1 VAJ KEEB KWM 21

Daviv Suav Cov Ixayees

(2 Xamuyees 24:1-25)

1 Xatas sawv tawm tsam cov Ixayees, thiab tshoov Daviv siab kom nws suav cov Ixayees.

2 Daviv thiaj hais rau Yahas thiab cov thawj uas kav cov tub rog tias, cia li mus suav cov Ixayees txij ntawm lub moos Npe‑awsenpas mus txog lub moos Daj es rov qab los hais rau kuv kom kuv thiaj paub tias muaj tibneeg npaum li cas.

3 Ces Yahas hais tias, thov (יחוח)Yahweh pub kom nws haiv neeg huaj vam coob ib puas npaug ntxiv rau cov uas muaj lawd.  Vajntxwv uas yog kuv tus tswv, haiv neeg no huvsi puav leej yog koj li pejxeem los tsis yog? Ua cas koj tseem xav ua li no?  Ua cas koj yuav coj lub txim los rau cov Ixayees?

4 Tiamsis vajntxwv tej lus kov yeej Yahas tej lus, Yahas thiaj tawm mus thiab mus txhua nrho tebchaws Ixayees huvsi mas rov qab los rau hauv Yeluxalees.

5 Yahas thiaj qhia rau Daviv paub tias, cov pejxeem uas nws mus suav ntawd muaj npaum li cas. Hauv Ixayees tebchaws huvsi muaj 1,100,000 leej txivneej uas ua tau tub rog thiab hauv Yahdah tebchaws muaj 470,000 leej txivneej uas ua tau tub rog.

6 Tiamsis thaum Yahas mus suav nws tsis suav xeem Levis thiab xeem Npeeyamees, rau qhov tej uas vajntxwv hais kom nws ua mas nws tsis nyiam kiag li.

7 (יחוח)Yahweh tsis txaus siab rau tej no mas nws rau txim rau cov Ixayees.

8 Daviv thiaj hais rau (יחוח)Yahweh tias, qhov uas kuv ua li no yog kuv tau ua txhaum loj kawg.  Nimno thov koj daws kuv uas yog koj tus tub qhe lub txim no tseg, rau qhov kuv tau ua yam uas ruam tshaj plaws.

9 Mas (יחוח)Yahweh hais rau Nkas uas yog Daviv tus xibhwb uas hais lus pom tom hauv ntej tias,

10 cia li mus hais rau Daviv hais tias, (יחוח)Yahweh hais li no tias, kuv muab peb yam rau koj xaiv, saib koj yeem cia kuv ua yam twg rau koj.

11 Nkas thiaj mus cuag Daviv thiab hais rau nws tias, (יחוח)Yahweh hais li no tias, koj cia li xaiv yuav ib yam uas koj lub siab nyiam,

12 yog kev tshaib plab peb xyoos lossis raug koj cov tshawj chim ntaus kom puam tsuaj peb hlis es lawv xuas ntaj raws caum koj, lossis raug (יחוח)Yahweh rab ntaj peb hnub ua kev mob kis hauv lub tebchaws es (יחוח)Yahweh tus tubtxib saum ntuj ua kom puam tsuaj thoob plaws Ixayees teb chaws. Nimno koj cia li txiav txim siab saib yuav cia kuv mus teb li cas rau (יחוח)Yahweh uas txib kuv tuaj.

13 Mas Daviv hais rau Nkas tias, kuv ntxhov siab heev, thov cia kuv poob rau hauv (יחוח)Yahweh txhais tes, rau qhov nws txojkev hlub loj kawg li, tiamsis thov tsis txhob cia kuv poob rau hauv tibneeg txhais tes.

14 Yog li ntawd (יחוח)Yahweh thiaj tso mob kis los raug Ixayees tebchaws mas cov Ixayees tau tuag xya caum txhiab leej.

15 Mas (יחוח)Yahweh txib tus tubtxib saum ntuj mus rau Yeluxalees es yuav ua kom puam tsuaj. Tiamsis thaum nws yuav nqis tes ua kev puam tsuaj, (יחוח)Yahweh tsa muag saib mas nws hloov dua siab tsis tso tej mob kis ntawd lawm.  Nws thiaj hais rau tus tubtxib saum ntuj uas tab tom ua kom puam tsuaj tias, txaus lawm, cia li nkaum koj txhais tes tamsim no. Mas (יחוח)Yahweh tus tubtxib saum ntuj sawv ntsug ntawm Aulanas uas yog tibneeg Yenpus lub tshav ntaus qoob.

