(יחוח)Yahweh Cog Lus Rau Daviv

(2 Xamuyees 7:1-17)

1 Thaum Daviv nyob ruaj hauv nws lub tsev, Daviv hais rau Nathas uas ua xibhwb cev (יחוח)Yahweh lus tias, koj sim saib, kuv nyob hauv lub tsev uas xuas ntoo ciab ua, hos (יחוח)Yahweh lub phij xab sib cog lus nyob hauv lub tsev ntaub xwb.

2 Mas Nathas hais rau Daviv tias, koj cia li mus ua txhua yam uas koj lub siab xav ua, rau qhov (יחוח)Yahweh nrog nraim koj.

3 Tiamsis hmo ntawd (יחוח)Yahweh hais lus tuaj rau Nathas tias,

4 cia li mus hais rau kuv tus tub qhe Daviv tias, (יחוח)Yahweh hais li no tias, koj tsis txhob ua lub tuam tsev rau kuv nyob.

5 Rau qhov txij thaum kuv coj cov Ixayees tawm los txog hnub no, kuv tsis tau nyob hauv tsev, kuv tsuas yog tshais lub tsev ntaub rau tom ub tom no thiab tshais lub chaw nyob rau tom ub tom no xwb.

6 Txhua qhov uas kuv nrog cov Ixayees sawvdaws mus, kuv puas tau hais ib lo lus rau cov Ixayees ib tug thawj twg uas kuv txib kom saib xyuas kuv haiv neeg hais tias, ua cas nej tsis ua ib lub tsev ntoo ciab rau kuv? 

7 Vim li no nimno koj cia li hais rau kuv tus tub qhe Daviv tias, (יחוח)Yahweh uas muaj hwjchim loj kawg nkaus hais li no tias, kuv coj koj tawm hauv lub tshav zaub uas koj yug yaj los ua tus thawj kav kuv haiv neeg Ixayees.

8 Koj mus qhov twg los kuv nrog nraim koj qhov ntawd, thiab kuv rhuav tshem koj cov yeeb ncuab huvsi ntawm koj lub xub ntiag mus.  Kuv yuav pub kom koj muaj koob meej ib yam li tej uas muaj koob meej loj hauv ntiajteb no.

9 Kuv yuav tu ib lub chaw cia rau kuv haiv neeg Ixayees nyob, thiab kuv yuav muab lawv cog cia nyob ruaj khov rau hauv lub chaw uas yog lawv tug, tsis muaj leejtwg yuav tuaj zes tau lawv. Tej tibneeg lim hiam ntais ntuj yuav tsis tuaj lwg lawv yam li yav tag los dua li lawm.  

10 Txij thaum kuv tsa cov thawj kav kuv haiv neeg Ixayees.  Kuv yuav yuam koj cov yeeb ncuab huvsi kom swb kiag.  Dua li ntawd mas kuv hais rau koj tias, (יחוח)Yahweh yuav pub kom koj muaj caj ces ua vajntxwv mus li.  

11 Thaum koj hnub nyoog tag mus nrog koj tej poj koob yawm txwv nyob lawd, kuv yuav tsa ib tug tub uas koj yug los nyob koj chaw thiab kuv yuav tsa nws ua vajntxwv kav ruaj khov.

12 Nws yog tus uas yuav ua lub tuam tsev rau kuv mas kuv yuav tsa nws lub zwm txwv nyob mus ib txhis.

13 Kuv yuav ua nws leej txiv thiab nws yuav ua kuv tus tub.  Kuv yuav tsis muab kuv txojkev hlub uas ruaj khov rho ntawm nws mus, yam li uas kuv tau rho ntawm tus uas nyob ua koj ntej.

14 Kuv yuav tsa nws saib xyuas kuv cov tibneeg thiab kuv lub tebchaws mus ib txhis thiab nws lub zwm txwv yuav nyob ruaj khov mus ib txhis.  

15 Nathas hais tej lus no huvsi rau Daviv raws li tej uas nws ua yog toog pom.

​

Daviv Tej Lus Thov

(2 Xamuyees 7:18-29)

16 Ces vajntxwv Daviv txawm nkag rau hauv lub tsev ntaub, zaum ntawm (יחוח)Yahweh xub ntiag mas hais tias, Au (יחוח)Yahweh, kuv yog leejtwg thiab kuv caj ces yog leejtwg es koj coj kuv los txog txij no?

17 Au (יחוח)Yahweh, tej no yog tej yam me me ntawm koj lub qhov muag xwb. Koj tseem hais tseg txog kuv uas yog koj tus tub qhe caj ces rau ntau xyoo tom hauv ntej. Au (יחוח)Yahweh, koj tseem pom tias kuv yog ib tug uas tsim txiaj kawg.

18 Kuv Daviv yuav hais abtsi ntxiv rau koj txog qhov uas koj tau pub koob meej rau kuv uas yog koj tus tub qhe? Rau qhov koj yeej paub kuv uas yog koj tus tub qhe.

19 Au (יחוח)Yahweh, vim koj saib rau koj tus tub qhe thiab vim yog raws li koj lub siab nyiam, koj thiaj ua tej haujlwm loj no huvsi thiab qhia tej haujlwm loj no huvsi rau kuv paub.

20 Au ()Yahweh, tsis muaj leej twg zoo cuag li koj. Dhau koj lawm, tsis muaj dua ib tug tswv uas yuav zoo li koj, txij li peb lub qhov ntsej tau hnov.

21 Haiv neeg twg hauv lub ntiajteb no yuav zoo thooj li koj haiv neeg Ixayees uas (יחוח)Yahweh, koj mus txhiv los ua koj haiv neeg?  Koj ua rau koj lub npe nto moo lug, vim yog koj ua tej yam uas loj thiab txaus ntshai kawg thiaj ntiab tau tej haiv neeg kom khiav ntawm koj haiv neeg hauv ntej mus, yog koj haiv neeg uas koj txhiv ntawm Iziv tebchaws los.

22 Thiab koj tsim tsa koj haiv neeg Ixayees los ua koj li teej tug mus ib txhis, thiab (יחוח)Yahweh koj tau ua lawv Tus Tswv.  

23 Au (יחוח)Yahweh, nimno thov kom koj tej lus uas koj hais tseg txog kuv uas yog koj tus tub qhe thiab hais txog kuv caj ces, nyob ruaj mus ib txhis thiab thov koj ua raws li uas koj tau hais cia lawd.

24 Koj lub npe yuav nyob ruaj khov thiab yuav raug qhuas mus ib txhis hais tias, Ixayees Tus Tswv (יחוח)Yahweh uas muaj hwjchim loj kawg nkaus, nws yeej yog Ixayees Tus Tswv ntag, thiab Daviv uas yog koj tus tub qhe caj ces yuav nyob ruaj khov ntawm koj lub xub ntiag mus li.

25 Au kuv Tus Tswv, koj twb qhia rau kuv uas yog koj tus tub qhe paub tias, koj yuav tsim kuv kom muaj caj ces ua vajntxwv mus li.  Vim li no kuv uas yog koj tus tub qhe thiaj li muaj cuab kav tsa ncauj thov koj.

26 Au (יחוח)Yahweh, koj yeej los yog Tus Tswv, thiab koj tau cog tej lus zoo no rau koj tus tub qhe.

27 Yog li no, nimno thov koj txaus siab foom koob hmoov rau koj tus tub qhe caj ces kom nyob ruaj rau ntawm koj lub xubntiag mus ib txhis.  Au (יחוח)Yahweh, yam twg uas koj foom koob hmoov rau, yam ntawd yeej tau txais koob hmoov mus ib txhis.