raws li (יחוח)Yahweh uas yog peb Tus Tswv lub siab nyiam, kom peb xa xov mus thoob plaws rau peb cov kwvtij uas tseem tshuav hauv teb chaws Ixayees huvsi thiab xa rau cov pov thawj thiab cov Levis uas nyob hauv tej moos uas muaj tshav zaub, kom lawv tuaj txoos ua ke cuag peb ntawm no.

3 Mas peb cia li coj peb Leej Txiv (יחוח)Yahweh lub phij xab rov qab los rau peb, rau qhov thaum Sha-ul ua vajntxwv mas peb tsis quav ntsej lawm.

4 Ib tsoom pejxeem sawvdaws kuj hais haum li ntawd, rau qhov yam ntawd cov pejxeem sawvdaws pom zoo.

5 Yog li ntawd Daviv thiaj hu cov pejxeem Ixayees huvsi uas nyob txij ntua ntawm tus dej Sihaus hauv Iziv tebchaws mus txog ntawm txojkev uas mus rau lub moos Hamas tuaj txoos ua ke es yuav mus coj (יחוח)Yahweh lub phij xab ntawm lub moos Khile‑as Ye‑alis los.  

6 Daviv thiab ib tsoom Ixayees huvsi mus rau ntawm lub moos Npa‑alas uas yog lub moos Khile‑as Ye‑alis hauv Yahdah tebchaws es yuav coj (יחוח)Yahweh lub phij xab uas hu raws li (יחוח)Yahweh lub npe uas nyob lub zwm txwv saum cov Khelunpees los. 

7 Lawv kuj muab ib lub tsheb nyuj tshiab thauj (יחוח)Yahweh lub phij xab ntawm Anpinadas lub tsev mus, mas Uxas thiab Ahiyaus tsav lub tsheb ntawd.

8 Daviv thiab cov Ixayees sawvdaws kuj zoo siab xyiv fab rau ntawm (יחוח)Yahweh lub xub ntiag kawg lawv lub siab lub ntsws, thiab hu nkauj ntaus nkauj nog ncas me, nkauj nog ncas loj, ntaus nruas thiab npuaj nruas tooj liab thiab tshuab raj kub yaj.

9 Thaum lawv los txog ntawm Khidoos lub tshav ntaus qoob, Uxas cev tes tuav nkaus lub phij xab rau qhov nyuj dawm.

10 Mas (יחוח)Yahweh thiaj npau taws rau Uxas thiab ntaus Uxas tuag vim yog nws cev tes tuav lub phij xab, ces nws txawm tuag rau ntawm (יחוח)Yahweh xub ntiag.

11 Daviv chim rau qhov (יחוח)Yahweh txoj kev npau taws tshwm plaws los rau Uxas, vim li ntawd thiaj hu lub chaw ntawd hu ua Peles Uxas los txog niaj hnub nim no. 

12 Hnub ntawd Daviv kuj ntshai (יחוח)Yahweh heev thiab nws hais tias, kuv yuav ua li cas coj tau (יחוח)Yahweh lub phij xab rov mus rau kuv?

13 Daviv txawm tsis coj lub phij xab rov mus rau hauv Daviv lub nroog, tiamsis nws coj mus cia rau tom Aunpes Edoos uas yog tibneeg Nkas lub tsev.

14 (יחוח)Yahweh lub phij xab nyob hauv Aunpes Edoos lub tsev tau peb lub hlis, mas (יחוח)Yahweh foom koob hmoov rau Aunpes Edoos tsev neeg thiab txhua yam uas nws muaj.