16 Daviv tsa muag saib pom (יחוח)Yahweh tus tubtxib saum ntuj sawv saum ib nta ntuj thiab hauv nws txhais tes tuav rawv ib rab ntaj taw ntshis rau saum lub nroog Yeluxalees lawm.  Daviv thiab cov kev txwj laug hnav khaub seev tsaj khwb nkaus lub plhu ti nkaus av.  

17 Mas Daviv hais rau (יחוח)Yahweh tias, yog kuv ib leeg xwb uas hais kom lawv txheeb cov tibneeg.  Kuv yog tus uas tau ua txhaum muaj txim thiab ua phem kawg li lawm.  Tiamsis pab yaj no lawv tau ua abtsi? Au (יחוח)Yahweh uas yog kuv Tus Tswv, thov koj tsa koj txhais tes tawm tsam kuv thiab kuv tsev neeg xwb, tiamsis thov tsis txhob kheev tus mob phem ntawd nyob saum koj haiv neeg.

18 (יחוח)Yahweh tus tubtxib saum ntuj kom Nkas mus hais rau Daviv tias kom Daviv nce mus tib ib lub thaj xyeem rau (יחוח)Yahweh ntawm Aulanas uas yog tibneeg Yenpus lub tshav ntaus qoob.  

19 Daviv thiaj nce mus raws li tej lus uas Nkas hais, uas yog nws tuav ()Yahweh lub npe hais.

20 Aulanas tab tom ntaus mog mas nws tig los pom tus tubtxib saum ntuj, mas nws plaub tug tub uas nrog nws nyob ntawd thiaj khiav nkaum.

21 Thaum Daviv tuaj txog ntawm Aulanas, Aulanas pom dheev Daviv, nws txawm tawm ntawm lub tshav ntaus qoob mus khoov ntshis pe Daviv ua lub plhu ti nkaus av.

22 Mas Daviv hais rau Aulanas tias, thov muab lub tshav ntaus qoob rau kuv es kuv yuav tib ib lub thaj xyeem rau (יחוח)Yahweh rau qhov ntawd.  Thov muag rau kuv raws li tus nqi xwv thiaj li tav tau tej mob phem no kom ploj ntawm cov pejxeem mus.

23 Mas Aulanas hais rau Daviv tias, vajntxwv uas yog kuv tus tswv, thov cia li yuav dawb, thiab cia li ua raws li uas koj pom zoo.  Kuv pub cov nyuj siv ua kevcai hlawv xyeem thiab tej thob log luam qoob ua taws rauv thiab cov mog ua kevcai xyeem qoob loo.  Kuv thov pub huvsi rau koj.

24 Tiamsis vajntxwv Daviv hais rau Aulanas tias, ua tsis tau li ntawd, kuv yuav them rau koj kom txaus li tus nqi. Kuv yuav tsis muab tej uas yog koj li xyeem rau ()Yahweh, lossis muab tej uas kuv tsis tau them nqi ua kevcai hlawv xyeem. 25 Daviv thiaj them nqi rau Aulanas yog kub nyhav rau puas sekhees rau thaj chaw ntawd.

26 Daviv thiaj ua ib lub thaj xyeem rau (יחוח)Yahweh qhov ntawd thiab ua kevcai hlawv xyeem thiab ua kevcai xyeem sib raug zoo, thiab hu thov (יחוח)Yahweh lub npe. Mas (יחוח)Yahweh teb nws thiab tso hluavtaws saum ntuj los rau saum lub thaj hlawv xyeem.

27 (יחוח)Yahweh txawm hais rau tus tubtxib saum ntuj ces nws muab nws rab ntaj ntsaws kiag rau hauv hnab.

28 Lub sijhawm ntawd thaum Daviv pom tias (יחוח)Yahweh teb nws ntawm Aulanas uas yog tibneeg Yenpus lub tshav ntaus qoob, mas nws thiaj ua kevcai xyeem rau (יחוח)Yahweh rau qhov ntawd.

29 Rau qhov lub sijhawm ntawd (יחוח)Yahweh lub tsev ntaub uas Mauxes tau ua rau hauv tebchaws moj sab qhua thiab lub thaj uas hlawv qhov txhia chaw xyeem nyob rau ntawm lub chaw siab pe hawm (יחוח)Yahweh ntawm Kinpe‑oos lawm. 30 Tiamsis Daviv mus ua nug rau (יחוח)Yahweh qhov ntawd tsis tau, vim nws ntshai (יחוח)Yahweh tus tubtxib saum ntuj rab ntaj.