Daviv Npaj Coj (יחוח)Yahweh Lub Phij Xab Los Rau Hauv Yeluxalees

1 Daviv ua vaj ua tsev rau nws hauv Daviv lub nroog thiab npaj ib lub chaw rau (יחוח)Yahweh lub phij xab thiab tsa ib lub tsev ntaub cia rau lub phij xab ntawd.

2 Mas Daviv hais tias, dhau cov Levis lawm mas lwm tus tsis txhob kwv (יחוח)Yahweh lub phij xab, rau qhov (יחוח)Yahweh xaiv lawv kwv (יחוח)Yahweh lub phij xab thiab ua koom tu nws mus ib txhis. 

3 Daviv txawm hu cov Ixayees sawvdaws tuaj txoos ua ke rau hauv Yeluxalees es yuav mus coj (יחוח)Yahweh lub phij xab los cia rau ntawm lub chaw uas Daviv twb npaj tau lawm.

4 Mas Daviv thiaj sau Aloos cov tub thiab cov Levis,

5 uas yog Khauhas caj ces mas tau Uli‑ees ua tus thawj thiab nws cov kwvtij muaj ib puas nees nkaum leej.

6Melalis caj ces tau Axayah ua tus thawj thiab nws cov kwvtij muaj ob puas nees nkaum leej.

7 Kawsoos caj ces tau Yahees ua tus thawj thiab nws cov kwvtij ib puas peb caug leej.

8Elixafas caj ces tau Semayah ua tus thawj thiab nws cov kwvtij ob puas leej.

9 Henploos caj ces tau Eli‑ees ua tus thawj thiab nws cov kwvtij yim caum leej.  10 Uxi‑ees caj ces tau Aminadas ua tus thawj thiab nws cov kwvtij ib puas kaum ob leeg.

11 Mas Daviv hu Xadaus thiab Anpiyathas uas ua pov thawj thiab cov Levis tuaj, yog Uli‑ees, Axayah, Yahees, Semayah, Eli‑ees thiab Aminadas,

12 thiab hais rau lawv tias, nej yog Levis tej cum cov thawj.  Nej cia li ua kevcai tu nej thiab nej cov kwvtij kom dawb huv xwv nej thiaj mus coj tau (יחוח)Yahweh uas yog cov Ixayees Tus Tswv lub phij xab los rau ntawm lub chaw uas kuv twb npaj tseg cia lawd.

13 Twb yog vim thawj zaug ntawd nej tsis mus kwv mas (יחוח)Yahweh uas yog peb Tus Tswv kev npau taws thiaj tshwm rau peb lawm, rau qhov peb tsis tu lub phij xab thiab tsis ua raws li kevcai.

14 Mas cov pov thawj thiab cov Levis thiaj tu lawv kom dawb huv kom thiaj mus coj tau (יחוח)Yahweh uas yog cov Ixayees Tus Tswv lub phij xab los.

15 Cov Levis thiaj tuav ob tug las kwv (יחוח)Yahweh lub phij xab raws li tej lus uas (יחוח)Yahweh kom Mauxes hais rau lawv ua.

16 Daviv hais kom Levis cov thawj tsa lawv ib co kwvtij ua cov hu nkauj ntaus tej cuab yeej phim nkauj nrov, yog ntaus nkauj nog ncas me thiab nkauj nog ncas loj thiab npuaj nruas tooj liab, thiab ua suab zoo siab xyiv fab.

17 Cov Levis thiaj tsa Yahees tus tub Hemas, thiab nws cov kwvtij, yog Npelekhiyah tus tub Axas, thiab ntawm Melalis caj ces yog Khusayah tus tub Ethas.

18 Thiab lawv tau tsa lawv cov kwvtij los pab lawv, yog Xekhaliyah, Npees, Ya‑axi‑ees, Semilamaus, Yehi‑ees, Unis, Elias, Npenayah, Ma‑axeyah, Mattithyah, Elifelehus thiab Mineyah, thiab tsa Aunpes Edoos thiab Ye‑i‑ees ua cov zov tej rooj loog.

19 Cov hu nkauj mas Hemas, Axas thiab Ethas yuav npuaj nruas tooj liab thiab.  

20 Cov uas yuav ntaus nkauj nog ncas loj raws li lub suab Alamaus yog Xekhaliyah, Axi‑ees, Semilamaus, Yehi‑ees, Unis, Elias, Ma‑axeyah thiab Npenayah.

21 Cov uas yuav ntaus nkauj nog ncas me raws li lub suab Seminis yog Mattithyah, Elifelehus, Mineyah, Aunpes Edoos, Ye‑i‑ees thiab Axaxiyah.  

22 Khenaniyah uas yog cov Levis tus thawj coj hu nkauj ua tus thawj coj hu nkauj rau qhov nws nkag siab zoo.

23 Npelekhiyah thiab Eekhanas ua cov zov qhov rooj chav tsev uas rau (יחוח)Yahweh lub phij xab.

24 Cov uas yuav tshuab raj xyu ua (יחוח)Yahweh lub phij xab ntej yog Senpaniyah, Yahsafas, Netha-nees, Amaxais, Xekhaliyah, Npenayah thiab Eliyexaws uas ua pov thawj.  Aunpes Edoos thiab Yehiyah kuj ua cov zov qhov rooj chav tsev rau lub phij xab.

​

Tshais Lub Phij Xab Los Rau Hauv Yeluxalees

(2 Xamuyees 6:12-19)

25 Mas Daviv thiab Ixayees cov kev txwj laug thiab cov thawj uas kav ib txhiab leej tub rog thiaj mus coj (יחוח)Yahweh lub phij xab sib cog lus ntawm Aunpes Edoos lub tsev zoo siab hlo.

26Vim (יחוח)Yahweh pab cov Levis uas kwv (יחוח)Yahweh lub phij xab sib cog lus, mas lawv thiaj muab xya tus txiv nyuj thiab xya tus txiv yaj tua xyeem rau (יחוח)Yahweh.

27 Daviv hnav lub tsho ntaub mag zoo zoo thiab cov Levis huvsi uas kwv lub phij xab thiab cov hu nkauj thiab Khenaniyah uas ua tus thawj coj hu nkauj puav leej hnav tsho ntaub mag. Thiab Daviv hnav lub tsho ntaub mag efauj.

28 Yog li no cov Ixayees sawvdaws coj (יחוח)Yahweh lub phij xab sib cog lus nce los thiab muaj suab qw, suab raj kub yaj, suab raj xyu thiab npuaj nruas tooj liab thiab ntaus nkauj nog ncas me thiab nkauj nog ncas loj ua nkauj nrov ntshu nrooj.

29 Mas thaum (יחוח)Yahweh lub phij xab sib cog lus los rau hauv Daviv lub nroog lawd, Sha-ul tus ntxhais Mikhas xauj qhov rais pom vajntxwv Daviv dhia paj paws ntsos seev cev, nws txawm xu siab rau Daviv.